عروس الشام :

مرحبا يا حلوات.. شو الأخبار.. شو نايس.. شو هالخبر؟؟ ما بعرف, أنا قريته و قعدت فكر اشمعنى أهل هالقرية يللي شافوا الضوء دونناً عن المليار مسلم يللي بالدنيا؟؟ شو دينهم أحسن من دين باقي المسلمين؟؟ على العموم هالخبر ما لازم يخلينا تخف همتنا على أساس إنو مشي الحال و راحت ليلة القدر.. ما حدا بيعرف غير رب العالمين إيمتى بتجي ليلة القدر... الله يوفقكم كلكم يا رب و يغفر لجميع المسلمين بهالأيام المباركة.. معلش ما حإقدر رد عليكم وحدة وحدة متل العادة.. تعبانة شوي.. اليوم بابا قالي ليش عيونك حمر متل الدم؟؟ قلتلو من قلة النوم.. ما عم يصحلي نام منوب.. منشان العيد.. يا حسرة قلبي, جوزي مسافر يوم الأربعاء على الشام ليقضي العيد مع أهله و أنا حإبقى هون مع أهلي.. و الله مو هاين علي إنو عيد لحالي بلا جوزي.. و كمان ما بدي عيد بلا أهلي.. قام رب العالمين اختارلي إنو عيد هون لأن إقامتي خلصت و الجوازات قالوا لجوزي ما بتخلص إلا بعد العيد.. يعني تعسرت نزلتي مع جوزي من عند الله.. الله رايدلي إقضي العيد مع أهلي.. بس المشكلة جوزي ما بيحب إطلع زيارات مع أهلي بالعيد من دونه و لا إقعد مع الناس يللي بيزوروا أهلي.. يعني بدي انحبس بالعيد :( هو وجهة نظره انه القعدات عائلية و أنا من دون جوزي شو بيقعدني؟؟ مع أنه بابا و أخي معي, بس ما بيعجبه.. يمكن معه حق, , و أنا كمان بحس حالي هبلة, إنو كل واحد جاية مع مرته إلا أنا قاعدة مع حالي.. يللا.. ان شاء الله بس يرجع بدي إقنعه نستأجر شاليه يومين نغير جو لأن ما صحلنا نقعد مع بعض من زمان.. دائماً مشغولين.. بس حبيت قول لدانيا, ما بيصير تسافري بالتاسع.. من دون شي الوحدة بالتاسع ضغطها طالع نازل, بلا ما تصير معك مشكلة و ما تلاقي دكتور حواليكي ... فالله يخليكي بلالك هالسفرة.. يللا سلامات يا حلوين

مرحبا يا حلوات.. شو الأخبار.. شو نايس.. شو هالخبر؟؟ ما بعرف, أنا قريته و قعدت فكر اشمعنى أهل...