مرحبا صبايا
شو اخباركم ان شاء الله بخير
شام شو اخبارا لكريب تبعك انت وهنودة ان شاء الله مشي الحال وخلصتو منو ....
زنزون كيفك يا حلوة لك انت يلي نيالو جوزك عندو احلى مهندسة ولو ويا ستي بالنسبة للمعمول سالتيني انت ونايس انا جربت كتير طرق بعدين استقريت على طريقة منال العالم >>>> مو بايدي بحب طبخها
اذا بدكن المقادير لاكتبها واذا لاء بتوفروا ههههههه >>>> صراحة تكاسلت اكتبها
لوليا ولو تعالي والف صحن معمول يخدم هالشوارب ههههه
متل جوزي بيروح وبيجي بيقول لي هاتي لدوق ملحهم ..... هاتي لدوق مدري شو الله وكيلكم رح يخلصوا قبل ما يجي العيد :icon33: وهو يلي كان عم بيقول لي بلا ما تساوي وتعذبي حالك هي عنا الجاهز يلي جبنا معنا ..... هيك كان بابا يقول لامي الله يخلي لي ياها بلا هالشغل وبلا هالتعب وخصوصي كان يجي حلو جاهز من كل الانواع بس نحنا كنا نق عليها منشان ننزل دقدقة بهالقالب هههههه
شاي شو اخبارك انت ونور يلي ما عادت بينت وهيلين كمان ؟؟؟؟؟؟
سارة الحمد لله طلعت كتير طيبة الله يسلم ايدكي يا رب
دانيا لا تسافري حبيبتي لانو خطر عليكي وانت هلا على وش ولادة .......
عروس
متل ما قلت على هالقرية اشمعنى انو هنن بس يلي شافوها على الاقل لازم كل السعودية مو بس هالقرية ... على كل حال لا تياسوا احيو الليالي المفردة البقيانة وان شاء الله رب يطعمنا ياها ....
بعدين ليش ما عم تنامي ؟؟؟؟؟
دخيلوانا الزعلان ..... لك لا تزعلي ولا على بالك عسى لخير انو ما تيسرت سفرتك على الشام .... طيب جوزك شاف هيك ليش ما لغاها كلها ويا ستي تنزلوا لبعد العيد ؟؟؟؟؟؟
بعدين الله يهديه يعني هو مالو معك وكمانعم بيقول لك بلا ما تروحي جمعات لوحدك ومتل ما قلت ابوكي واخوك واهللك اكيد معك ؟؟؟؟ الله يهدي لك ياه يا رب
طولي بالك والله يفرج عنك وعني وعن جميع المسلمين
تشاوووووووووو

كيفكون بنات عروس هلق انا فرطانة ضحك من خربطنا نبلش تبعك عن جد مع انو مالي قلب اضحك بي لح
اقلب ع ظهري من كتر الضحك ههههههههههههههههههههههه
نجاح يسلمو ايديكي عن جد كلامك صحيح
ساجدة يعليكي شو كسلانة يلا اكتبيلي الوصفة ههههههههههههه بدي جربها عسى ولعل مناكل حلو هالعيد
صحي عروس بدي قلك ليش يعني بلا جوزك ما بيصير تعدي مع العالم انا جوزي بيروح بيعيد مع اهلو وانا مع اهلي مشان ما نتدايق وكل واحد يضل مروق
لوليا والله مالي قلب لشي اي انا بيتي بالزور عم احسن ساويه بدك ياني حط زينة ناوية تخلصي عليي ههههههههههه بعدين انا تعودت تقريبا لانو صرلي شي اربع عياد على هالحال اول عيد كنت عروس سا حسرتي وكنت جديد بالسفر والغربة والله ضليت ابكي مشان جوزي يركبني مرجوحة بس يا حسرتي ما رضي ومافي مراجيح بالصين
نايس الموضوع مو صحيح لما قرءو جوزي قلي مالقيتي غير العربية تاخدي منها اخبار ههههههههههههههههه
يلا بنات اجا جوزي بدي روح سلام واسفة لاني مارديت ع بقية البنات

مساء الخيرات والليرات
كيفكم صبايا ان شاء الله تكونو بخير وعافيه يارب
انا تعباااااااااااانه كتير كتير ظهري واجعني من محل العصعوص لاعم اقدر نام ولا اقعد والي يومين ما طبخت مضيينها اكل خفيف وحاسه حالي رح ارجع كرب وراسي بالزور شايلته وفوق كل هالشي زوجي واعد رفيقه ان نطلع مع بعض يالعيد نعمل جوله سياحيه بكم منطقه بتركيا والله ماني عرفانه كيف بدي سافر كتير اكله هم وزوجي كتير متحمس للسفره خطي اله زمان ماطلع غير جو
قلت لحالي مارح احرم زوجي من هالرحله بشوف اذا كنت مرتاحه كفينا الرحله ماقدرت وتعبت بنحمل حالنا وبنرجع بنتقاوى ببيتنا مع ان حاسه حالي مالي حيل ابدا والله يكتب كل خير
انتو بنات شو مخططاتكم للعيد ؟؟؟؟؟؟؟؟؟
الحمدلله خلصت ختمة القران وهلا عم احفظ سورة البقره لاني حافظه منها كميه منيحه فان شاء الله بتخلص معايي مع نهاية رمضان والله يعينا ع طاعته ويبلغنا ليلة القدر ويتوب علينا ويسامحنا
اللهم امين
سامحونا

عروس لاتزعلي حبيبتي حاولي تحكي مع جوزك بالرواق عالاقل يخليك تروحي روحات نسوان بس واذا ما نفع خلي اهلك يجو لعندك واحتفلو بالعيد سوا ولا تزعلي ياحلوة وان شاء الله بيعوضلك ياها ليرجع بالسلامة

سوسو اي هيك خليكي مونستينا يا حلوة واكيد معمولاتك ظراف لحتى جوزك عم ينقور منن وعم استنى صحني بالدي اتش ال ويا ستي الف صحة وهنا عاقلبكن ومتل ماقلتي لازم نتم شادين الهمة الله اعلم امتى حتكون ليلة القدر

دانية حبيبتي لا تزعلي حالك ومو انت تحطي الزينة خلي جوزك والله نفسيا بتحسسك انو في عيد ومشان المرجوحة انا بتمنى لو يكون في هون مراجيح عالاقل بركب بنوتاتي فيها وبالمعية بركب معهن بس شو نعمل الله يعين احسن شي يللا ان شاء الله كلو بثوابو بكرى لتقومي ان شاء الله بالسلامة وتصيري تمام بركي عاعيد الاضحى ان شاء الله خلي جوزك ياخدك عاشي مدينة ملاهي خليكي تتشقلبيلك شي شوي وتنبسطي الا اذا كنت بتخافي ركبي بالعاب الاطفال بتحسي بالعيد شوي

بطة الله يتقبل منك وحلوة فكرة الجولة حاولي ريحي حالك هالكم يوم بركي بتكوني متنشطة ان شاء الله بالعيد

ومشان مخططات العيد مو عرفانة سمعت انو حيعملو كذا حفلة للعيد بس ماعندي اي تفاصيل لسا وانا ان شاء الله ناوية جيب كم لعبة صغيرة واكلات طيبة للبنات ولفلهن ياهن وحطهن بكيس ملون خليهن يفرحو بالعيد شوي

سلامي لباقي البنات وحدة وحدة

مرحبا صبايا كيفكن حبيباتي تسلمو لقلبي إنشالله أنا الحمدلله تحسنت شوي بس ماعم يتركني وجع الراس وفي بحلقي مراره ماعم تروح ورقبتي كتير عم تجعني والله الكريب هدني هد
الله يعافيني أنا وكل مريض
حبيت سلم عليكن واتشكر كل يللي سألو عليي إنشالله ما بحترمكن ياحق

وفي عندي قصيدة شامية واحد كاتبها لحبيبتو بتفرط من الضحك اجتني على الميل إنشالله تعجبكون

قصيدة شامية

>>>بحبك حب الشباك للبرداية
>>>
>>>
>>>بحبك حب الأرنبيط للكوساية
>>>
>>>بحبك حب الشلمونة للكولاية
>>>
>>>لك بحبك حب الطشت للكبجاية
>>>
>>>يا ريت تكوني شخبرة... وكون أنا المحاية
>>>
>>>يا ريت تكوني بريات... وكون أنا البراية
>>>
>>>يا ريت ما تحطيلي زء... لما كون أنا
>>>جاية
>>>
>>>بحب ضحكتك يللي متل صوت المعزاية
>>>
>>>بحبك حب الدؤونية لللهاية
>>>
>>>بحبك حب المألمة للشنتاية
>>>
>>>يا ريت تكوني عوجا وكون أنا العرب!
>>>اية
>>>
>>>يا ريت تكوني طربيزة... وكون أنا كنباية
>>>
>>>يا مدلوئة
>>>حياتي وشعيبيات عمري ووربات بئشطة روحي! ...
>>>ياأحلى زبدية محلاية
>>>
>>>بحبك حب الريموت
>>>للتلفزيون
>>>
>>>بحبك حب درفة الباب للمندلون
>>>
>>>بحبك حب بنت اختي الفصعونة
>>>لسبيس تون
>>>
>>>بحبك حب أبو السوم للطابة
>>>
>>>بحبك إذا كنتي متنحة أو حبابة
>>>
>>>بحبك حتى لو كان صوتك متل موتور الدبابة...
>>>
>>>
>>>
>>>سمعيني
>>>شوي لحتى احكيلك الأصة
>>>
>>>يا ريت تكوني حنفية مي عم تشرشر ...
>>>
>>>نشالله ما يبلا هلطول .. متل عرئ الفصة
>>>
>>>لك يا ريت تكون معي هيكة كمشة بزر وأعطيكي نصا
>>>
>>>بحبك حب منير الجبان لكلمة صباح الخير
>>>
>>>بحبك حب جهاد سعد لبرنامج خبرني يا طير
>>>
>>>
>>>
>>>لك بتسدئي ؟؟
>>>
>>>بحبك حب جورج بوش لتوني بلير
>>>
>>>شه
>>>
>>>بحبك حب الآرمة للعامود
>>>
>>>بحبك حب الزلائط للمعؤوود
>>>
>>>بحبك حب السعادين للقرود
>>>
>>>بحبك إذا كنتي ساكتة أو عم تحاكينا...
>>>
>>>بحبك حب ابن اختي الفصعون لبوظة كارينا
>>>
>>>بحبك حب البردآن ..
>>>للكرمنتينا
>>>
>>>حاجة بأة
>>>
>>>جننتينا