السلاااااااااااااااااااام لاحلى بناااااات
كيفكن شو اخباركن انا اعذروني بهالفترة بس والله بالي مشغوووووول بمية قصة الله لا يشغلنا الا بطاعتو قولو امين والله يجزيكن الخير عاهلجمعة الحلوة الله يشهد انو خففت عني الغربة كتير
هيلين حبيبتي الله يجزيك الخير عاسؤالك عني انت وكل البنات يلي سالو عني كيف جو السعودية معكن سمعت انو ما شاء الله نازلة امطار الله يبعت الخير الهي انا كل ما ينزل مطر هون بقول يارب تبعت منو شوي لبلادناشو اخبار ولادك الله يحميهن وشو اعمارهن

الساجدة لله سوسو خانم طمنيني عنك وعن حملك الله ييسر لك يارب بالنسبة الي ما عملت عيد ميلاد لبناتي ابدا بصراحة انا من رايي انو ما نعود ولادنا عاهلشي او متل ما قالت هنودة وشام نربطلهن ياها بحفظ قران او شي انجاز انجزو بحياتهن لانو خلقة بهالبلد بيظل عندهن اعياد عالطالعة والنازلة وبيهتمو كتير باعياد الميلاد والله يخليلك ماسة ويحميلك ياها وتشوفيها عروس ان شاء الله

نايس سميل كيفك حبيبتي وكيفها شهودة الله يسلمها وينك مو مبينة عم اتغدى فيكي قبل ما تتتعشي فيني

الغالية شام ما شاء الله فكرة الحفلة كتير حلوة والالعاب يلي عملتوها احلى واحلى الله يعطيك العافية وشهيتيني عاليالنجي والتبولة

انا عمري ضاع حبيبتي طولي بالك وما شاء الله سوسو ما قصرت انسي يلي مضى وافتحي صفحة جديدة حاولي تسمعي انت وزوجك لحلقات عمرو خالد او الشيخ عمر عبد الكافي واذا هو ما بيحب يسمع حضري جو البيت يكون هادئ و مظبطة امورك ونيمي الولاد وقليلو اليوم حابة اسهر معك وكوني محضرة شي حلقة حلوة وسمعوها وبنصحك بحلقة السعادة الزوجية لعمرو خالد او حلقة اصلاح ذات البين كتير عجبوني والله يهدي سرك وبالك انت وجميع المسلمين

نور الدرب كيفك وكيف البنوتات وكيف البرد عنكن نحن النا مدري كم يوم جاية سقيع عا مونتريال الله يجيرنا

مزون كيفك وكيفو ابنك الله يسلمو ونصيححة ديري بالك ولا تتركي لنفسك هواها بالاكل سبحان الله انا وقت كنت بنت بس لانزعج من شغلة اترك الاكل وما عاد اكل منوب بس هلق للاسف العكس تمام وخاصة هالفترة يمكن عالشتا الواحد بيلقو حالو بردان فبيدفي حالو بالكل(وحدة عم تدور مبرر وما تلاقي) انا من راي الدكتور البوطي انو الاعياد الميلاد بتعود عالانانية لانو بتكبر بنفس الطفل حب الانا هلا عالصغر نص مصيبة بس بعدين ليكبر الولد ويتعود عالاعياد الميلاد بصراحة من فترة كنت عم فكر عاشو الواحد بيفرح بعيد ميلادو انو راح من عمرو سنة وهومقصر الله يعفو عنا يمكن تقولي نظرتي سوداوية للامور وحتى لو كان عامل كل جهدو ومو مقصر فلازم يستزيد اسفة يمكن كترت حكي بس انا
هاد رايي
هنودة الحبوبة تسلملي عينك شو حبابة ما شاء الله ما بتنسي حدا الله يذكرك بالخير في ملاه الاعلى متل ما بتذكرينا وما بتنسي حدا

عاشقة وزنزون كيفكن يا بنات الحلال اشتقنالكن

المزة حبيبتي كيفك وكيف ابنك الله يسلمو والحمد لله انو الطقس ظريف عنا عقبال ما يصير هيك عنا صحي هالسنة كانت احسن من السنين الباقيين بس نحن طماعين

باقي البنات وينكن ما عدتو بينتو منوب طمنونا عنكن الله يرضى عليكن وادعولي تتيسر اموري وافضى وسلام لاحلى بنات

بالنسبة لاسم لاختنا انا عمري ضاع شو رايكن (حليت ايامي بجمعتكن) واثقة من حالي

اهلين لوليا وشام نورتو
وأنا معكن حلو أنه نحتفل بإنجاز عمله الطفل مشان هيك أنا واعدتها لبنتي إذا حفظت جزء عم رح اعملها حفلة بإذن الله وكلكن معزومين عليها :)
تسلمي يا شام بتعرفي انك عطيتني كم فكرة بالنسبة للمسابقات لأن رفيقتي عاملة حفلة لبنتها عشان حفظت وعم بتصلي وعمرها 7 سنين وأنا ناوية اعمل للولاد مسابقات وكم شغلة مشان يفرحو
بقى اللي عندها أفكار الله يرضى عليكن لا تبخلو علينا
شو كمان شو في ما في ,,
البرد على ما هو يا لوليا ويا شام الله يصبرنا ع هالبردات وديري بالك من السواقة يا شام أنا كل مابتكون معي السيارة زوجي بنبهني مية مرة قبل ما اطلع

هلا بكل البنات كيفك ساجدة تسلميلي على كلامك الروعة مثلك وبشكر كل البنات يلي دعولي هنودة شام نور الدرب lolia مزون وووو الكل الله لا يحرمني منكم ها شو في مافي طمنوني عنكم شو في اخبار من ناحيتي انا بخير واولادي تمام والله لما بشوفهم انا وابوهم كتير بنفرح خصوصا كل يوم بيطلعو بحركة جديدة هم محليين حياتنا الله لا يحرمنا منهم انا وزوجي كويسين مع بعض وعم نحاول نخفف على بعض بس للاسف الامور عم تتعسر اكتر الله ييسر عن قريب واكيد بأذن الله مابعد الضيق الا الفرج يارب اخواتي بالنسبة لتغيير اسمي انا حابة الفكرة كتير بركي اذا اخترت اسم فرايحي بينطبق علي شي يوم وانتو فصلو وانا بلبس اختارو لي اسم يلا سلامات

كيفكم حلوين اشتقتلكم ان شاء الله اتكون كل اموركم تمام حبيت سلم على السريع وان شاء الله الي عودة ادعولي بنات

مساء الخير يا صبايا يا حلوين
كيفكم و كيف أموركم وحدة وحدة و اعذروني لعدم ذكر الأسماء لأنو يخزي العين عنكم كترة...ربي لا يحرمنا هالجمعة الحلوة:)

أنا عن تابعكم و الله بس ما يصحلي رد لأنو صايبني وجع ضهر كتير قوي الله لا يدوقو لحدا يعني ما عم فيني طول بالقعدة عالكرسي كتير منشان هيك لا حدا يعتب علي:26:

بس حابة قول كلمتين لشام و ساجدة
شام ربي يجزيكي الخير و يعطيكي العافية على طريقة ورق العنب و ما تآخديني ما قدرت رد عليكي بوقتها للسبب الآنف الذكر....أبوكي يالفصحى:hahaha:

ساجدة..ربي يكملك بعقلك على هالدرر اللي حكيتيها بتعرفي حتى أنا استفدت من كلامي لأني كنت حاسة حالي مقصرة بحق بنتي فلما قرأت كلامك رجعت لورا خطوة و أعدت حساباتي

و شكرا من كل قلبي للي سأل عني و استفقدني....
و بدي خبركن أنو الحمدلله اليوم بلشت حفظ سورة البقرة و بفضل الله حفظت وجهين و بإذن الله ناوية كمل....أنتو بس ادعولي أنو ربي ييسرلي الحفظ و ما التهي متل عادتي