lolia :

هلين بكل البنات كيفكن اول شي بدي اعتذر من لا للكابة لانو ما رحبت فيها قبل هلا بس البنات ما قصرو ويامية اهلا وسهلا فيكي ساجدة حبيبتي بنتك لساتها صغيرة ولا تنسي انها لحالها هي مو عمرها تقريبا قريب السنتين ؟ انا بنتي الكبيرة ما حكت لصار عمرها سنتين و4 اشهر بس بسم الله على قلبها كل الحكي طلع معها واضح بفرد مرة فلا تاكلي هم والله بكرى لتقولي سقى الله ايام وقت كانت اصغر وما بتحكي منيح انا لانو متى ما بلش الحكي بلشت المجادلة والعي والله احيانا بقول لحالي اذا لسا ما طبقت ال4 سنين وهيك بتجادل عا كل شغلة وما بيهون عليها تحاكيها شي كلمة لتكبر شو بتعمل والحمد لله اختها عالطريق نفسو الله يعيننا عا تربياتهن ويقوينا مزون84 ياستي ان شاء الله الف مبروك البيت والله يجعلو عامر بذكره يارب كيفك وكيفو اويس افندي هنودة الحبوبة تسلملي عينك شو مذوقة ما بتنسي حدا هيلين كيفك ان شاء الله تكوني بخير زنزون كيفك وشو اخبارك والله مظبوط كلامك سبحان الله الغربة بتخفف الذنوب ببكرى احلى سلامتك ان شاء الله وما تشوفي شر سبحان الله فعلل الناس بالغربة بتلاقيها بتحن عابعض الله يجزيهن الخير لرفقاتك ورفقاتي يلي ما قصرو وقت ولادتي بطة كيفك يا حلوة وين هالغيبة اشتقنالك نور و وفتاة وشام ونايس وشام ياذا السيف خليكن معنا لا تطولو الغيبة

هلين بكل البنات كيفكن اول شي بدي اعتذر من لا للكابة لانو ما رحبت فيها قبل هلا بس البنات ما قصرو...

شام :

مرحبا غالياتي أنا كل فكر ي أني كتبت بردي ترحيب باختنا العزيزة لا للكآبة وفعلا استغربت لما ما لقيت الرد أبصر فين طار ... على كل ميت أهلا وسهلا فيك شرفتينا وآنستينا وإن شاءا لله بتنبسطي معنا يا رب بهالجمعة والبنات الحلوين ..... الله يحميهم ساجدة ... معلش حبيبتي طولي بالك بكرة بتحكي كل شي وما بتعود بتسكت كمان بس الولاد بالغربة حكيهم قليل بس لما تنزلي على الشام بتتحسن أو لما بتجتمع مع ولاد وبيلعبوا مع بعضهم أكيد بدها تحكي بس مشكلة ولادنا هون أنو ما في حدا يلعبوا معو غير بالمدرسة .... الله المعين بكرة احلى ...... سلامة قلبك يا رب ..... غن شاءالله بتتحسني وبتصير عال العال .وفعلا بالغربة الواحد بتتعب نفسيتو وقت بيمرض وما بلاقي حدا بجنبو بس لما منفكر كيف بكون ثوابنا لو توكلنا على المولى وما سقينا ونقينا أكيد رب العالمين ما بضوعلك ياها ...... الله يحميك ويشفيك ويبعتلك أيام بتسرك وتسر خاطرك مشان الميزانية أناملي خبيرة في في كم فكرة بجوز بتساعدك لو بدك تمسكي مصروف البيت فهدا سهل كل شهر قيمي على جنب شوية مصاري مهم قلوا أو كتروا ولا تمدي ايدك عليهم بنوب ولو بتحطيهم بشي بنك مثلا بكون أفضل ..وانسيهم تاني شي لو مثلا مر شهر وكان المصروف زيادة او اشتريتوا شي شغلة ودفعتوا فيها منيح الشهر اللي بعدو حاولي تعوضي بالمصروف يعني تقللي قدر الإمكان لحتى يتعادل الشهرين مع بعضهم لما تشتري شي وترجعيه قيمي هالمصاري وخبيهم ...... صمديهم يعني .... رفيقتي علمتني طريقة ما بعرف لو بتزبط عندكم بمصر لما تدفع عند المحاسب بالسوبرماركت مثلا بقولولك بدك كاش باك ...... فهي بتختار ايه وبتاخد عشرين دولار أو خمسين او أكتر ...يعني بتحسب حالها اشترت اي شي بس بتخبي المصاري لوقت العازة .... يعني أفكار متواضعة بس يمكن تفيدك ..... الله يحميك ويعطيك اللي ببالك مزون ..... ميت ألف مبروك يا رب ان شاءا لله منزل مبارك وعامر يا رب ...... عقبال تكسيه وتشتروا السيارة والمكتب ووو ........... الله كريم ماشاءا لله الله يهنيكم يا رب لوليا .....فكرة كل يوم آية كتير حلوة وانا بلشت فيها لولادي الصغار هلىء عم علمهم الفاتحة الله يجزيك الخير يا رب ...... بطة ... ميت ا÷لا وسهلا وين هالغطو يا بنت الحلال ؟؟؟؟؟ الله ييسرلك أمورك وين ما كنت نايس سميل وينها ماعاد بينت وسما ايجبت وآية شو صار معها ولدت ولا لسى الله ييسرلها ونور الدرب ما عم تطل علينا إلا متل القمر مرة بالشهر ...... هي شام اخدتها مننا ....... الله يسلمها هيلين ميت اهلا وسهلا فيك طمنينا عنك شو اخبارك ..... هنودة الحبوبة .كيف الريجيم معك ....؟؟ الله ييسرلك اموروك ويفتح عليك وباقي البنات سامحوني لو نسيت اذكر اسمهم ..... حاكم الكبر عبر ....ههههه الله يعينا شو مننسى ماشي بامان الله لا تنسوني من دعاءكم الله يرضى عليكم

مرحبا غالياتي أنا كل فكر ي أني كتبت بردي ترحيب باختنا العزيزة لا للكآبة وفعلا استغربت لما ما...