كيفك مزون.... انت معي؟؟
و الله متل ما قلتي عالمزاج انت كمتلي بالزبط

مزون .... انا صرلي كم يوم عم فكر شو الحل للمزاجية اللي بتصيبنا هون بالغربة؟؟؟؟
و الله كتير مدايقة من هالقصة ........
كل شي مو جعبالي اعمله.....الله يعيننا

أهلا أم رزون ...

آنستي وشرفتي

ليلالي الشام كتير طيبة وسهلة جدا
أنا بعملها طبقة سميد وطبقة قشطة ..... ما بعرف شو هو الملحبي ....!!!!!!

عل ى كل بعتقد بيشبهوا بعض

المهم يا ستي المقادير :

كاستين سميد

3 معالق سميد كبار لكل كاسة حليب أنا لقيتها مريق ةشوي فزدت معلقة يعني قدري لكل كاسة سميد 4 معالق سميد كبار

سكر حسب الرغبة يعني خلي طعمته حلو مو وسط .... ممكن فنجانين سكر ....فنجان قهوة

حطي الحليب على النار ومعه السميد والسكر وحركي وحركي وخلي النار وسط واقل من الوسط لحتى تسمك منيح
صبيهم بجاط كبير وخلي السماكة نص سم أو 1 سم مو اكتر ...


وبس ليبرد تماما حطي فوقه قشطة ...

القشطة اللي أنا بعملها :

كاسة حليب هافي ويبينغ كريم
2 معلقة نشا كبيرة
سكر
شوية ماء زهر أو ماء ورد

المهم حطي الحيب على النار عل ىنار وسط وبعدين خذي شوي من الحليب نفسه دوبي فيه النشا وصبيهم في الحيب وخلطيهم مع بعض منيح منيح وحطي السكر والماء زهر لحتى يسمكوا ....


بس لتلاقيهم صاروا سماك
اطفي النار وومكن تخلطي معهم علبة قشطة قيمر أو قشطة دانا أو أي نوع بتحبيه وممكن باله معلش


وبس ليبردوا التنين السميد والقشطة حطيهم فوق بعض ورشيهم بالفستق المفروم .....

وما بنصحك تحطي قطر او شيرة لأن بتصير مرقة يعني بيصيروا عم يسبحوا :hahaha: بالقطر ...

وهي ما بتحتاج طالما فيها سكر منيح
لو حبيتي ممكن على صحنك بس وقت بدك تاكلي بس مو على الاكلة كلها ....

وهي طريقتي وان شاء الله تعجبك يا رب


وألف صحة وهنا

مرحبا حبيباتي كيفكن كلياتكن
الحمدلله اليوم خلصت شغلي على بكير
إنشالله هيك دائما والله حاسه حالي بدي ساوي كتير شغلات بس وين الوقت؟؟؟
صاير شي غريب سبحان الله الوقت عميطير طير الله يجيرنا ويرزقنا بركة الوقت..

بنات عسيرة المزاجيه والله مالي عرفانه شبني حاسه حالي مالي مراق لشي
وكتير مدايقه من حالي لأني بلشت قصر بحفظ القرآن !!
سبحان الله كانت همتي كتير عاليه وبلشت بحفظ سورة هود والحمدلله وصلت لنصها بس مالي عرفانه شبني!!
صرلي كم يوم متكسلنه .. الله يصرف عني الشيطان ويرزقني حفظ القرآن الكريم أنا وكل إمة محمد... آميــــن

Zanzoon حبيبتي تسلمي لقلبي أنا الحمدلله تمام على كيف كيفك بس والله بحاجه لدعائكن الدائم الله يبعتلي الخير أنا وياكن وكل بنات المسلمين

مزون كيفك حبيبتي وكيف أخبارك وكيفو أويس أفندي ..

بطه الغالية نورتينا ياقمر ضلك عم تطلي علينا ولا تقطعينا بنوب

وحيده بهالغربه ,, أهلا وسهلا فيكي بيناتنا أنت وين متغربه وشو اسم بناتك الله يحميلك ياهن

نور الدرب وين هالغطه؟؟ كيف لين وشام خانم الله يحميلك ياهن

lolia كيفك تقبريني شو أخبارك حبيبة قلبي طمنينا عليك دائما

هلين كيفك حبيبة قلبي وكيف أحوالك؟؟

بكرا أحلى شو حبابه وينك ماعاد بينتي كيف صايره أمورك انت وزوجك وكيف البيت الجديد
بدك مساعده ؟؟ انت بس خبريني بتلاقي بنفس اللحظه صرت عندك.. الله يسرلك أمورك كلها

لا للكابه كيفك حبيبتي وكيف ألمانيا وكيف الجو عندكن؟؟

نايس سمايل حبيبتي الله يسرلك أمورك وتكون سفرتك عالشام سفره كلها رواق وتنبسطي.. الله يلحقنا فيكي قريبا

فتاه كيفك حبيبتي وكيفو معتز أفندي ؟؟ الله يقويكي ويحميلك ياه

آيه حبيبتي كيفك يا عمري وكيف البنوتات ... الله يقويكي

ســــاجده حبيبتي كيفك اليوم يا حبيبه وكيف بنوتك الله يحميها .. الله يقيمك بالسلامة مجبورة القلب والخاطر ويسخرلك كل الخير

شـــــــــام يا أحلى شام كيفك حبيبتي وكيف الولاد.. الله يهني قلبك ويبعتلك كل يللي بسر قلبك وخاطرك
دائما كلماتك رائعه الله يفتح عليك

شام ياذا السيف .. كيفك حبيبة قلبي وينك شو يللي آخد منا.. وكيف حبيباتي عمر وعلي الله يحميهن ويباركلك فيهن

كيفكن كلياتكن يا حبيباتي والله بدكن ما تواخذوني إذا نسيت حا بس والله كلكن جواة قلبي الله يسمعني عنكن كل الخير ويجبر بخاطركن ولا يحرمني هالجمعه الحلوة بجاه حبيبو محمد

سامحوني طولت عليكن وكترت بالحكي
يلا بخاطركن.. بس لا تنسوني بالدعـــــــــاء.. ماشي

اهلا حبيبتي هنودة الحبوبة انا بخير حبيبتي والجو بالمانيا بدء بالربيع ولما تبدء رائح الربيع احس الصيف اقترب والسفر لسوريا اقترب فاشعر بارتياح نفسي وسعادة وانت كيفك حبيبتي