هذا اهداء لكل اخواتي الغاليات في مسابقة (لاللنحافه نعم لرشاقه) خاصه ولكل النحيفات عاااامه..
فيه وحده طبااااااااخه بمنتدى ثاني اسمها (يامدور الهين تراني لقيته) ماشاءالله عليها كل يوم تنزل اطباق اشكال وانواع وكل طبخه تقول الزود عندي..
واليوم استأذنت منها اني باخذ اطباقها (عالية السعرات) واللي بتساعدنا في برنامجنا الغذائي لزيادة الوزن ..
وماقصرت والله حتى انها قالت مو لازم تذكرين اسمي بس انا اصريت اذكر اسمها لكرمها معاااااي .. ياليت يابنات تدعون لها ولوالديها بطول العمر والصحه والعافيه ..
/
/
/
طبعا هالموضوع بيفك ازمه عندنا وشو نسوي عشاء ووش ناكل اليوم :06:..
كل ماعليك اختي النحيفه انك تطبين وتخيرين من هالاكلات :hahaha:..
راح انوع لكم .. وجبات رئيسه وساندوتشات وحلويات ومشروبات بعد..
طبعا الطبخات بنقلها بشرحها وتصويرها .. (الله يسعدها يارب)
المقادير .. :
1- شرايح لزانيا
2- صدر دجاج مقطع مكعبات
3- بصل + ثوم
4- علبه طماطم + 2 ملعقه معجون الطماط
5- جبن بارميزان + جبن قشقوان او موزريلا
6-ملعقه صغيره اوريقانو + فلفل اسود + ملح
الطريقه .. :
1- نقطع البصل ونحط عليه ملعقتين زيت زيتون او زيت عادي ونحمسه ع النار ثم نضيف له الدجاج ونهرس الثوم ونضيفه .. نتركه دقيقه ثم نضيف الملح والفلفل الاسود والاوريقانو ونحركهم .. ثم نضيف الطماط المعلب بعد تقطيعه .. ونضيف الصلصه نغطيها ونتركها تطبخ عشر دقايق ..
2- نسلق اللزانيا في مويه وملح ..
3- نبشر جبن القشقوان + البارميزان ..
4- بعد مانسلق اللزانيا عشر دقايق والدجاج يطبخ عشر دقايق نجيبهم مع الجبنه ونبدا بالشغل ..
نفرد الشريحه .. ونحط عليها ملعقه كبيره من الحشوه .. ونرش عليها جبن مبشور ونلفها رول ..
ونصفها في صينيه نكون حاطين فيها كاس صلصه طماط منزليه *
5- بعد مانصفها بالصينيه نصب عليها كاس كريمه الخفق او ونرشها بالجبن المبشور..
نغلفها بالقصدير .. وندخلها الفرن نص ساعه على حرارة 150 ..
ثم نفك القصدير ونحمرها من فوق ..
ونطلعها ..
نقدمها مع سلطه خضراء ..
وعساها بالعافيه عليكم
لها اسماء كثيره .. ناس يقولون قبوط او قبابيط او مطازيز المهم ..
المقادير ..:
1- لحم بالعظم حوالي تسع قطع
2- خضار <- حطيت الي احبه فقط
3-كاس طحين + فلفل احمر + حبه طماط + حبه بصل
ملاحظه : لو مالك خلق عجينه وفرد وتقطيع اشتري جاهز من اي سوبر ماركت احسن شي عند
الطريقه .:
1-نعجن الطحين مع ثلاث ارباع كاس مويه ورشة ملح ونفردها ونقطعها ببياله شاهي .
او نستخدم علبه عجين جاهز
2-نقطع البصل ونحط عليه شوي زيت ونحط اللحمه عليه ونحمسها ..
واذا تغير لونها حطينا عليها مويه ونتركها تطبخ
3- نبشر الطماط ونحطه مع ملعقه كبيره صلصه وبهارات مشكله وملح ونصب عليه مويه ثلاث كاسات واذا طبخت خمس دقايق نحط الخضار عليها اول شي الفاصوليا والجزر وبعد وقت نحط الكوسه لانها ماتحتاج طبخ كثير
بعد ماتطبخ اللحمه لمده ساعه نصفيها من المويه ونحطها على الخضار ونحط الكوسه ونرجع مويه اللحمه ع الخضار بس نصفيها من البصل ..
بعد كذا نحط العجين وحده وحده بالقدر ع الخضار واللحمه
ونحط عليها فلفل احمر وفلفل بارد عشان النكهه وليمون اسود ونتركها تطبخ ربع ساعه فقط لو كان عجين جاهز لو كانت عجينه في البيت تطبخ حوالي ساعه الا ربع ..
وبعد كذا نحطها بالحافظه ..
وهذي النهايه ع السفره ..
يتبع