سيف الندامه قتلني :

وعليكم السلام ورحمة الله وبركاته الله يعطيك الصحه والعافيه وطولة العمر حتى انا يا الغاليه ترى ماني صغيره اصغر منك صح بس ماني صغيره عمري 34 سنه مشكلتك صح مشكله بس اقلها عايشه ببيتك محتشمممه من الكلام الشين دامه ماهو ملسون ولا يمد يده نعمه وفعلا لاحظت البنات هنا قليلات خبره وعقل شوفي ي الغاليه دام البيت لك اطلبي زوجك جلسه اخيره للتفاهم وبكل رسميه قولي له نبي نتفاهم اعرضي عليه يعطيك مصروف لبناته وقولي له يا اما طلقني او عش هواك بكيفك لك رب يحاسبك اذا وافق يعطيك نفقه فكملي مشوار حياتك على منتي عليه البنات ي خيتي ماهم مثل الاولاد البنات لازم يكونون مع امهم لانهم شرف ولانهم على قولة حريم زمان عاار الله لا يبلانا ويحفظ لك بناتك صعبه انه يتغير وهو في هذا السن وانتي عشت عمر ماهو سهل احتسبي عند ربك اللي يصير لك واللي تسوينه عشان بناتك خوذي نفقه او مصروف شهري وخليه عرفت نوعية زوجك بس تدرين بيجيه زمن ويمل فيه من اللعب وملاحقة الحريم هذي ولاتنسين ان الاربعيني مراهق ترجع مراهقته من جديد بس من يدخل الخمسين او يكبر شوي بيجيه الامراض والسكر اللي تهلك حيله وقوته وانا بمره بدوره اخذتها ان الرجلمن يدخل سن الخمسين يبدا يشوف حياته ايش قدم فيها وهل هو راضي عن افعاله ان كان راضي تمام وان مارضاه الي قدمه وحس انه خسر يبدا يعيش غيبوبه نفسيه ويندم لاتندمين انتي على تضحيتك يابنت الرجال حفاظك على بيتك وبناتك وحياتك ما يضيع عند الله اطلبي مصروف واذا يبي الطلاق وانتي تبينه ومقتنعه لازم يعطيك نفقه وبينزلك انتي ضمان اجتماعي واذا تقدرين تسوين اي مشروع مهما كان بسيط بتكبره الايام اخاف ان زوجك يبي الولد ؟؟ اذا هذا تفكيره فالله لا يعيده وينصرك عليه مثل مانصرني وتريني مثلك واخس من حالتك 11 سنه مهمشه ماكان لي قلب ومشاعر والله ماعمره قالي محلى الكحل بعيونك ولا مدحني ولا حسسني اني انثى وفوق منه ضرب ولسان زباله انواع القذف والكلام اللي ماتتخيلين احد يقوله وفوق منه خيانات وسفر للخارج بشهور الله مادرى عن ام طيف ولا سال وانواع السب بشكلي وجسمي وانا تريني ماني بشعه جسمي وهيئتي مثل الهام الفضاله بالضبط وملامحي حلوه بس دفنت نفسي اكد على عيالي واشتغل والله ان حالك ارحم مليون مره من حالي قبل واذا ماتعرفين قصتي ادخاي اقريها بملفي الشخصي عيشي حياتك لبناتك يا اختي وانسيه انسي انه زوجك قولي اب لعيالي وبس وقضي وقتك بالشكل اللي يعجبك روحي وتعالي وروحي لجيرانك وصديقاتك ترى الحياه الاجتماعيه والعلاقات الاجتماعيه احلى مليون مره من الزواج واسالي مجربه والله ينصرك نصر حااار ويخلي لك بناتك

وعليكم السلام ورحمة الله وبركاته الله يعطيك الصحه والعافيه وطولة العمر حتى انا يا الغاليه ترى...

أم قلبي :

فديتك وربي يسلمك أنا للأحاطة موظفة وراتبي اللهم لك الحمد بس الحياة حالياً زي منت شايفة الغلاء وغيره عموما تبين الصدق يالغلا ماهمني الصرف قد ما همني إنو ما يكون مسؤلة عنهن ابوهن بالقوامة اقصد والمسؤلية اضرب لك مثال احتاجن البنات مشوار ولا شي ابوهن آمن عليهن من أي أحد ,, بس للأمانة هو ماقصده الولد لأن عندي ولد بس عنده ظروف نفسية وعقلية ,, ولا قصده والله الشكل لأني ع زماناتي حطي خطين تحت زمانتي هههه والله ما ينادوني الا زينب العسكري بس الحين من الهم والدقة اللي يشوفوني مايصدق اني فلانة أقول شكل المنتدى بيقرشعنا أنا زينب وانتي فضالة هههة , الرجال اللي زي زوجي فيهم فتنة والله اني ارحم هالنوعيات احيانا لانها بلوى الله يرفع عن كل مبتلى وأشكرك ع التوضيح بالنسبة للعلاقات الأجتماعية لأني للأسف صفر فيها بحكم شغلات كثيرة منها إني موظفة ومشغولة ومنها وقتي لعيالي وبيتي وترى أنا قارية موضوعك الأول وصمودك ماشاء الله عليك عشان كذا استشرتك جزالك الله خير :14:

فديتك وربي يسلمك أنا للأحاطة موظفة وراتبي اللهم لك الحمد بس الحياة حالياً زي منت شايفة الغلاء...