هاذي امك!..
حاولي بقدر الامكان تهدين نفسك وترضينها لان الدنيا مفرقه ولاندري كم بنجلس عليها .. ولا مانع من مناقشه تفتح عيونها !..

احمدي ربك واشكريه البيت بأسمك ومتوظفه ماشاء الله الله يزيدك ويغنيك انزلي واكلي واشربي ولا تسألين عن احد وامك الله يهديها لا تدققين ولا تناقشيها بشي ادخلي نت استقرام يوتيوب اشغلي نفسك عنهم واهتمي بصحتك لاتزعلين نفسك عشان احد واصلا ما احد سأل عنك طنشي الدنيا

احتسبي الاجر عند الله .. وحاولي تتقربين منها اكثر واكثر يعني تبسمي فوجهها دايما ، وانتي طالعة الدوام بوسي راسها واساليها اذا هي محتاجة شي تجيبينه لها وانتي راجعة وقولي لها تدعي لك باليسر والتوفيق وانك محتاجة دعواتها ، وانتي راجعة بعد نفس الشي ولا تتضايقين من كل كلمة تقولها دام انه نفس الكلام تعيد وتزيد فيه يعني خلي اذن طين واذن عجين . ولا تحبسين نفسك واذا جوكم ضيوف لا تحبسين نفسك مافي سبب يجبرك تكونين محبوسة .وهي بالاخير امك جنتك ونارك .. ومهما صار رح يجي اليوم اللي بتذكر فيه افضالك وبتعرف قدرك وقيمتك في حياتها ..تاكدي من هالشي لان الله مايضيع حق احد ابد
والله يوفق بينكم انتي وامك ان شاء الله💞

شكرا لكل وحدة كتبت لي وردت خففتو عني واعطيتوني حلول ممتازه
الله يعين بهذه الدنيا ما لنا الا الصبر
تراني احب امي ما اكرها بس تصرفاتها معي تضايقني
واحس بغصه لما اشوفها كيف تعامل الولد ولا تطلب منهم شي
تصدقون حتى مهري امي خذته بحجه اني موظفه مو محتاجه
في ظلم اكثر من كدا
احتسب كل ريال احطه في البيت لله
والله سبحانه هو العالم بالحال
استغفر الله اتوب اليه
يعطيكم العافيه بنات كل رد حرك احساسي وغير من تفكيري

خلي احد من خالاتك او أخواتك الكبار اللي تقتنع بكلامهم يكلمها ويقنعها بخطاها ويذكرها بالله الله يصلح شانك ويسعد