شوفي نوعية امك وأهلك واضح صعب التعامل معهم ..
الحل لمثل هالامور:
تزوجي !
عشان تستقرين وتستقلين بذاتك وتفتكين من المشاكل وتعيشين بهدوء ..
ع الاقل الزوج تجيبينه بكلمة حلوة منا ولا منا
وشوية أسلوب وآغراء ينفع معه ..
لكن الاهل قلق قسم بالله ..
انا اقول لا تعقينها واصبري عليها لين ما يجيك الزوج الصالح بإذن الله وتزوجي علطول لا تتشرطين
ولا تقولين تزوجت مره وتطلقت وتحكمين على كل الرجال انهم غلط !
ترى أصابع يدك مو سوا والله فيه رجال شايلين حريمهم على كفوف الراحة وانا أسأل الله أن ربي يرزقك من هذيل الرجال اللي تعيشين معه بسعادة و راحة بال ..
أساسا اذا تزوجتي محد يتجرأ عليك بعدها حتى امك وهي امك بتغير نظرتها لك ..
والكل بيحترمك لأنك على ذمة رجال ..
وفلوسك ي حلوه كوني نفسك فيها واجمعي قرشك الأبيض ليومك الأسود وخلي الكرم الزايد وحركات حاتم الطائي ما تنفع بذا الزمن ..
مادام عندك إخوان رجال هم المسؤولين شرعا يصرفون عليها
أما انتي حتى لو معك فلوس منتي ملزومة تصرفين على أحد
هذي فلوس تعبك ومجهودك وشقاك
أن حبيتي تكرمين امك الله يجزاك خير عطيها الميسور
أما انك تصرفين لا ي ماما والف لا !
وأن تزوجتي بإذن الله ..
تذكري كلامي هذا .. و ادعي لي .

الحمدلله ان البيت باسمج
و صج ان الام فضلها كبييير بس ما يعني اني اعينها على الظلم و ظلمها لج و لاختج
اذا سالتج مره ثانيه ذكريها باخوانج و المصروف اللي عليها
بتصرخ مره و عشر و ميه مره ان شاءالله بس لازم تعينيها على الخير مب الظلم و هذا من حبج لها مب عقوق

التكرار يعلم الشطار و كلما كررتي عليها تعبج و شغلج برا و داخل البيت بتعرف اكثر و اكثر
لا تجاملين و اللي في قلبج طلعيه و بالويكند طلعي و تونسي مع اختج مدام لج سايق خاص فيج
و اذا انتي قريبه مننا تعالي زورينا تشرفينا و نتعرف عليج فديتج

حتى لو امك
طنشيها وعيشي حياتك
لكلي واشربي واعزمي صحباتك طالما البيت باسمك


المطلقه في اغلب مجتمعاتنا كأنها مسوية جريمه مست شرف اهلها.. مايتقبلون منها شي حسبي الله ع العوايل الي كذا
وعشان ترضين امك وتفتكين من حنتها حولي لها لو 500 ع حسابها كل شهر


والله يكون بعونك

حبيبتي
تذكري حتى لو كانوا والدينا كفار موصينا دينا ببرهم
مايجوز تقطعينها مو عشان شي عشان رضى رب العالمين
سلمي عليها وبري فيها
امك مثل امهات كثير يفضلون الاولاد لدرجه التقديس
اذا قالت كلام مايعجبك طلعيه من الاذن الثانيه بس ماتعلين صوتك عليها عشان ماتاثمين
ربي بيعطيك باذن الله على نيتك الطيبه
اجتمعي باخوانك وكلميهم يساهمون معك لانك ماعاد تقدرين تغطين لحالك

امك على العين والراس بس الاهم صحتك والله لو البيت بيتي ما احبس نفسي بغرفة اتربع بنص الصاله واللي يتكلم يتكلم اذن من طين واذن من عجين وبعدين اذا فيه احد غيرك فالبيت من اخوانك يدفع فواتير الكهربا ليش عشان مطلقه يستوطون حيطك اعذريني بكرا لا تزوجتي وش بيسوي فيك الرجال بيدوس على خشمك خليك قوية ولا عليك منهم امك لها احترامها والتقدير والبر بس مو انك تمرضين نفسك على شانها اللي سويتيه اعتقد كفايه وخلي دمك واعصابك بماي بارد وخلي اللي يتكلم يتكلم اطبخي واكلي ولا عليك من احد والبيت لا تسجلينه ب اسم احد الدنيا مالها امان اذا امك كذا تعاملك