محتاجة مركز لتخفيض الوزن مع الإقامة فيه؟

بسم الله الرحمن الرحيم
أخواتي في الله ...
ماراح اطول عليكم ..راح ادخل في الموضوع على طول
أكيد بتعرفوا برنامج الخاسر الأكبر أو الرابح الأكبر حق تنزيل الوزن...أنا بحاجة لمركز طبي أو صحي به نفس المميزات إضافة عليه إنه يكون فيه اشراف طبي مع الإقامة بداخل المركز..
طبعا أنا محتاجته لأمي ....لأنها كبيرة في السن وعندها أحتكاك شديد في الركب وأخذتها على أكثر من طبيب وأخذت علاجات كثير وحاولت معها الطب البديل لكن ماحصلنا نتيجة وكل ماأروح لطبيب يقول لي لازم تنزل وزنها عشان تستفيد من العلاج ...حتى الإبر الزيتية جربتها وما حصلت منها فايدة كبيرة مجرد تحسن بسيط جدا جدا لايذكر واستمر لعدة أيام فقط....طبعا أنا قررت إني أسوي لها ريجيم يكون مكتوب من قبل الطبيب وفعلا جبته وبدأت أطبقه معاها لكنها ماتلتزم في غيابي ...لأنه مع الريجيم بتحس ببرد شديد وتعب و ماتقدر تمسك نفسها خاصة أنه أختي وزجتي أخي بيقدموا لها كل اللي نفسها فيه...يعني تعبي كله بيروح ....:(
ومع ازدياد الألم بتقل حركتها ووزنها بيزيد ...وهي أحيانا بتجلس تبكي وأنا ماأقدر اتحمل دموعها ....قلبي بيتقطع عليها ...:44:
أرجومنكم أذا تعرفوا مركز فيه نفس هذي المميزات أنكم تدلوني عليه أذا كان في السعودية أو خارجها ....ومو مهم التكاليف أو البعد حتى لو أضطريت ابيع اللي تحتي واللي فوقي او حتى اشحت المهم أمي ترجع تضحك زي زمان
وأكيد اجاباتكم راح يكون فيها فايدة لي ولغيري
شكرا لكم وجزاكم الله خيرا