محتاجه لاخواتي.. ساعدوني

السلام عليكم ورحمة الله وبركاته..

شحالكم خواتي .. عساكم بخير وسهاله ..
انقطعت عن هالمنتدى الحبيب من بعد زواجي..يعني من اربع شهور ..
وكنت كلي أمل اني اشارك بهالقسم وانا فرحانه باول طفل لي لكن ما اقول غير اللهم اجرني في مصيبتي واخلف لي خيرا منه ..
مات الجنين وهو له شهرين واسبوع تقريبا..وهذا من 6 ايام ..
ومن يومين ما ينزل لي غير ماي .. انا ما اخذت ادويه من المستشفى ورفضت اني اسوي غسيل لان كل الي حواليي نصحوني ما اسوي غسيل ..
وشربت ادويه من البيت مثل القرفه والمرميه .. بس للحين ما نزل ولا قطرة دم ..
هل هذا الوضع طبيعي .. وما يأثر على الرحم اذا الجنين ما نزل بسرعه ؟
وهل ممكن النفسيه تأثر لاني نفسيتي تعبااااانه..

واذا سقط الجنين .. هل لازم ارتاح كم شهر وبعدين احمل ؟

دخيلكم ساعدوني.. ابيه ينزل بسرعه.. ابي انسى الموضوع ..