محتاجه لكم والده قيصري والنفاس غريب متعبني

السلام عليكم ورحمة الله وبركاته

بكتب قصتي ولادتي باختصار

البيبي كان عندي معترض الراس فوق وفي الاسبوع ال37 الدكتور عمل لي تدوير وذبحننننني من الالم وما دار راس بنتي وجاني الطلق ودخلوني غرفة العمليات على طول وانا ارتجف من الخوف واتشهد وعطوني ابرة الظهر ومت زياده من الخوف لاني حسيت بحراره بجسمي وطلبت من دكتور البنج يبنجني كامل لاني خوافه وعطاني بخاخ الا وانا في عالم ثاني ويوم صحيت جابو بنتي وباركوا لي كانت الامور تمام لين اخر الليل عطتني الممرضه ابرة في العضل دوختني وتم راسي يدور ومت من الخوف وحسيت اني بودع وبعدين الله ستر وتميت اربعة ايام في العنايه يالله يالله امشي وجاتني كآبه مش طبيعيه والله انحرمت حتى من النوم وكله على بالي بموت ومب شايفه بناتي الحمدلله يوم طلعت من المستشفى رقدت اشوي لكن التعب ما زال موجود وكاني امبنجه


المهم دوختكم معاي الموضوع المهم هو ان

انا احس بتعب غريب في كل جسمي خصوصا يا بنات لما انام احس اني ما اتنفس وثقيله حدي وكاني امبنجه او بيغمى علي احاول اتحرك اشوي وبعدين ارجع انام هذا وشو هل هو الغازات والا ايش والله شعور متعب كارهه نفسي يوميا قبل لا انام يصير فيني هالشي وغير الجاثوم اللي كل يوم املعوزني

بخصوص دم النفاس صاير ما ينزل الا لما اروح الحمام الله يعزكم وانا اليوم صار لي عشرة ايام من العمليه

خواتي والله حتى عنق الرحم احسه تحت كلش بيطلع يعني خايفه من كل شي ونفسيتي زففففففت

من مثلي وايش سوت انصحوني او خففو علي تعبانه حدي اعظماته كلها اتعورني وبجرب الخلطه اللي يقولون عنها وهي زجبيل وماش وفلفل ابيض تخلط مع الحليب وتشرب على الريق ويارب تنفع معاي


وشكرا مقدما لكل وحده بتقرا معاناتي او بترد علي او تدعيلي