الله يسعدك أن شاء الله البنات يفيدونك

انا بعد أول ولاده بتكون أن شاء الله وفي الشتاء ومااعرف لكني في تجمع مع البنات واستفدت منهم الله يسعدهم

للطفل اغراض الحمام خذيها من الصيدلية وسجليها بورقة
شامبو. وشاور جل. وكريم مرطب وبودرة الجسم. ماركة سيباميد . ليفة ناعمه . اعواد اذن..فازلين. كريم سودو لالتهاب الحفاظات . مسحات طبية. عشان تعقمين السرة. شاهي اعشاب ضروري عشان الغازات والمغص الأيام الأولى .. مقياس درجة الحرارة . حفاظات. انا اخذ بيبي جوي . مشط للشعر . مقص اظافر احيانا تلاقيها طقم وتجي مع بعض. ومناديل للبشرة الحساسة الوايبز. في الشهر الأول تستهلكيها كثير عند تغيير الحفاظ لحد ماتقدرين تشيلينه وتنظفينه بالمغسلة . حوض استحمام تلاقيه بالهرم . ومنشفة كبيرة .ومناشف صغيرة.وقبعات قطنية كثري منها وقفازات لليد تجي مجموعه عشان البرد وبرضه تحميه مايخمش نفسه. والبربتوزات كثري منها قد ماتقدرين اقصد الداخليه بالأيام الأولى يوسخون كثير وتنعدم وخذي اكمام طويلة ونص كم . وبطانيه . ومدس . ولفافات قطنيه برضه كثري منها تلفينه بها . وخذيلك لفافات اثنين او ثلاثه كشخه اللي تجي زي الصوف اثنين خفيفه واثنين ثقيله . وبربتوزات كامله اللي تجي مقفله من عند الرجول هذي تقريبا اهم شئ. وفي برضه تجي اوراب صغيرة في حالة انك دهنتيه بالزيت تلبسينه .

وطبعا اغراض الرضاعة رضاعات خذي مقاس 60 ومقاس 120 ومقسم الحليب . وخذيلك شفاط الحليب لك انتي الأيام الأولى يتعب الصدر ويتحجر انا جاتنى حمى منه فتاخذينه وتشفطين الحليب وترتاحين

في الصيدلية بتلاقين فوط خاصة للنفاس . وخذي كريم ميبو