بيلسان ..... هذا الشيخ محمد حسن يعقوب .... رائع ..!!!!

الحمدلله ربي ربط على قلبك ونفسيتك صارت احسن ورجعتي تستعيدين قوتك اللي هي مثال لنا كلنا ..
بس بعد ماحبيت اقرا ومااواسيك ..قولي اللهم اجرنا في مصيبتنا واخلفنا خيرا منها ..
سبحان الله على انا مومنين بالقدر الا انه دايم املنا طويل بالحياه ..وعندنا خطط لعشر سنين قدام
بس في النهايه ماندري وين الخير فيه ..يعني انا مثلا ..بعد اب اند داون بالجامعه وحرب عشان اخلص ..
والحمدلله بدت تييسر اموري وقربت اتخرج ..ووو تعودت على مدرسيني وعرفت طريقه الجامعه والبلد وكل شي
زوجي بيخلص وبننقل لولايه ماادري كيف ..ولا ادري كم بيتعادل لي ..لاني بانقل عالسنه الاخيره ..
وكثير جامعات ماتعادل الا 70 او 75 ساعه ..وانا بكون مخلصه اكثر ..بس مع كذا اؤمن ان الخيره فيما اختاره الله ..
والله يعوضكم خير ان شاء الله ..ومبروك النجاح مقدما ..واحتفلي فيه ووسعي صدرك انتي وبنياتك ..
وان شاء الله الايام الجايه احلى

يااااااااااه
توني اشوف موضوعك

مع اني كنت انتظر اخبارك ع ناااار

والله شوفيني مااعرفك بس دخلتي قلبي من مواضيعك وكلامك
يختي الواحد يحس انك عن جد الطيبة كلها
متفانيه
وفوق هذا روحك رياضيه
دمك عسل وخفيف

ومع هالمصيبه الفيضانات
دعونا لك بالنجاة

انا شايفه كل الامــور هذه رغم قوتها وألمها
الا انه ...
تجربه عشتيها
وبالغربه
ولوحدك
تعطيك خبرة اعوام واعوام
تصقل شخصيتك أكثر
تعطيك قوة داخليه للأصــرار
تعطيك شجاعه بمواجهه أي موقف بعد ذلك
بيكون عندك ان شاااء الله الرضا عما كتبه الله لك
وتنظري لأي امر وأي مصيبه انه ابـتلاء وامحتان
يعني ماراح تكون الدنيا اكبر همك ابد
تعيشي فيه كأنك عايشه فيه ع طول
لكن ان حدث مكروه لا تبكي ..لا تتحسري ... لأن هذه الدنيا .. غداره .. لا امان ...
المواقف القوية والكبيرة هذه تجعلك أقوى تحملا مستقبلا

عزيزتـي
صدقيني
هناك خيرة بالامر
لك
كــل شيء يهــون عند صحتنا وصحة من يعزعلينا
انتي بنفسك بأمكانك تهويل الامر وبامكانك تصغيره
لا تسمعي لمن يهول الامر ابدا
حاولي تقول لنفسك او تتخيلي
انك توك جايه وتدور بيت وتبدأي من جديد
لا تنظري للخســائر
ولا تحسبي كم خسرتي ابدا لأنك راح تتعبي وتتضايقي

انا انصحك بتفكير زوجك بالنقل لمدينه آخــرى ..أصلا يكيف تجلسي بمكان يكون مكان اوبئة لفترة ... انظري كم من الاشياء اللي خلفتها الفيضانات

نقلك
يغير من نفسيتك
يشعرك انك توك آتيه
ويكون عندك حماس للبدء من جديد
سفرك لسعوديه وترك زوجك لا انصحك ابد
مع اني رددتها كثيرا ع زوجي انني اذهب واتركك ويرفض هالامر لكني الان ادرك سبب رفضه
وهذا النـوع من الرجال لا يعرف يتصرف تصرفا سليما الا بوجود زوجته
لذا كوني جانبه
أيضا
سفرك وتمشياتك
فكرتيني كنت أبي الصين هههه
وماصارت فرصــه
رغم عندنا تذاكر بس ظروفنا مزحومه مدري وش تبي هههه وماسافرنا .. لكن من جواتي اشعر سيأتي يوما واسافر لها

خلي عندك قناااااااااااااعه ... ماراح يموت الانسان وبقي له شيء من الدنيا من نصيبه مااخذه
كل شيء مكتوب لك بتاخذيه عاجلا ام آجلا
لكن الانسان عجول هههه مايصبر

ماشاء الله تبارك الله شخصيتك رائعه
لا تستسلمي بسهولة وهذا كما عهدتك
لذا أتوقع هذا اللي صار لك بتكون الدافع لك لتقدمي أكثر وتنجزي أكثر وتسابقي الوقت
بيكون الدافع لك
الانسان اذا جته طيحه واستسلم لها فاشل

كوني بخـير
كوني أقوى من الظروف
كـوني كما أعتبرك واحسبك

انظري لجوانب مضيئة في اللي صار
البيت ليس ملك بل ايجار وهنا ارتحتي منه بنقلك لبيت آخر وكل مايخص هالبيت انتهى بخروجك منه وماضي وانتهى
انظري لأمور آخرى
انكم والحمدلله بخير وبصحه
هناك من مات ومن فقد عائلته و و و الخ
حتى الخسائر وانا ضد ان تحسبيها لكني اجزم بتكون اقل من عشرات العوائل
حتى البشر
بتعرفيهم أكثر
ويبان معك العدو والصديق
والمحب والكاذب
امور كثيرة تستطعين رؤيتها من خلال ماحدث لكم
ودائما انظري لأمور ايجابيه واوهمي نفسك بذلك
لا تنظري لأشياء تجيب الهم والندم والبكاء ..لأن الامر حدث وانتهى .. وبكاءك لن ينفع ولن يقدم شيئا ابدا
سوى انك راح تضعفي
وهذا لا أتمناه ابدا

تقبلي مروري ^_^

بيسو الحمد الله على سلامتك وسلامة بناتك وابوهم ,, الله يحفظكم من كل شــر
والله امس دحلت الموضوع مادري وش اقول وش اكتب
اكثري من الاستغفار وتذكري ان الله اذا احب عبدا ابتلاه وهالشــي لحاله يوسع الصدر
الله يفرج لكم ويزيل هالغمة

الحمدالله على سلامتكم
من فتره وانا افكر فيج واقول شو اخبارها ان شاء الله ما لحقهم ضرر
وحاطه ببالي اني ابعث لك رساله ع الخاص ،،،، سبحان الله

وسعي صدرج وباذن الله أموركم كلها بتنحل ،، والاهم انكم تستقروا ودوري لكم بيت جديد ،،لأن الاضرار اللي بالبيت يبالها وقت تتصلح..

وبعدين جولد كوست مب بعيده عن برزبن واي وقت تقدرين تزورين أصدقائج ،، وخلج مع زوجج مهما كان تبقى الموده بينكم حلوه..
وإن شاء الله تزورين نيوزلنده ،، ولا تخليها بخاطرج ،، أول ما تستقرين توكلي على الله،، أنا لليوم نيوزلنده بخاطري ..

الله يوفقكم ويعينكم..