محتارة بين دراسة دبلوم تربوي ودبلومانجلي

يابنات ساعدونى في مشكلتى الله يخليكم ويرزقكم بالوظايف الي

تسعدكم وتعوض صبركم خير

دحين انا محتاره بين انى ادرس دبلوم تربوي لانى جامعيه <<<الله يقطعها من جامعه

وبين انى ادرس دبلوم حاسب وانجليزي


حسب ماسمعت ان التقديم خلص في جامعه الملك عبدالعزيز

بس مادري النظام عندهم بالاترام ولا بالسنه ؟؟يعنى راح يقبلون الترم الثانى

ولاالسنه الجايه ؟؟

اذا كان السنه الجايه مابغى اضيع السنه هذه ابغى اخذ دبلوم حاسب وانجليزي

وهنا تانى الحيره الثاااااااااااانيه

يعنى محتاره من جهتين<<< ربي لك الحمد


الدبلوم الي ابغى ادرسه محتاره ادرس في معهد معتمد من وزاره التربيه ولا الديوان ؟؟


لانى بصراحه ماحب التدريس وامنينى انى الاقى وظيفه محترمه بس مو تدريس

امس اتصلت على الاحوال المدنيه قالولي البنات المتوظفات كلهم جامعيات وعندهم دبلوم سنه

طيب انا خايفه ادرس دبلوم مو معتمد من وزراه التربيه والتعليم وفي النهايه ماحصل

الوظيفه الي ابغاها خصوصا انه في منطقتى مافي وظايف تبع وزارات او ادارت كثيره

وكلها تروح بالواسطه من غير اعلانات ولاشئ


ومن جهه ثانيه خايفه ادرس دبلوم معتمد من وزراه التربيه ويمكن الاقى

وظيفه مو تعلميه بس راح يعترضون على دبلومي ويقولون ماينفع لهم !!!


بنات الله يخليكم افتونى فى امري واي وحده عندها خبر ااااكيد من جامعه الملك عبدالعزيز

تقلي عليه


يعنى متى راح يفتحون باب الدبلومات مره ثانيه الترم الجااااي ولا السنه الجايه ؟؟؟


وايش رايكم بالمعهد السعودي للسيدات ومعهد نيوهرزانت مين احسن ومين الفرص الوظيفه

احسن فيه


والله حاله العالم متبهذل وهم حتى دليل لنا يساعدنا على اختيار الانسب لنا مافي !!!!

طيب هذه الي اسمه وزراه خدمه مدنيه ايش دورها بس !!!