محتاره بين (عسكري) و ( مدرس ) :(

طيب فيه اشياء ثانيه تدعم قرارك

مثلا السكن وين بتسكنين
ماديته كيف يشتغل شغل ثاني ولا بس مكتفي بوظيفته
اهله حموله طيبه ولا وشو
بيخليك تكملين دراسة او تتوظفين او او او الخ




ومن ناحيه فرق بالوظيفه لا فرق وفرق شاسع

اولا العسكري دوامه شفتات وطويل ويمكن يجيه استلام يغيب عنك بالاسبوع ويمكن يصير دوامه مشقلب يداوم بالليل الخ
بعضهم عشان يسافر برا لازم ياخذ اذن وسالفه وبعضهم مايقدرون يسافرون برا السعوديه اقصد صديقتي زوجي منعوه من سفر شهر العسل و نادوه بعد اسبوعين للعمل مع انه ماخذ اجازه اكثر
العسكري راتبه كلها بدلات ويعني لتقاعد وهو مأمن نفسه بيروح فيها
بعض العسكرين بحكم العمل وظروفه يصيرون قاسيين شوي ظروف العمل عودتهم على كذا
عندهم تأميين طبي يعني ممكن تتعالجين بالعسكري او اذا هو بالحرس الوطني بمستشفيات الحرس الخ


المدرس , دوامه معروف ويداوم مع الناس شغله عموما متعب لكن بوقت العمل برا العمل ان شاء الله مافيه ضغوطات وعنده وقت يشتغل برا العمل بتجارة وغيره ويقدر يقابل حلاله باذن الله
المعلم اول مربوط له 8 تقريبا لكن زيادته بطيئه لكن لتقاعد ينقص من راتبه قليل بس نهاية الخدمه قليله
اجازته معروفه صح زحمه مع العالم وسفركم بيصير كله زحمه بس اصلا بعدين عيالكم بتمسكهم المدارس
ميزه حلوه بالمدرس خصوصا لكان ابتدائي ان ولدك تدخلينه نفس المدرسه عشان يصير رقيب عليه


عن نفسي بقول المدرس لكن مثل ماقلت فكري باللي فوق اول السكن وغيره و طبعا استخيري

واذا مارتحتي لاحد منهم توك صغيره لا تاخذين وانت مو مقتنعه

عسككككككككككري لا نصيحه تفكيرهم خااااااااايس العساكر

اول شيء شفي الحموله كيف طيبين او لا لانهم يعكسون تربيتهم لولدهم ومن ناحية الوظيفه اكييييييد مدرس م فيها كلام حتى المدرسين نفسياتهم غيير عن العساكر في كل شيء

الله يكتب لك الخير
.
.

.

.



.

.

حبيبتي الله يقدم لك اللي فيه الخير
اسالي اول شي عن دينه مو الافضل بالوضيفه لا دينه واخلاقه بعدين استخيري فيهم والله يقدملك اللي فيه الخير