[Faith] :

يازينك يارشفه.. باين انك انسانه صبوره وطيبه، الله يكتب أجرك ويسعدك ويرزقك الذريه الصالحه.. الأنماط تعمقت فيها بس مو كل شي فيها صحيح، وغلط كبير انك تنفذين كل شي بحذافيره في الأنماط بالعكس هالشي راح يجيب نتيجه عكسيه.. الأنماط مجرد تعطيك خطوط عامه للشخصيه، مستحيل ملايين الأشخاص نختزلهم في أربع شخصيات، بس هذي مجرد خطوط عامه تعطيك مفاتيح كيف ممكن تفهمين فيها الشخص اللي قدامك وتعرفين دوافعه.. اما من ناحية تكلمي كذا، الغربي يحب الشعر القصير مثلا ويحب الملابس الفلانيه تراها غلط وماتمشي مع الكل، التربيه لها دور وراح تلاقين اختلافات على حسب بيئة الشخص وتربيته وخبراته في الحياه.. الزبده لاتعتمدين عليها كثير في التعامل مع زوجك، ومن كلامك اعتقد والله العالم انك تقدمين الكثير من التضحيات على أمل انه زوجك يقدر. . وساكته ماعمرك قلتي لزوجك انا سويت وانا فعلت.. ترا في نوعيه من الناس لما تشوف اللي قدامها يتنازل ويضحي مع الوقت تفهم انه هذا حق من حقوقها.. الان زوجك مو شايف تضحياتك ترا شايفها حق من حقوقه لأنك أعطيتيه ايحاء انها حق بدون ماتقولين له انا تنازلت عن هذا وهذا وهذا علشانك.. من كلامك (ولاتزعلين مني) اشوف انه ضعف شخصيتك او ممكن سلبيتك خلت زوجك مايشوف تضحياتك الا شي واجب عليك.. ماادري وش قد جربتي، هل قد انتفضتي علشان حقوقك، هل حاولتي بالمواجهه او بالزعل او جربتي شي غير الطرق السلميه ؟ شي ثاني عدم عمل زوجك مشكله مو صغيره وسكوتك عن مصروفك اعتقد كبرها، الرجال لازم يصرف حتى لو يبيع في حلقة الخضار والكثير من الوظايف البسيطه صارت متوفره جالس للان ليش؟ وهالشي من سنين ذكرتيه في مواضيعك ماهو وضع مؤقت.. عموما انا حتى لو اتابع مستشارات فمااخذ كلامهم الا باللي يناسبني ويناسب حياتي وتفكيري، انتقي اللي يناسبني ومااطبق اي شي ينقال.. احب منال الهاجري مع انها الان موقفه مواضيع، عشتار وبرضو مو كل كلامها تطبقيه.. اخر شي اعرف لي صديقه كان زوجها متقلب، اليوم يتقبل شغله منها وبعد اسبوع يقلب الدنيا على نفس الشغله بالاضافه لعيوب كثييير، والحمدالله مثل ماتقول تغير بالدعاء، التزمت تدعي في كل مواطن الاجابه وربي اكرمها.. الله يكتبلك الخير ويسخره لك🤍..

يازينك يارشفه.. باين انك انسانه صبوره وطيبه، الله يكتب أجرك ويسعدك ويرزقك الذريه الصالحه.....

قهوه.. :

يكتب الانسان شقي او سعيد في رحم امه بالاربعين الاولى لذا نكثر الدعاء لهم بالصلاح والفلاح والسعادة وندعي ونتصدق هالفترة عشان تصلح هالذرية ثقي تماما ان الله هو المغير كل المواضيع وغيرها يعتمدون على الذات البشرية بصيغة او بأخرى الدعاء سلاح فعال ادعي بقلب مؤمن مصدق بأن الله قادر على كل شيء وتصدقي بالقليل لو اكل زايد للطير او اذا كان يكفي انسان اعطيه اذا الانسان ماعنده رغبة بالتغيير من داخله كل الامور اللي بتعملينها ما تفيد لازم صدمه او موقف يمر فيه ويتغير لكن هل التغيير سلبي او ايجابي يحكمه قربه من الله ودعاء والدينه واللي يحبونه توكلي على الله ومن يتوكل على الله حق توكله فهو حسبه

يكتب الانسان شقي او سعيد في رحم امه بالاربعين الاولى لذا نكثر الدعاء لهم بالصلاح والفلاح...

زائرة :

كنت اتمنى لو اقدر اقدم لك نصيحة تفيدك بس حرفياً ماعندي غير الدعاء لك وان شاءلله ربي يتقبل

كنت اتمنى لو اقدر اقدم لك نصيحة تفيدك بس حرفياً ماعندي غير الدعاء لك وان شاءلله ربي يتقبل