رشفة قهوة :

حبيبة قلبي عواااطف فرحت لما شفت ردك من جد ابغى افادتك انتي والعضوات اللي قبلك الله يسعدكم وصراحه مافي عضوه هنا تستغني عنكم على فكره هو من النوع اللي يصلح ويزبط بحكم انه عنده هوايه الحرفيات بشكل عام وبالعكس دائما ادعمه بهالشي واشجعه ومرات اضرب امثله اقوله ماشاءالله فلان ودى حرمته او مبسوطه حرمته معاه من هالناحيه يقول بسلامته انا ماني خروف مثله 😭يعني تقولي ثور يقولك احلبوه ترى ذكي ذكي ذكي لأبعد حد وصاحب حجج قويه وعنده مخارج كثيره طيب عواطف بسألك انتي تقولي سايريه اذا مثلا هالشي تكنسل وكل مره اساير وتتكنسل خرجتي متى بيوافق يعني قبل كم يوم صار موقف مشابه وكنسل والتزمت الصمت وحاول يتودد وبعدين رجعت الحرمه كلمتني تأكدلي على المناسبه بحكم انه مره علاقتنا حلوه وحرمه كبيره استحيت اردها وماشفتهم ليا سنه تقريبا وما قصروا معانا ومع زوجي بموقف معين وقفوا معاه بعدين رجعت طلبت اروح برساله وقالي طيب ولما جاء وقت تجهيزي للمناسبه على المغرب كذا رجع جاني معصب ويهدد وهذه اخر مره كلمتك تمشي علي وبعد كذا طقي راسك بالجدار انا هنا قلت خلاص ماني رايحه ورحت لغرفة الجلسه وقعدت يومين ماني طايقته بس اطبخ واحط له الاكل واروح وهو ما اعتذر بس جالس عادي يهرج وانا مطنشه

حبيبة قلبي عواااطف فرحت لما شفت ردك من جد ابغى افادتك انتي والعضوات اللي قبلك الله يسعدكم وصراحه...

رائحة الوروود :

افتحي الخاص

افتحي الخاص

عواطف تركي . :

حبيبتي يا رشفة قهوه الله يسعد قلبك ويجبر خاطرك ويفرجها عليك بخصوص انك لما تضربين له امثله يقول ماني خروف وش يدريك هو من داخله وش يحس بالضبط ؟ ومثل ماقلت اعتقد انه جالس يحاول بإستماته اظهار وفرض رجولته اللي هي اساساً مهزوزه ومكسوره بداخله حتى لو كان ظاهرياً يتصرف بشدة وغلظه معك ويبين انه شامخ وحمش وكلمته هي الماشيه لان اصلاً مافي حيلته الا هذي الاشياء اللي تحسسه بالرجوله ومثل ماقالت ماما حبيبتي ركزي على الشي المهم والاساسي واتركي سالفة الخروج على جنب لانها اشياء ثانويه خاصة انه ما يمنعك منع نهائي ولا حرمك من الخروج من الاساس ومثل ماقلت سالفة انه عاطل + مشاكل بالانجاب هي اساس المشكله بينكم ولا تقولين اضحي واتنازل عن حقوقي اللي الشرع اوجبها على الزوج لاني شاريته وابيه هذا الكلام مايوكل عيش للاسف فكري بعقلك لا تكثرين من التفكير العاطفي اللي يجرك للتضحيات اللي توديك بطريق مسدود وترى سالفة انه يهاوش على هديه من اخوك كلها تنحدر من مبدأ احساسه بنقص الرجوله معك وانه مو مكيفك ولا معطيك الاشياء اللي كل الرجال يعطونها لزوجاتهم حتى وان ظهر لك بشخصيه جباره خذيها مني تراه جالس يداري على خيبته لا اكثر ويدافع عن رجولته المحطمه بنظره ونصيحتي لك اجلسي فكري وش تبين بالضبط وحطي النقط على الحروف بعيداً عن العاطفه المفرطه والتضحيات لانك ممكن تنصدمين بعد كم سنه بإنه يقول لك ماطلبت منك تضحين وانا متفضل عليك ! الزوج العاطل اللي ماعنده حتى مصدر دخل ولا مشروع ولا له حتى نيه يشتغل لو سائق توصيل هذا كيف تكملين معاه بإستقرار ؟ كيف تتحملين فراغه وهو كيف يتحمل فراغه واحساسه بالنقص وكم راح يصمد على هذا الحال ؟ ماله نية علاج ولا نية عمل وجالس يتأمر ويخربط بالكلام معك وانتي متجاوبه له الى متى ؟ حطي حد لمشاعرك بمعنى لا تتجاوبين مع كلامه الابتزازي اللي يحسسك انك ناقصه او غلطانه او مذنبه وانتي ماسويتي شي من الاساس بل على العكس تذكري انك انتي المتفضله عليه بصبرك وتنازلاتك السابقه فلا تسمحين لمشاعرك تتجاوب مع خرابيطه والفاظه ومحاولاته تكسيرك حتى لما يهاوش ويردح من اعماقك لا تستقبلين كلامه ولا حتى تحطين له اهميه بداخلك لانه لما يقوله هدفه يوصلك للمرحله اللي انتي تعطينه اياها كل مره اما تبرير انك تحبينه وماتستغنين عنه او تبكين وتحسسينه انك مهتمه لمشاعره وهذا الشي للاسف غلط لانه جالس يمارس عليك ابتزاز عاطفي غير مباشر وانتي متجاوبه معاه حاولي تجمدين شوي وتفرضين عقلك اكثر من عاطفتك بلا تبريرات ولا تجاوب عاطفي مشاعري جربي فتره كم شهر الى ان تتعودين ثم وقتها بتكونين قادره تعرفين وش تبين بالضبط وبتعرفين كيف تناقشين موضوع العطاله والانجاب وتقررين وش تبين الله يشرح صدرك ويسهل امرك ويفرجها عليك

حبيبتي يا رشفة قهوه الله يسعد قلبك ويجبر خاطرك ويفرجها عليك بخصوص انك لما تضربين له امثله يقول...