محشي الكرمب ياجماعة ضروري جدا جدا نداء لكل الفنانات مساعدتكم ضروري؟؟خاصة المصريات ...

في ملف للاخت مضاوي55
نزلتو اليوم في طريقة ملفوف شكله روووووووووعه
راح اجربو في رمضان ان شاء الله

اولا ربنا يخليلك امك فعلا لازم ترضيها ولو باقل شى

تانى حاجة الكرنب على اد ما اقدر حقول لك اهم شى الكرنب يكون مفرود ومفهش عروق يعنى الورقة تبقة نعمة

اسلقى الكرنب العادى بتاع الحشو مش السلاطة بتاع السلاطة بيكون صغير ولونة افتح من كرنب الحشو

فكى الورق من بعض بالسكينة

واقطعى الراس كل ما تضهر علشان تسهاى على نفسك

اغلى مية واسلقى الورق بس مش على مرة واحدة

لما تحطى الورق فى المية المغلية اضغطى علية بمعلقة علشان تدخل للورق مية

واول ما تلاقى الورقة نزلت كلها فى المية شيلى الورق يعنى مش كتير يدوبك علشان ما يتهرش

بعد ما خلاصتى سلق الورق حطية فى مية باردة علشان بردة ما يتهرش (عملية تبريد مفاجئة )


قطعى الورق حسب ما تحبى يعنى كبيرة او حتى وسط


الحشوة

رز مصرى +طماطم مبشورة +بقدونس +شبت +بصل مفروم )
نعناع
ملح فلفل

احشى الورق بالخلطة اللى عندك

رصى الورق فى حلة وبعد كدة اغلى شوربة وحطى عليها صلصة وحطيها فى الحلة اهم حاجة الشوربة

ما تكونش كتير يعنى غطى الورق بس وحطية على النار واول ما يغلى وطى النار لغاية ما يستوة

واى سؤال عاوزة انا حاضرة ومعاكى وبالعافية

السلام عليكم
حبيت أرد عليكي شكلك محتارة قوي
بالنسبة للكرنب مش كل الأنواع لازم تنقى الكرنبة كويس يعني تكون ورقها مفرود وناعم وطري ده علشان يريحك فى اللف طبعا وطبعا مش ده الكرنب بتاع السلطة
بالنسبة للرز انا بحب أسويه فى الخلطة شوية يعني يبدأ يشرب من الخلطة والنار عالية علشان مايستويش وبعدين يكون معجن فى المحشي
مدة السلق الأول يغلي الماية وتحطي شوية ملح وشوية كمون علشان مايبقاش الكرنب تقيل وبعدين تحطي الكرنب الأبيض اللي موجود فى قلب الكرنب وده بتاخد دقيقة واحدة وتشليه وتحطي عليه ماية عادية علشان السخونة ممكن تسوي الورق وتكملي باقى الكرنب من القلب لحد ما توصلي للورق الخارجي وده لونه اخضر وبياخد وقت أطول فى السلق
ولو عندك أي سؤال أنا فى الخدمة
السلام عليكم

السلام عليكم
سمر الحسيني
ام جوجو الامورة
كلي حنين
الله يجزاكم الفردوس الاعلى يارب ساعدتوني وماقصرتوا
بنات حواء مايخيبون الظن أبدا
جزاكم الله خيرا...

اختى انا تحت امرك وانا مصرية وبحب المحشى اوى اوى واستازة فى عمايلة وبيطلع عسل هقولك طريقتى وجربيها يا عسل وقوليلى رايك
المقادير هى
عدد واحد كرمبة
بصل خمس حبيات بصل
خضرة شبت وبقدونس ملح وفلفل اسمر وحبة شطة لو بتحبى حسب الرغبة
طماطم مفرومة نصف فرم
اولا تقطعى الكرمبة كل ورقة لوحدها وتسلقيها فى مية مغلية مع حبة ملح وتسقطى الوقة وتغمزيها بالمعلقة لتحت عشان تتسلق كلها ولمدة دقيقة بس وتطلعيها وتحطيها تحت المية الباردة علطول وتقطعية بعد كدة حتت صغيرة على حسب الرغبة اما طريقة الخلطة بتاعة الرز هقولك عليها تعالى معى
بصى حبيبتى حطى حلة على النار فيها كوب زيت كبير وحمرى فية البصل حتى يصفروبعد كدة قطعى الخضرة تقطيع صغير وتضعيةعلى البصل وتقلبية تقليب خفيف كدة يتشوح بس وبعد كدة تكونى فارمة الطماطم بس مش ناعمة اوى وتضعيها على الخلطة وتقلبية وتغسلى الارز وتضعية على الخلطة السابقة وتسوية شوية كدة مع التقليب ويترك حتى يبرد وتحشى بية بعد كدة حتى يكتمل الورق كلة وضعى علية الشوربة حتى تغطى الكية بتاعة المحشى كلة وتكون الشوربة اعصرى فيها نصف ليمونة معلقتين عصير طماطم وملعقة سمنة وضعيها على المحشى وبعد الغليان توطى النار علية وقبل السوى بشوية تضعى ملعقة سمن بلدى وتسبية يستوى وضعى تحتة شياطة صاجة يعنى حتى السوى وبالف هنا وشفا يا رب ويا رب تقوليلى رايك وفى طعمة معلش هوة غلبة شوية بس يجنن واى استفسار انا تحت امرك

خضرة شبت وبقدونس
ملح وفلفل اسمر وحبة شطة