lolia
اهلين ياحلوه
شفتي هذا اكبر هم للي جات للغربه عروسه
فيه بنات يقولون نحاول نبى الاساس بالغربه بس نتخيل اننا بالوطننا
يعني جالسين قد مايقدرون يمشون بوضع مجتمعنا
بس هالشي يجيب خلافاااات اصلا مالها داعي بهالوقت .. يعني اذا هو يتاخر دراسه عنده سبب مقنع خصوصا اذا فيه اطفال بالبيت وبيوتهم صغيره الازعاج ماراح يخليه يذاكر

غربة الدين
ذكرتيني بموضوع البيت بس مو شايله همه مره اكيد انشالله بتتسهل
والله ادري الغربه صعبه والواحد مايصدق يخلص منها .. بس انا زيك وجالسه احاول اقنع بزوجي انه يكمل وحتى البنات الي اعرفهم وزواجهم بكالوريوس اقنع فيهم يحاولون يقنعون ازواجهم يكملون لان مع البعثات الجديده حتى شهاده ماجستير من برا ماعاد توكل عيش
والي صبرنا 3 ولا 4 سنين يصبرنا 4 سنين ثانيه .. وربي يعين
ولاتحاتين ربي يحفظ لنا ديرتنا اسعار العقار كل مالها وتنزل وتسهيلات الشراء ممتازه
والواحد اول مايرجع خصوصا وهو لسى باول حياته يبدء شوي شوي
ربي يوفقكم ويكتبلكم الي فيه الخير

دنيا الوله ..
حياك الله .. وياريت تشاركينا تخفف عن بعض مخاوفنا

سندوتش شو مسهرك لهلق قليلي انا نيمت الاولاد وجوزي وقعدت فضيت شوي مع انو بكرى عندي فيقة من بكير الله يعين

حياكم الله بنات
انا يابنات الشخص المناسب الي ممكن تسالونة عن هذا الشي
لاني بعد ماخلص رجلي داراسة رجعنا للرياض على اساس نعيش فى بلدنا وبعد سنة ونصف
جتنا ضروف جابتنا هنا من جديد يعني كنت زيكم
عندي زمل وماادري كيف الجو هناك
بس لما رحت انبسطت رجعت الاشياء كدت انساها رجعت للناس الطيبين الي على نياتهم الناس الخدومين المتدينين فى كثير من امور الحياة اسهل العمالة متوفرة اذا احتجتي---------- فية تسهيلات كثيرة مش موجودة هنا يعني تخيلى تتصلين على محل الخضار وتقولين طلباتك وهم يجيبونة عند الباب كذلك قلت الاوراق والفواتير
مومثل هنا كل واحد يبي سكرتير علشان يلاحق البيت وطلباتة
انبهرت باناقة الناس وخاصة بالاعراس ( وحمدت الله ان الرجال مايدخلون معنا)وفخامة الاعراس شي خيالي طبعا انا ضد الي شفتة بس اوصف لكم
طبعا انا فى كل هذيك الفترة رحت لواحد بالمية من الاعراس والعزايم بس لاني تعودت هنا ماعاد احب الحفلات الصاخبة
طبعا رجعت لصديقاتي والتقينا من جديد وصار بينا اجتماعات
يعني باختصار صح تعودت على العيشة بامريكا بس بلادنا مافية مثلها ابدا

خوفي الثاني
هنا امشي يومي... مو ....يومي الي يمشيني
زي ماقالت الهنديه الناس تبي جدولك كله فوول(ارجعوا لموضوع الهنديه :D )
وهي الي تمليه لك بمزاجها مو بمزاجك

احيانا احب بس اجلس بالبيت ما اتحرك ممكن 4 ايام عاااادي ولا ابي حتى اكلم احد تلفون
هنا مرتاحه بهالشي .. بالعكس انا الي ادور الناس خخخخخخخخ لو ما اكلمهم محد مكلمني مو 4 ايام الا 4 شهور
لما انزل زيارات .. من فرحتي بشوفه الناس ما اقول لا للجمعات اصلا من جواتي اشتقت لها وابيها وانا الي اجلس اجمعهم
بس بعد فتره خلالالالاص ما اتحمل اشوف ناس كثير (هذي من مساوء الغربه كنت مره اجتماعيه وطول الوقت ابي اشوف الناس)
فمااقدر لما ارجع يملولي جدولي براحتهم .. طبعا غصب عني ما اقدر اقول لا وحروح كل مكان وكل الزيارات لاني احسه عيب
والي يوجبني يتعب نفسه يكلم يعزمني اقل شي اسويه ما اقول لا حتى على حساب اعصابي وراحتي
وهذي مشكله كبيره اذا اخذناها على المدى الطويل


بنوتااااات
شايفين كيف انا احكي مره كثيييييييييييييير وافصفص ابو فكره الخوف الي عندي
بلييييييييز سوا زي كذا .. ولا ترا ماحتحسون انكم طلعتوا الي بخاطركم
تخيلي نفسك جالسه بمجلس ماراح تقولين راس اقلام وتمشين لازم التفاصيل والاسهاب

هلا سندوتش تونه لك وحشه يالغاليه

يا بنات فكرو الى بعيد اذا انتوا اليوم قدرتو تسيطرون على اولادكم في الغربة وقدرتو تتحكمو في تصرفاتهم وحياتهم بكره اذا استمرو في العيشه هنا كيف با يكونو لما يكبرو لانكم مستحيل تقدرو تسيطرون عليهم مع الجو الي محيط بهم في الغربه والفساد والثنويات والجامعات وما ادراك ما يحدث فيها
ازواجكم ادرا لانهم يشوفون لكن تربيتهم في البلاد العربية تمنعهم من الغلط حتى اذا كنتي شاطرة وقادرة اول ما يوصل للثنويه والله لا يرميكم وكم شفت وسمعت عن اولاد عائلات وكيف ضاعو والولد الكويس المتربي صاحبة الامريكي ما يتركه في حاله شوي شوي وراة مثل الشيطان
فااحمدو ربكم انكم رجعين وتربون اولادكم مثل ما تربيتم على ذكر الله وترطيب الاذون بسماع الاذان لا تنظرون الاالسلبيات ولكن انظروا الى الايجابيات
الي يجي متربي وكبير من بلده غير الي يتربئ هنا

لاتنسو ان معكم امانة والله سوف يسالكم عليها وهم اولادكم



ربي لا تذرني فرداًَ وانت خير الوارثين