مخطوبة ومتضايقة اللي تدخل ربي يفرج همهاااااا

مرحباً بنات ..
كيفكم ربي يسعدكم..مابي أطول عليكم بدخل دايركت..

بنات انا مخطوبة الحمدلله يارب وزواجي في شهر 7 ان شاء الله 
بس مرا متضايقة يا بنات من خطبوا وجابوا المهر ماعدا لهم حس
يا بنات احنا في عيلتنا نملك بدري يعني تقريبا 4او 3 شهور 
وبرضو بعد الملكة يجيبوا الشبكة ويجي ويلبس وكذا 
كل بنات عائلتي كذا 
لكن هذول مادري ليه كذا ولااااااشي يا بنات 
يعني هم من أهل الرياض زينا يعني نفس عاداتنا 
بس مادري ليه كذا 
يا بنات الموضوع متعبني انا حساااسة مررررااا وخووووافه 
ودي اتعود عليه قبل وأعرفه 
برضو ودي افرح زي البنات بالشبكة الشي قدر 
حتى اهلي مستغربين مافي احد هالايام ما يجيب شبكة 
هو بينه واخوي اتصالات بخصوص الزواج وكذا لكن ماجاب طاري هالشي 
حتى اخوي لمح له بخصوص الملكة لانه كل شوي نقوله أساله بخصوص الغرفة الأثاث لانه طفش يكون واسطة بيننا قصده انو تتكلمون بعض وتتفقون على اللي تبون 
يقول انه يقول ان شاء الله بس بشوف وضعي ومدري وش قصته دائم يا بنات الرجال يكون حريص عالملاك يكون متلهف مادري ليه ماحكى بهالشي حتى أمه دقت كم مرا على ماما ولا جابت طارئ الشبكة 
يا بنات الأيام تمشي وكل الناس تسال ما ملكتوا ومادري وشو 
والله العظيم أني ادعي رببببي ليييل نهاااار تتيسر هال يومين ادعوا لي بنات 
انا يا بنات زي كل البنات اللي تأخروا يعني عاااانيييييت لحد ماجاني هال عريس يارب لك الحمد 
وكنت من زمااااااااان ادعي بهاليوم دااايم أتمنى ملكتي وشبكتي بنفس اليوم من قبل انخطب وهذي دعوتي ودي أعيش هال شعور وهالايام زي البنات دائم يقولوا انها أحلى ايام 
ادري مافي يدكم شي وكله من ربي واعرف كل شي عن الدعاء ويااااارب لك الحمد زي ماقلت لكم انا متأخرة وعمري 29 ودعييييت ربي سنيين وعرفت انه ابتلااااء وعسى ربي ياجرني على كل ما بلاني واحمد ربي على ان رزقني بس ماحس أني فرحت يا بنات مادري لييييه توقعت انخطبت خلاص جا الفرج راح الهم بس احس الهم زااااد وكنت أقول لماما تقول بعدين تكلمينه وتحبينه وكذا ،، لانه ماينرفض شخص ما فيه عيب صحيح استخرت عليه ووافقت بس ولو يجيني شعور الخووووف يا بنات ابي أكلمه ابي اتطمن احس قلبي معلق ذبحني التفكيييير مخنووووووقة ابي احد يهون علي قولوا لي اي شي طمنوني ادعوالي ودددددددي زي كل البناااااات اتملك  ودددددددييي افررررررح احس بهالشعوووور حتى  جهازي اجهز من غييير نفس وبس اصيييييح ما ودي تروح هالايام وانا في هم وحزن الكل يقول استمتعي بهالايام انا احس ما فيها متعه الا تعب وإرهاق أسواق وألف شغلة وشغلة في راسي وين المتعه معليش المتعه احس بعد الملكة ...
ما اعترض على قضاء ربي 
بس احس يمكن ربي يبيني استمر أدعيه مايبي يعطيني هالشي عشان ما اترك الدعااااءوالتذلل ..
بس تعبت بنااااات اشيااااااء كثير بتهون علي كثييييير وبتحل مسسسسائل كثير خاصة فيني لو تملكت ..بس يااااااااارب ..
دعوااااااااااتكم تكفوووووون ..يسخره ربي واتملك ويجيبون لي أحلى شبكة ..
اللي بتدعي لي ربي يعطيها فوق المثل 
واللي بترد رد جارح صفحتي تتعذرها...