الوصف :
من بداية مدخل البيت يصير مجلس الرجال على اليسار ومقابله على اليمين دورة المياه ( أكرمكم الله والمغاسل )
ثمن مسافة مترونصف تقريبا ً ثمن يفتح المقلط على اليمين
ثم باب أمامي يتسكر يفصل بين جهة الرجال وصالة البيت
بعدين مسافة متر ويجي باب قوس ( اللي بالأحمر بالصورة ) طبعا ً مفتوح ماعليه باب مجرد شكل جبس
بعده بنصف متر على اليسار باب السلم وعلى اليمين مدخل الصالة الجانبية
للمعلومية عرض المدخل بحدود متر ونصف أو أقل شوية
شوفوا الصورة للمخطط من رسمي والمعذرة على اللخبطة اهم شي يتضح مخطط البيت
وهذي صورة للبيت عشان تشوفوا قد ايش المدخل طويل
اللي قبالكم هذا الباب الفاصل وخلفه بمتر القوس
سؤالي حبيباتي
نفسي أحط مدخل جميل لواجهة البيت
وشفت مداخل كثير حلوة لكن صعبة جدا ً أحطها مدام مافي جدار أمامي أحط عليه المدخل
فكرت أحط مدخل جانبي بس مدري كيف خفت يضيق الممر زيادة
عطوني أفكار لمداخل حلوة ماتسبب زحمة
وايش رايكم وين المكان المناسب لوضعه ؟
هل في قسم الرجال والا بعد الباب الفاصل ؟ لأن فيه على اليسار مسافة فاضية بحدود المتر قبل الباب الفاصل وبرضو بعد الباب فيه نفس المساحة على اليسار
طيب ايش رايكم لو ألغيت فكرة المدخل ممكن استبدلها بلوحات او انارة على الجدران طيب كيف الطريقة وش احط وش ما احط
وسؤال أخير
ايش رايكم أحط لون البويه ؟؟ بما أن المدخل ضيق فأي لون يعطي انعكاس واسع ؟؟
وألف شكر لكم
أثق تماما ً في ذوقكم ولو مو كذا كان مانزلت موضوع
وشي آآخر أرجوووكم تفيدوني من جد محتاجتكم وعانيت عشان أرسم وانزل الصور ثمن رجعت أصغرها بس كلو عشاني محتاجة المشورة فعلا ً وعارفة انكم ماراح تقصرون ..
كما أرجوا من الأخوات رفع الموضوع
ودمتم بود ..:26::26:
اللي ماعندها رد ياليت ترفع الموضوع ..