مدري ليه الناس تفهمني غلط شو اسوي بنات نصحوني

السلام عليكم ورحمة الله وبركاته
مشكلتي اني لما اريد أتعرف على صديقات او احاول اكون اجتماعيه. الناس يا انها تفهمني غلط او يظنو اني شايفه نفسي مع انه تصرفاتي اشوفها عاديه وما سويت شي غلط بلعكس ابتسم لهم وأحاول اخالطهم واحيانا اشاركهم الكلام واحيانا أظل ساكته لكن مهما اسوي ما يعطوني وجه وما يعبروني وما يحبوني أبدا مدري ليش! عند زملائي وعند أخوات زوجي في كل مرة احاول اجتمع واسولف معاهم ما يعطوني وجه حتى لو تكلمت او سكتت او او. صرت رسميه معاهم مجرد سلام وما اجلس كثير. واهلي خاصه امي تلومني بصفتهم عمات عيالي ومحد راح يوقف معاهم بعدين غير عماتهم وتقول امي ان بابتعادي عنهم راح يكرهوني ومستقبلا ما حد راح يكون معي ومع عيالي. خاصه ان بعض الحريم لو طنشتي خلاص راح يردوها لك ويطنشوك فيوم من الايام والله احترت يابنات لما اجلس يطنشوني وما يحبوني ويفهموني غلط واذا ما جلست معاهم بعد بيكرهوني. عطوني رايكن بنات والله اني محتاره شو اسوي؟!