السبهانيه :

اهلين شيخه ياقلبي انا عندي خمسة اطفال اكبرهم 9 واصغرهم 3 اشهر ولد واربع بنات اعمارهم 9 و7 و5 و 2سنتين و3 اشهر والحمدلله مريحيني والسر في العقاب بتقولين لي كيف ما اضربهم ابد ابد استخدم معهم اسلوب العقاب عندهم اشد من الضرب لان الضرب يا قلبي مو زين يزعزع ثقتهم في انفسهم ويطلعون خوافين وجبناء انتبهي كيف اعاقبهم مثلاً ولدي وبنتي اذا جو من المدرسه لازم كل واحد منهم ياخذ شراباته ويحطها في سلة الغسيل والمريول والبنطلون والجزمه الله يعزك في درج الجزم كل واحد مفصله له درج في نفس سريره من تحت للجزم المهم اللي اشوف جزمته في الصاله او الممر او الشراب او شنطة المدرسه وش اسوي فيه اعاقبه كيف ما اخليه يطلع الخميس الخميس نطلع للملاهي او حديقه او حتى لهلي او اهل زوجي او مطعم المهم انه ينحرم يعني مره عاقبت ولدي ما اذكر وش سواء بس عاقبته خواته راحو مع ابوهم لملاهي صحارى وهو جلس في البيت طبعاً انا احرم نفسي الطلعه مع المعاقب ما احرمهم كلهم لا احرم بس الي سواء الغلط وبكذا خلاص يعرف انه لو سواء شي غلط ماراح يطلع نهاية الاسبوع والحمد لله بكذا بيتي مرتب وعيالي يعرفون الادب ونفسيتي مرتاحه مع اني انحرم مع المعاقب ما اطلع بس اسوي قدامه انه ماهمني انا ما ابي اطلع اعزم اختي او امي او وحده من حريم اخواني تجيني تونسني بس هو يقعد طول وقته يمه خلاص اخر مره خلي ابوي يرجع افهم انه المره هذي خلاص راحت عليه بس اقول حاول الاسبوع الجاي من السبت الى الاحد ماتسوي غلط ولمن يجون خواته يقولون له وش سواء هناك هو يحس انه لو غلط مره ثانيه ماراح يستفيد شي راح ينحرم الوناسه والاشياء اللي اعاقب عليهم مثل ماقلت اذا جو من المدرسه يحطون كل شي في مكانه الاكل كل واحد لازم ياكل صحنه كله ( ياكلون اللي يكفيهم طبعاً انا احط لكل واحد منهم اللي يكفيه وكل وحده تعرف طفلها وش يكفيه) بعد الاكل كل واحد ياخذ صحنه يحطه في المجلى يغسلون يدينهم قبل وبعد الاكل يفرشون قبل النوم مايجون صوب غرفتي ابد ابد وخصوصاً اذا ابوهم نايم يلعبون في غرفتهم ولازم تكون عندهم الاعاب حرام تحبسينهم وماعندهم شي انا جايبه لهم الخيمه البلاستك فيها كور كثر وسياره بلاستك الصغيره وحصان البلاستك وغير الدماء ومطبخ للبنات واعاقبهم اذا سواء غلط قدام ضيوفي او ازعجوهم ومايقبلون الحريم ويحلون دروسهم بعد صلاة المغرب ويخلصون على صلاة العشاء يتعشون وينامون والله لو اعد لك من هنا لبكراء ماتخلص الاشياء اللي اعاقب عليها بس حاولي معهم والله راح ترتاحين كثير ولا تفكرين ابد انك تضربين حرام عليك كذا بتزيد شطانتهم وماراح تستفيدين الا كرههم لك ايه تذكرت اول كنت استخدم معهم طريقة الجدول كنت احط ورقه زي الجدول مقسمتها لكذا خانه اكتب في كل خانه اسم واحد منهم مثلاً مها قدامها سته مربعات فاضيه سته بعدد ايام الاسبوع السبت الاحد الاثنين الثلاثاء الاربعاء الجمعه الخميس ما اكتبه لانه يوم ترفيه لهم لازم يطلعون فيه لو للجيران راح يفرحون لانهم يطلعون من البيت المهم يوم السبت من تقعد مها الى ان تنام مواضبه على النظام وماتخرب ولاتزعج ابوها ولاتكب العابها في الصاله احط في المربع علامة صح اذا العكس احط علامة اكس خطاء واخوانها نفسها المهم يوم الخميس نروح للجدول ونشوف مين يطلع يعني مثلاً مها عنده اربعه ص واختها اربعه واخوهم ثلاثه يطلعون البنات كلهم ماعداء الولد والعكس صحيح واذا طلع لواحد منهم ثلاثه صح والثاني 2 والثالث 1 يطلع اكثرهم صح ان شاء الله فهمتي علي واذا جيت ابي احط خطاء طبعاً اجيب اللي عنده خطاء اقوله انت عندك خطاء لانك اليوم مادرست زين او لانك ازعجت ابوك وهو نايم او لانك ماتعشيت وخلاص من بكراء يحاول انه مايكرر اللي سواه امس جربي اول مره راح تتعبين لانهم ماتعود على النظام هذا بس بعد شهر راح تلاحظين انهم تحسنو 90% وخلي هذا نظامك على طول لاتتركينه حتى اذا كبرو راح يكبرون منظمين ومطيعين اساليني والله مجربه والحمدلله مرتاحه والله يهدي عيالك يارب

اهلين شيخه ياقلبي انا عندي خمسة اطفال اكبرهم 9 واصغرهم 3 اشهر ولد واربع بنات اعمارهم 9 ...