عصفورة الجنوب :

(3) يوم التروية 8 من ذي الحجة,,, كان يوم راحة لنا من المشي بس استغليناه بقرآءة القرآن و الذكر و كان فيه أكثر من محاضرة توعوية,,, كان فيه محاضرة عن التوبة و محاضرة عن قصة إبراهيم علية السلام و محاضرة عن يوم عرفة و فضلها العظيم و إرشادات عن طريقة الذهاب لعرفة ومن ثم مزدلفة يالرغم من انه كان يوم راحة الا انه كمان ما قدرت انام الا تقريبا 3 ساعات متقطعة سبحان الله هناك ما تحسي بالنوم, الله يعطيك طاقة عجيبة و قوة,,, و انتهى هاليوم الحلو و احنا مستعدين لليوم العظيم يوم عرفة. يوم عرفة 9 من ذي الحجة,,, أحساس عجيب في جاني ليلة عرفة تحسي كل خلية فيك مشتاقة لرب العالمين مشتاقة للمغفرة و الرحمة, مشتاقة للعبادة و الوقوف بين يدي الله عزوجل. بالفعل شعور تحسي فيه بالانقياد و الطاعة لرب العالمين,,, بدأت حملات كثير تتحرك لعرفة بعد نصف الليل و صورت لكم من مطل الحملة حركة الباصات أما بالنسبة لحملتنا تحركنا بعد صلاة الفجر مباشرة وما أخذنا أكثر من نص ساعة ووصلنا لخيمتنا في عرفات, و وزعوا علينا وجبات في الباص تصبيرة لوزين بالجبنة و ثانية بالشوكلاتة و برتقالة و كيكة نحول و مربى و جبنة و موية,,, مدخل المخيم من برى,,, للأسف نسيت آخذ صورة للمخيم من جوة رغم إني دخلت أول أو ثاني وحده للخيمة بس راح أوصفها لكم و لا يهمكم كان للنساء 3 خيمات كبيرة مرررره لونها أصفر مفروشة بالزوليات الحمراء اللي بالايجار و تقريبا في كل خيمة فيها 5 مكيفات صحراوية صغيرة بس كان الجو حار لان المكيفات أعتقد هواء بس, و تقريبا 10 كراسي ما يزيدوا أبدا ل 150 شخص أو أكثرفي الخيمة,,, بس جبت لكم هالصورتين من النت اللي تقرب لكم شكل الخيمة والمكيف,,, طبعا مافية و لا فراش نرتاح عليها الا فراش واحد في زاوية الخيمة البعيدة طبعا بما أني أول الداخلين للخيمة توجهت مباشرة للماترس ( الفراش) عشان أحط راسي عليه لاني دايخة مرة ابغى انام شوي عشان أتقوى على العبادة,و فعلا ما كملت خمس دقايق الا وراسي على الفراش و جسمي برى عشان أعطي فرصة لأكبر عدد من الروس يرتاحوا,,, و أول ما بدأت أحلم زوجي اتصل علي يسألني عن الاوضاع قلت له تمام و شفت نقطة حمراء عند راسي و أقوم بسرعة و الله شكلها دم ما قدرت تقرفت مرررررررررره و شلت نفسي و تمددت على الارض و حطيت جاكيت تحت راسي زي المخدة و سبحان الله كانت الارض زي الحفرة تحت وركي و تحت كتفي فكانت النومة مريحة مرة الحمد لله يا رب و ما قمت إلا الساعة 10 الصباح,,, لمى صحصحت جلست جنب الفراش هذاك لان الخيمة كانت زحمة مرة ومافي مكان الا هناك و أنتبه للفراش كله نقط دم في كل مكان, قلت للي جنبي هذي شكلها مو دورة معقول الفراش كله يتبقع, قالت و الله شكله اغتصبو وحده هنا قبل ما نجي بصراحة جسمي اقشعر و استغفرت ربي,,, لكن اذا جيتوا تفكروا فيها خيمة كبييييييرة ما فيها الافراش واحد و في منطقة تقريبا مهجورة قبل ما نجي و الفراش كله بقع دم هذا ايش يعني؟؟!! المهم ما علينا, بدأنا نقرأ قرآن و نسبح و نهلل و نحمد الله , طبعا دعيت لكل بنات حواء بالتوفيق و المغفرة,,, و بعض بنات حواء خصيتهم بإدعية هم موصيني عليها, و طبعا ما نسيت بنات التجمع من الدعاء. كنا متوقعين يشغلوا لنا خطبة آل الشيخ من مسجد نمرة, لكن للأسف ولا شي, كنا نسمع الصوت من المسجد لكن مو فاهمين و لا كلمة لان الصوت بعيد نوعا ما,,, كان عندنا داعية مصرية ما قصرت يعطيها العافية و يرزقها من حيث لا تحتسب كانت تعطينا محاضرة وقت الخطبة, و بعدين قعدت تدور على أحفظ وحدة فينا لكتاب الله عشان تؤمنا للصلاة, وحدة قالت أنا حافظة 20 جزء ما شاء الله تبارك الله, و وقفت تبغى تؤمنا حتى نترتب و جت وحدة مصرية شابة ما أتوقع إنها تتعدى25 سنة و قالت أنا حافظة أكثر منها و أمتنا الله يبارك لها في شبابها,,, خلصنا الصلاة و رجعت كل وحدة لعبادتها, و شوي جابوا لكل مجموعة صحن رز و لحم و شطة و بعدها أستعدينا بعدها للرحيل لمزدلفة,,,

(3) يوم التروية 8 من ذي الحجة,,, كان يوم راحة لنا من المشي بس استغليناه بقرآءة القرآن و الذكر و...

برنسيسة الشمال :

وااااااي وااااااااااااي ماشاء الله تبارك الله حج مبرور وسعي مشششكور ان شاء الله خليتينا جو الحدث ربي يوفقك انا ولله الحمد حجيت سنـة 1424هـ قبل زواجي الله يطول بعمر البابا ويخليه لنا رفض الا نحج انا واختي ونخلص قبل الزواج وودي لو احج مره ثااانيه يقول زوجي وش رايك ..!! <<شكلي ابي اوافق...!!

وااااااي وااااااااااااي ماشاء الله تبارك الله حج مبرور وسعي مشششكور ان شاء الله خليتينا جو...