المسيح الدجال أجل :hahaha:
الله يعصمنا منه

أقسم بالله انتس تحفففففففففففففففففففة
بسم الله علينا وعليتس من الشياطين :30:

مير ترا عيدهم قضى أمس
وطقوا علينا بس كنت معزومة ورجلي في البيت
عطاهم حلاونا حق عيدنا جعلهم السوس :icon33:
استغفر الله بس

ايه همين .. طقوا عليتس!؟

هلا والله بالغوالي كلهن...


الطق ماطق علينا احد ...مو اقولكم برايتن مدينتن هاديتن بالحيل...

والكل فيها بحاله بدرجة مرضية:)

يعني لو صدفت انتس تمرين من جنب احد والا يطالع فيتس وفي حجابتس من تحت لتحت همن فرّيتي عينتس تبي تشوفين وش تطالع انت ووجهك؟؟

قام يطالع الشجر يسوي روحه يدوّر سنجاب...

:)اي والله...

تمنيت انهم طقوا الباب علينا كان توجّرت فيهم وفرحّتهم ...

وش أجمل من فرحة البزر؟؟؟؟موب يقولون باب من أبواب الجنة (مدري عن صحة هالشيء ) بس وش أجمل من بسمة طفل حتى لو كان وجهه منتفخ تقل طماطة..


إلا على طاري الطماط ولاأعيرهم ..انا ماش ماستسغت بزرانهم..

ولاتمالحتهم...احسهم بيض بزيادة (استغفر الله :) )وسمان ...ماقد لقيت لي بزرن أشهب أو عصيقيل وش ملحه زي بزراننا...


أخ وبس..والله أن تسبيدتي قامت تهفهف على حمدّو ولد أخيّتي...وعذيذي ولد أخوي...ولذّون وليّون وعجوجي وهئ وهئ...



بزراني...ياناس...والله قامت كبدي تهفهف..أبي ريحتهم...


أبي أسمع صياحهم وصراخهم وطقهم وطقيقهم ...

وقولتهم خالة بدورة خالة بدورة...


عن اذنكم بروح شوي اصيح واجي...

جيت....


انا قلتلكم عن المرقوق؟؟


أي بالله..هماني في مذكراتي مع مورين وعدتها أروّح لها مرقوق...

ووفيت بوعدي اي وفاء هكاليوم قبل الهولويين بيوم....


قلت هلحين يوم انهم يفسدون النعمة الله لايسخط علينا....

أجل الخضرة والنعمة يكتبون عليها ويحطون بوسطها شموع وخراط...وش يصير ذا يااجواد الله..؟؟


المهم وان ااتقضى من سينز بري هكاليوم والا يطري على بالي عشا الوالدين....:)


عشا الوالدين : هو تقليد سعودي نجدي قديم عبارة عن اكلة او طبخة تطبخها الام وتوزعها على الناس الجيران والاقارب كصدقة تنوي للوالدين ...

وفرحة ..طبعا ايام الجوع والفقر...كان تقليد رائع ومازال كثير يسوونه في رمضان ...


عاد ان رمضان قضى ولاامداني اسوي عشا والدين...


قلت طيب الاجر ان شالله موجود في كل وقت موب بس في رمضان...


وتطن في بالي والله لاأرق مرقوقن مارقّته بنت ابوها...


واشتري دقيق اسمر وقرعة وكوسة وحدة وجزرة وحدة(يامال الفقر الوحدة ب35بنس)...!!!!

بس شسوي ماودي اصرف ولاعندي حتى ثلاجتن احط بها الاغراض...


قلت يالله وارجع للبيت شوي واطير من الحماس...


والا تذكرت كلام اميمتي يوم تقول الله يجزاها الجنة ويحرمها على النار:

انتي يابنيتي ظفرة (يعني سنعة) لولا انك عجّازة ...والا ماحدن من بناتي اظفر منتس...



وانا كل ماتذكرت كلامها أطييييييييير..وأطيييييييير..وشوي أتحول لصقرة من الحماس مصدقتن عمري...

:)

ياعمري عمر نفسي...:)


المهم واوصل لبيتي بسرعة 400متر في الساعة المشكلة ان بيتي مايبعد الا خمس وثلاثين متر عن سينز بري...

:) مو يقول لكم قال وش ادراك انها نصبة قال من كبرها...؟؟؟؟



وافتح باب الشقة الهث شوي تنفضخ القرعة من حماسي ....وهات ياقدري ام عروة ..


خويتي هالقدر في السراء والضراء....مسميتها (شيخة)..عاد تصدقون اني لاضاق صدري ولا تهاوشت مع ابونا اقعد اسولف معها..

أي صدقوني تسولف قدري معي...وتهرج زيي بعد بال(تس)...


اقول اركدي لاأخلي عيوني وعيونتس أربع......(هذي مداخلة من ابونا)..:)



المهم واقطع بصيلاتي ....واشوحها على شويت سمن دهن وماجي خضار ومع الكوسة والجزرة والقرعة...

وهفففففففففففففففففففففففففففففت ...قامت سعابيلي تقوطر كنت صاية ولحين انا صايمة واتشهوى مرقوق...

اااااخ ...بس القهر ماكان فيه لحمة حاشي والا كان اكتملت الطبخة صدز....


واعصد مرقوقي وازينه واعين من الله خير

وهو يجي ابونا.....ياولد...ياهيش...هو بذا أحد ( :) )....


وش طابخين اليوم ياولد...مرقوق؟؟؟

قلت ابشر بالخير يابعد قلبي...


قال وش الطاري والله ...وتقوم سعابيله يشرق بهن ..هفففففففت فففففففففت....


قلت موب عشانك هذا عشا والدين ...


قال شلون منب ماكل يعني؟؟؟


قلت اذا صرت عاقل (هو وراه صار بزر وقبل شوي كان شيخ عرب؟؟:) )


المهم وانتسب لأم ويليام صحنن هذا كبره...

واحط البزار والدهنة (منين دهنة ياحسرة مهنا الا زبدة الدهن حقتهم )....والفه بقصدير واطمر لها اطق الباب

وتطلع علي ياعمري بيدها ليفة المواعين قاعدتن تغسل :( هئ هئ


قلت يابعد الدنيا يالله تعظّم أجرها....ام ويليام ..تبيني ادخل اعاونتس؟؟؟

قال لا عاد انثبري تراني عطيتس وجه ...وش تبين الله لايبيتس؟؟

قلت يام ويليام جايبتن لتس عشا والدين ...ترا يوكل بالملعقة موب بالخبزة....

وادعيلي الله يعظّم أجرتس..


قالت لي يابنيتي الله يصلحتس توني مزينتن غداي وراتس مابكرتي شوي؟؟؟


:)




يتبع......

بنات ليه توقيعي مايطلع مع اني طالبتن اظهار التوقيع؟؟؟

التوقيع يطلع في الصفحة الوحدة
مرة وحدة بس