حمامة البر....

لاماردته ...اسمعي بقية السالفة...


يوم ان مورين اخذته وهي تنتفض وتقول لي ياحبني لتس يابنيتي الله يكبّر بواجبتس...


قلت حق وواجب يام ويليام وش سوينا يعني؟؟؟؟ماغير عشا والدين...:)


وارجع للشقة ويوم صكيت الباب واسمع صوت قطوة تصرخ!!!!


قلت واحزنييييييه كانها مب ام ويليام اكلت مرقوقي همن فطست؟؟؟؟



والاها هشوى قطوة الجيران مادري وش قصتها مدري رجلها يطقها مدري هاجمن عليها تسلب( :) ) بغيت انادي لها 911 بس ماعندي اشتراك معهم..


المهم ويقوم رجلي يتلوى من الجوع....يابدورة انكبي الغدا يرحم والديتس...


قلت ابد ....



وقمنا انا وياه زي سولافة السعلو وبنات النبق ...؟؟

تعرفونها ؟؟؟

طبعا لا...

يقولتس انه سبع بنات راحوا يخرفون نبق من شجرة النبق (العبري)...وهي شجرتن حولها سعلو (غول)...يطلع بالليل....

المهم كل واحدة قالت منيب طالعة للشجرة ينشق ثوبي....اخيرا تبرعت وحدة منهم وطلعت الشجرة وقامت تخرف لصديقاتها وتنزل سطل لكل وحدة...


الفتت آخر لقت المغرب قد جا وزميلاتها النذلات راحوا وخلوها...ومالقت احدن ينزلها من الشجرة...


هيابنات اللذينا هذولا كنهم صديقاتي بالجامعة يوم يخلوني اكتب لهم بحوث ويمدحوني همن يوم تخرجنا قاموا يحشون بي....:)


المهم والبنية تقعد فوق الشجرة لين جاها السعلو وقام يخبط الشجرة لين طاحت في يدينه واخذها بياكلها :)


انا ودي افهم ليه السعالوة مايعرفون الا ياكلونا؟؟؟مايعرفون يسولفون؟؟؟



المهم ويشب نار ويقطع جزر وكوسة زي افلام كرتون يبي يطبخها...وهي تجي بنت ابوها وتدزه على النار ومير تعلق به النار..

(مافكروا فيها ضحاياه اللي قبل :) )...


المهم وهو بالنار يقول طلعييييييييييني واعطيتس اللي تحت الحصاة السودا ...

قالت لا...


قال طلعيييييييييني واعطيتس الل تحت الحصاة الزرقا...


قالت لا...


قال طلعيني واعطيتس اللي تحت الحصاة الحمرا...


وعدد الالوان كلها لين احترق ومات..هي قامت ودورت الحصاة اللي يقول عنها...لقت تحت كل وحدة كنز واخذته ومشت لاهلها...

وبس...


هذا كله طراه رجلي يوم انه يقول انكبي لي واودييييييييييتس للسينما...

قلت لا....


ويقول انكبي لي واوديييييييييييييييييتس للشوبنغ سينتر...


قلت لا....


قال انكبي لي واوديتس لاهلك بكرة ...


انهبلت انا وقمت انكب له من الخرعة...


ويوم اكل صحنه قال هاع هاع هاع لعبت عليييييييييييييتس....:)




خبيث هالولد ...والله لااوريك ...



..............................يتبع بحول الله...

مذكراتك روعة .. والأحلى منها اسلوبك
ربي يوفقك .. كملي ولا تطولين علينا :)

ما شاء الله عليك وعلى اسلوبك
شنو هالابداعات بالكتابه
منتظريك تكملي

كملييييييييييييييييييييييييييييييييييييييييييييييييييييييييييييييييييي

البنت اللي مع الوحش طلعت اذكى منج وخذت الكنوز وراحت هههههههههههههه

لالالا انتي بعد ذكية مير الحب اللي خلاتس تصدقين وتطلعين بلووووشي ههههههههههههههه