الولد لم يستطع ان يعبر بالبداية عن سبب رفضه للذهاب للرؤية عند الجده الا ان الجلسه كانت تضم البنت والولد ،
فاسترسلت البنت في الحديث بداية : جدتي ما تحبنا بس نوصل تسبنا واتقول انا جارتكم نكاية بامكم وتتركنا بالبيت وتطلع بس نوصل ، والكل يسب امنا ويشتمها بابشع الالفاظ طبعا عددت البنت ام 9 سنوات الالفاظ البشعه ولكم ان تتصوروا موقف الام اللي كان ودها تحذف روحها من البلكون لوما خوفها من ربها ،
وبعدين جا دور الولد ما قصر الطبيب النفسي اللي كان باله طويل الصراحه وحاس بالتعاطف العميق مع الام الولد رفض يتكلم فما كان من الطبيب الا ان اخلا الغرفه واستمع
تحب المدرسه ؟ اي
تحب امك؟ اي
تحب اختك؟ اي
تحب جدتك؟ لا
تحب اعمامك ؟ سكوت مطبق !
عدد الطبيب اسماء الاعمام بالسؤال التالي لانه انتبه ان الطفل عند ذكر الاعمام يصمت
تحب عمك فلان ؟ سكوت
تحب عمك فلان؟سكوت
تحب عمك فلان؟ سكوت +رجفه+ احمرار بالوجه وعيون امتلأت بالدموع
يا الله لا حول ولا قوة الا بالله حسبي الله ونعم الوكيل ( الطبيب يردد في قلبه دون ان ينقل غضبة للولد المحطم )
حبيبي عمك فلان اذاك في شي ؟ بكاء يتلوه بكاء وانين وسرد الولد تفاصيل الاعتداء الاليم العم ناداه في غرفته ليريه العاب الفيديو واقفل الغرفه الاخت تلحق اخاها وتضرب على الغرفه عمي لا اتأذي اخوى الله يخليك بعدين امي تدعي عليك تبكي دون ان تعلم تفاصيل ما يجري وتنسى الحدث كأي طفله الا ان المفعول به لا ينسى
ردودكم وبعدين انكمل
الولد لم يستطع ان يعبر بالبداية عن سبب رفضه للذهاب للرؤية عند الجده الا ان الجلسه كانت تضم البنت...
راحت المرأه المصدومه ابوضعها ومنع السفر اللي عليها تضرب اخماس بأسداس واتحاول تتذكر
فاتورة التلفون ادفعها اول باول ، قسط السياره ولا مره تاخرت فيه ماطالب احد ولا احد يطالبني اصلا أأمن بالمقوله اللي تقول الدين عمات عين ولا افكر استدين ؟! والله هاذي البلشه الرجال امعصب وودها تعرف ايش الحاصل قبل لايدري عشان تحاول تلم الموضوع قبل الفشيله جدامه
وقررت انها لابد تستشير محاميه جتني لانها تعرفني من بعض الصديقات وقالتلي الموضوع
وطلبت منها تعمللي وكاله عشان اقدر اكشف تعاملاتها بالبنوك والشركات واقدر اوصل للموضوع اللي امسبب هالمشكله ، طبعا عشان يمنع احد من السفر لا تخرج المسأله عن احد امرين اما ان يكون ممنوع من السفر كاجراء تحفظي لانه مطلوب على ذمة التحقيق في قضية ما ، او انه يكون مديون او محكوم بحكم من اجراءات تنفيذه منع سفر المحكوم عليه لاجباره على تنفيذ الحكم