السلام عليكم ورحمة الله وبركاته
كيفكم جميعاً يارب تكونون ب احسن حال💕
بدخل مباشره بالموضوع وودي برأيكم خاصة بعض العضوات اراءهم سديده وكلها خير وحب ونصح اتمنى محد يبخل علي بالرد حتى لو الموضوع ما شد انتبهاهه
المهم مالكم بالطويله انا اشتغل و قبل تقريباً ست شهور جت بنت جديده تشتغل معنا تعرفنا انا وهي على بعض بالبدايه كنت عاديه معها وبس ف حدود العمل لكن فجأه لمن تجي وتجلس معي وتسولف لي والله العظيم يابنات احس بنفور منها واحس بطاقه سلبيه وكتمه وابي اهرب حرفياً ذا الشعور الي يجتاحني وقت اجلس معها بس البنت طيبه ولطيفه ونيتها صافيه ( هذا الي تظهره لي) بس مع ذلك انفر منها من داخل حاولت اتجاهل احساسي لاني حسيت اني ظلمتها وممكن بالغت ب احساسي وقلت خلاص لها مني الي تظهره لي صرت اجلس معها واذا شفتها اسلم عليها ونجلس مع بعض ونسولف الخ...
بس هي فجأه الفتره الاخيره تغيرت يعني احسها بدأت تنسحب تدريجي او تتعذر او كأنها متضايقه او زعلانه مني وفجأه تقوم وتخرج بسرعه وتختفي ولا عاد اشوفها
قلت لها ف يوم اذا سويت شي بدون قصد وزعلك ف انا اعتذر منك بس ابيك تعرفين انه مليون بالميه انا مو قاصده اكيد وقالت لي لا بالعكس وووو من هذا الكلام.
انا بالنسبه لي هي مجرد صديقه عمل لا أكثر ولا أقل
لكن لاحظت شي ف مره كان علينا ضغط شغل خلصت قبلها جيت بخرج من الدوام هلكانه والله بس شفتها حايسه ما هان علي والله جلست معها لين خلصت كل الي عليها وفيوم انا انحطيت بنفس الموقف شالت أغراضها وخرجت وتركتني ماسالتني حتى إذا احتاج شي ولا كلمتني ولا اي شي
ومرات احسها تنافسني يعني تحاول تكون احسن مني من خلال ملاحظتي لكثير مواقف حصلت اذا شافتني انمدحت ع شغلي او اي شي زي كذا احسها تتغير وكأنها تتضايق وتجلس تكرر انتِ كيف كذا سويتي ذا الشي و انتِ كيف كذا سويتي بسرعه انتِ مو زيي وتردد هذه الكلمات وانا ما احب هذا الكلام مافيه مقارنات بين اي احد ابدًا
هذا كله يهون عند ف يوم سولفت لها عن موقف حصل استفزني قالت لي عباره غريييبه( واو لاحظت انه فيه كثير اشياء تستفزك والله عجبني) ! حاولت افهم وش قصدها بس مالقيت تفسير منطقي غير أن الكلمه غير عفويه ووراها شي غريب
المهم اني مستغربه ليه احس ب هذه المشاعر تجاهها ودايم احس انه فيها طاقه سلبيه ومن جواتي ينفر منها وكان احد يقولي داخلي وخري عنها بس عقلي يرفض لان ماشفت منها اي شي سيئ يدل ع هذا ولا ابي اظلمها بسبب احساس بس بنفس الوقت ما ابي اتجاهل احساسي
ويوم ضغطت ع نفسي واجبرت نفسي وتجاهلت احساسي هي تغيرت ...
قولوا لي انتوا وش رايكم؟وش نصيحتكم لي
زهره الربيع @zhrii2
عضوة
يلزم عليك تسجيل الدخول أولًا لكتابة تعليق.
زوجه خالددد
•
ماراح اقول احساسك صدق لان ربي يقول اجتنبوا كثير من الظن بس دام شفتيها متجنبه عنك خلاص بسلامتها مو من باقي اهلك
زينب
•
وعليكم السلام ورحمة الله وبركاته
بخير جعلك بخير
عزيزتي هذي زميلة لأن فعلاً هي ما ينطبق مسمى الصداقة عليها الصداقة أعمق بكثير
ياكثر لما ننتظر بالمستشفى ونجلس مع بعض، لكن أبد هي حتى ما نعتبرهم زمالة نقدر نقول سوالف بيننا مؤقتة لما نقضي اشغالنا وبعده كلٍ يروح أو في الدوام مكتبها معك لكن ما نسميهم صديقات الا لما تبان مواقفهم ومعدنهم الأصيل
من ناحية إحساسك هو فعلاً أول ما قريت موقفك حسيت زي إحساسك وممكن تدور الأشياء اللي تضايقك عشان تستفزك بها خاصةً ( واو لاحظت أنه كثير أشياء تستفزك والله عجبني ) لا نكون مثاليين فيه أشخاص هم كذا ودهم يعرفون عنك كل شي لكن أنتِ حرام تسألين أو تعرفين شي هالنوعية لا تحتكين فيهم خليك طبيعية بدون زيادة ولا أستنزاف طاقتك
ركزي في شغلك وكيف تنجزين أكثر وأكثر وأنا متأكدة أنك بطلة وفاهمه حركات الحريم لكن ما أستوعبتي حركات هالزميلة الا بعد ما عطيتها وقت تدخل حياتك وتسولف معك
لكن ياحبي لك لما شفتيها حايسه في الشغل ووقفتي معها وصار لك نفس الحوسه ما وقفت معك لأن هي ما طلبت المساعدة المفروض لما شفتي أسلوبها والنفور من تجاهك خلصتي شغلك وطلعتي لأنك ببساطة مو مجبوره وهي كذلك
خلي علاقتك سطحية والسوالف فقط اللي تخص الدوام أريح لك الآن عرفتي كيف إنه ما ينعرف لها غريبة أطوار
لما تجاهلتي تصرفاتها فجأة صارت ما تسويها الشي اللي يضايقنا لما نغض البصر عنه يتعدل
الله يسعدك💜
بخير جعلك بخير
عزيزتي هذي زميلة لأن فعلاً هي ما ينطبق مسمى الصداقة عليها الصداقة أعمق بكثير
ياكثر لما ننتظر بالمستشفى ونجلس مع بعض، لكن أبد هي حتى ما نعتبرهم زمالة نقدر نقول سوالف بيننا مؤقتة لما نقضي اشغالنا وبعده كلٍ يروح أو في الدوام مكتبها معك لكن ما نسميهم صديقات الا لما تبان مواقفهم ومعدنهم الأصيل
من ناحية إحساسك هو فعلاً أول ما قريت موقفك حسيت زي إحساسك وممكن تدور الأشياء اللي تضايقك عشان تستفزك بها خاصةً ( واو لاحظت أنه كثير أشياء تستفزك والله عجبني ) لا نكون مثاليين فيه أشخاص هم كذا ودهم يعرفون عنك كل شي لكن أنتِ حرام تسألين أو تعرفين شي هالنوعية لا تحتكين فيهم خليك طبيعية بدون زيادة ولا أستنزاف طاقتك
ركزي في شغلك وكيف تنجزين أكثر وأكثر وأنا متأكدة أنك بطلة وفاهمه حركات الحريم لكن ما أستوعبتي حركات هالزميلة الا بعد ما عطيتها وقت تدخل حياتك وتسولف معك
لكن ياحبي لك لما شفتيها حايسه في الشغل ووقفتي معها وصار لك نفس الحوسه ما وقفت معك لأن هي ما طلبت المساعدة المفروض لما شفتي أسلوبها والنفور من تجاهك خلصتي شغلك وطلعتي لأنك ببساطة مو مجبوره وهي كذلك
خلي علاقتك سطحية والسوالف فقط اللي تخص الدوام أريح لك الآن عرفتي كيف إنه ما ينعرف لها غريبة أطوار
لما تجاهلتي تصرفاتها فجأة صارت ما تسويها الشي اللي يضايقنا لما نغض البصر عنه يتعدل
الله يسعدك💜
وعليكم السلام ورحمة الله وبركاته
حطي شي في بالك ان بيئة العمل بيئة تنافسية صعب تكوني فيها صداقات لازم تكون في حدود
بالنسبة لزميلتك كل اللي قلتيه مايدل على انها سيئة وانتِ ساعدتيها من غير ما تطلب ومابقولك غلط لأن الخير عمره مايكون غلط ولكن البشر احيانا مايردوا الجميل فلذلك اذا سويتي شي خليه لله ولا تتوقعي رد الجميل من احد
ارجع واقولك خلي عندك حدود ولا تركزي معاها كثير تغيرت ولا ما تغيرت انتِ عارفة انك ما غلطي خلاص لا تهتمي لها
موفقة يازهرة🌸
حطي شي في بالك ان بيئة العمل بيئة تنافسية صعب تكوني فيها صداقات لازم تكون في حدود
بالنسبة لزميلتك كل اللي قلتيه مايدل على انها سيئة وانتِ ساعدتيها من غير ما تطلب ومابقولك غلط لأن الخير عمره مايكون غلط ولكن البشر احيانا مايردوا الجميل فلذلك اذا سويتي شي خليه لله ولا تتوقعي رد الجميل من احد
ارجع واقولك خلي عندك حدود ولا تركزي معاها كثير تغيرت ولا ما تغيرت انتِ عارفة انك ما غلطي خلاص لا تهتمي لها
موفقة يازهرة🌸
نسمة
•
احمدي ربك إنها جت على كدا وكشفي وجهها الحقيقي في فلتات لسانها ومن واقع تجاربي في الشغل أقولك لو تقدري تحطي جبال بينكم حطي ما يكفي الحدود وإياك ثم إياك تفضفضين ذا الكلام لزميلة ثانية ابتعدي عنهما نفسيا حتى لو كنتم بنفس المكتب ولا تعلميها شي حتى على شغلك أحذرك اللهم بلغت اللهم فاشهد.
الصفحة الأخيرة