مراحل تشطيب البناء .....؟؟؟

اولا الحمامات اختاريها على حسب احتياجك وميزانيتك

ممكم اضافة مكيف مركزي وبعدها الجبس

لما تختارين الجبس اختاري تصميم جاهز وخليه ينفذه واتفقي معاه على الاضاءه

واكتبي كل شيء في العقد بالتفصيل مع الصور (لان المسأله فيها غش)

بعدين الارضيات من السيراميك او الباركيه + دواليب في الحائط

ثم الاثاث والستاير

وسلامتك

على البركه انشاء الله
شئ ثاني احب انبهك عليه موضوع الكهرب اذا انتي تهمك الإضاءات وتوزيعها فكري كيف تبغي يكون اضاءات بيتك
ومواقع الأبجورات والأجهزه الكهربائيه عشان توفرين اماكن الأفياش عشان لاتجين بعدين تقولين ياريت حطينا هنا مكان للكهرب وتصيرين تستخدمين توصيلات خارجيه
وخلي توزيع الأفياش تحت اسفل الجدران لاتحطين شئ فوق انتبهي

تمنياتي لكي بأوقات ممتعه بدون وجع راس ((((((( الله يعينكم )))))))

بعد العظم تجى مرحله التلييس ثم البلاط والسيراميك والجبس وعمل تسليكات للكهرب والتصريف الصحى وبعدين وجه بويه ابيض ثم الدواليب واخر شئ البويه ولازم تسالون احد خبير قد بنى من قبل لان هذى الشغله ماينفع فيه انترنت الرجال اخبر بها الا شياء وانشاء الله اكون افدتك

انيقه ..الله يسعدك حبيبتي

الي افهمه من كلامك ان اختار 1- الحمامات
2- السقف
3-الارضيه

وبعدين خلاص هذا هو التشطيب ..




غيدان .. شكرا يا حبيبتي على هذي النصيحه

لكن ابسألك ليش وجع رأس تكفين علميني

ترى ما عندي سالفه والله !!!!!!




معتزه بالا سلام .. انا زعلانه عليك :44:

ليش الشغله ما ينفع فيها انترنت ..

والرجال احسن منا في ايش بالضبط ؟؟؟

والله اني اول ما كتبت موضوعي كنتي انتي

الي في بالي علشاني عارفه انك توك مخلصه

بيتك وعندك خبره ماشاء الله ..واستفدت كثيرررررر

من ردودك في بعض الموضيع ..

علشان كذا انتي فدتيني كثير عن طريق الانترنت وبسسسسس

فالله يخليك عطيني اكثر من خبراتك ..

لانك كريمه وانا طماعه :23:

:24: :24: :24:

اهلين اختي مفعوصه ...... الحين الغالي يبدا معاج وجع الراس اختي مب الشغله انك تبدا في ايش والا ايش الشغله انك شوتختار وشو الي يعجبك والي ما يعجبك وشو النوع الجيد من الردئ ...والله عنا نحن استفدنا وايد من البيت عرفنا انواع الجرانيت وانواع السرميك شو الجيد وشو الردئ ........واول شئ بيقولكم المقاول وفرو سيراميك الحمامات على شان التركيب وبعدين بيقول جيبو الارضيات و وبيتنتهي عند هذي المرحله شغل المقاول ......وبيبدا شغلكم ان كنتم تبون مكيفات سنترال لازم اتركبونهم مع البناء ......ودوركم انكم تختارون ابواب للبيت واشكال النوافذ وعلى المقاول التركيب ....وبعدين يجي الجبس ولما تنتهون من الجبس يجي دور الاناره والبحث عما يعجبج ويناسب و الصبغ يالله شدي حيلج في هذي المرحله تراها عويصه......والحين دور الكهربه اركضوا وراها لين تدخل البيت وترتاحون فتره قصيره وتواصلون البحث عن الاثاث .........والله يسعدكم في بيتكم ويجعله سكن خير ..........:26: