مرت أخوي اطيب قلب واحسها منافقه وحقوده 🙁💔

بنات بادخل بالموضوع دغري
باقولكم الصدق والصراحه انا مسؤله امام الله عن كلامي لازياده ولانقصان بالسالفه ولانكم ماتعرفوني حبيت اشكي لكم ولكم حريه الرد حتى لو كان الكلام فيه جرح لي او جرح لمره اخوي بس ابيكم تحكمون بينا
مثل ماهو باين بالموضوع مره اخوي من جتنا لها 4 سنوات طييبه لابعد حد مستحيل تقط كلام يجرح لاعلينا ولا على غيرنا ولو تشوف نون ومايعلمون شي يخصنا ماتسأل ابدا الا اذ حكينا لها
وانا وخواتي لو نطلب منها تسوي لنا حلى او لامي اذ جو جارتها تسويه على اكمل وجه طبعا هي ماشالله طباخه عشان كذا نطلب منها وهي تتقبل بصدر رحب
بالمقابل حنا نموت فيها واحسن حريم اخوانا ومانعزم الا هي ومن كل قلب نحبها
حنا نمزح دايم معها وعادي تبتسم ماتقول شي مزح والذي لااله الا هو انا مانقصد فيه شي وعادي عندها
لين جاء هذاك اليوم قبل شهر تقريبا امي عازمتنا كلنا بمخيم وكنت انا وبنت خالي نتناقش على كلمه وزعلت بنت خالي وراحت
يوم صرنا انا ومره اخوي بس لحالنا قلت وش رايك بالموقف تخيلوا غسلت شراعي بس بطريقه محترمه يعني مافيها سب بس قالت انتي فيك وفيك وتذكرني بكل مواقفي اللي جرحتها فيها طلعت مجمعه علي شي كبير بعضهم اتذكرهن وبعضهن ناسيتهم وكله كنت انا مزح
مرت الايام واضطريت احضر زواج ممنوع فيه الاطفال وخليت بنتي عندها وعادي استقبلتها وماقصرت فيها وتلاقينا بعدها كثيير وتضحك وتسولف بس يوم الخميس اللي طاف صار نقاش بموضوع ومزحت معها مزحه عاديه على طول ردت علي قدامهم كلهم بس ماهو هواش لا يعني اسلوبها كان جاف بالرد
انا احسبها اول نظيفه قلب وطيبه طلعت حقوده

مدري عجزت اصنفها او اعرف اتعامل معها بعد هذا الموقف