POOOTA :

السلام عليكم ورحمه الله وبركاته:27: سلامى لجميع البنوتات وحشتونى اوووووووووووى شايفه ما شاء الله اسماء جديده معانا ربنا يزيد ويبارك وتجمعنا يظل فى محبه الله سلام خاص وترحيب بالبنات الجديده اسماء تسلم ايديكم وايجيبتى (طبعا انا عارفه انك مش جديده )بس حبيت اسلم ام نادين انتى كمان مبقيتيش جديده اسماء ام اروى انتى برضه زى ما قالوا البنات مش جديده خالص بالنسبه لنا دا اروى كانت محور اهتمامنا لفتره ربنا يطمنك عليها ويحفظها هى واخواتها عروس ربنا يكتبلك الخير وترجعى بسرعه ام سوسو وام البنات وام يوسف ومرمر ورونى ووده ورمال ومنى دموع وفيميل ولمييا وتوته (كده تضحكى علينا فعلا افتكرناكى ولدتى ربنا يقومك بالسلامه) مى ورانيو وام شهاب وكهرمانه وانن وهانا وعطر حبيبه قلبىالى وحشتنى اوى بنات بالنسبه لموضوع الغسالات انا عندى توشيبا الاوتوماتك وهى ميزتها انها بتشتغل بمسحوق عادى وتقدرى تحطى فيها الاضافات اللى عايزينها وتقدرى تتحكمى فيها انها تشتغل اوتوماتك او زى الغسالات الهاف وكمان عليها ضمان خمس سنين بس عيبها الوحيد انها مفيهاش سخان يعنى مش بتغلى طبعا انا كنت متفائله ومبسوطه ان الاجازه بدات وخلصنا من الامتحانات بس للاسف عرفت الوقتى انى مطلوب منى اانى اذاكر تانى ليوسف علشان هنقله لمدرسه جديده وهيمتحنوه ولازم اذاكر له 5 مواد فى اسبوع بالاضافه ان اخوه برضه هيمتحن وطبعا هو ما يعرفش اى حاجه فى اى حاجه كمان انا كمان همتحن :3_3_103:تصوروا بقا الحياه كده يبقى لونها ايه؟؟؟؟؟؟؟؟؟؟؟؟؟؟؟؟ رونى كنتى سالتى عن انى بامتحن ايه سيادتك انا شغلى بيفرض عليا انى كل شهرين امتحان علشان اكمل مع الولاد الى بعلمهم والا اسيبهم للى احسن منى اذا لم اجتاز الامتحان هذا بالاضافه انى حاليا طالبه بكليه الاداب قسم ترجمه انجليش سنه اولى شفتى الحياه عندى لونها وردى خالص انا اوقات بقول لنفسى انى دخلت حاجه انا مش ادها او بضغط على نفسى:06: اوى بس كل ما اعدى امتحان وانجح افرح وانسى الضغط ده :icon28: بنات انا عايزاكم تهتموا بتجهيزات رمضان علشان انا مش متخيله الوضع هيكون ازاى وسط الضغوط اللى انا فيها فيا ريت اى حد عنده فكره توفر الوقت ويا ريت المجهود يقول :angry: بحبكم فى الله:love:

السلام عليكم ورحمه الله وبركاته:27: سلامى لجميع البنوتات وحشتونى اوووووووووووى شايفه ما شاء الله...

omnadeen :

مساءشريف لطيف ظريف بوتا اخبارك ايه قولتى حبعت الايمل ومابعتوش على العموم انا فى الانتظار كنزى عاملة ايه وابعتى ايميلك انا كمان الماسنجر بتاعى لو يعرف القسم يروحله فاضى اخويا يقعد يضحك لما افتحه ام البنات -عروس-الرمال الناعمة-ام يوسف -روانى وجميع البنات بسلم عليكو بخصوص اليوميات انا حاسة ان مش بعمل حاجات مميزة ذيكم عشان كده مش بكتب بس بالنسبة للنهارة انا كان عندى سمك مقلى من امبارح قمت عملت تسبيكة وحطته فيها وعملت رز صيادية واتغدينا وبعد الغدا عملت سلطة فواكه انا بحط معاها جيلى واحطها فى التلاجة لحد ماتبرد قوم الواد مندى يفتح التلاجة ويوقع الجيلى بالفكهة على كل الى فى التلاجة من غير من ندوق منه ملعقة وقعدت اسيء الارض والتلاجة اتبهدلت غسلتها بكرة بقى حاعمل فراخ مشويه انا بجيب الوراك واسلقها وبعدين احط بصل وفلفل بين الجلد واللحم احط فى الصنية نقطة زيت واحطها على عين البوتاجازوبعد ماتستوى اجيب شوية فحم واسخنه على النار واحط طبق فيه سمنه فى نص الصنية واحط الفحم فيه واغطيه وكلى احلى فراخ مشويه وكمان الصدور البانية بعملها كده كتبت كتير معلش اصلى قاعدة لوحدى نادين عند نينتها ومندى مع باباه فى النادى وانا معاكم سلام

مساءشريف لطيف ظريف بوتا اخبارك ايه قولتى حبعت الايمل ومابعتوش على العموم انا فى الانتظار كنزى ...

كنزي1 :

اليانسون يحميك من أنفلونزا الخنازير أكد أطباء صينيون أن احتساء كوب واحد من الينسون الدافئ وليس المغلى عقب الاستيقاظ صباحاً يعد أفضل وقاية من الإصابة البشريه من مرض أنفلونزا الخنازير الذي تفشى فى بقاع شتى من العالم، بينما تتعاظم فائدة الينسون بالنسبة لأولئك الذين يتعاملون مع الخنازير تربية أو تجارة أو ذبحاً أو أولئك الذين يعملون فى صناعة إعادة تدوير القمامه. وأشار الباحثون إلى أن إحتساء الينسون الدافئ يفوق فى فاعليته تناول عقار "تاميفلو" الذى طورته شركة "روش" السويسرية ويستخدم حالياً على نطاق عالمى واسع للوقايه من أنفلونزا الطيور، وذلك لأن أحد المكونات الأساسية المستخدمة فى إنتاج ذلك العقار هو حمض "الشيمكيك" الذى يستخرج من قرن ثمرة "الينسون" ويترك عدة أسابيع ليتخمر. يذكر أن القارة الآسيوية تعد الموطن الرئيسى لنبات الينسون وتنتشر زراعته فى هونج كونج والصين ويقبل عليه مواطنو آسيا كأحد التوابل الرئيسية التى تكسب أطعمتهم مذاقا خاصا، كما يذكر أن أول حالة إصابة بمرض إنفلونزا الخنازير على مستوى آسيا ظهرت الخميس الماضي فى هونج كونج. ويحتوي اليانسون على زيت طيار وهو المكون الرئيسي ويحتل مركب الانيثول المركب الرئيسي في الزيت واستراجول وانايس الدهيد وكافيك اسد ومن مشتقاته كلوروجينك اسد، كما يحتوي على فلافوبذرات ومن اهمها ابجنين وزيوت دهنية، فهو يحتوي على زيت طيار 3% مادة انيثول وميثيل شانيكول من الزيت الطيار، وهرمون الاستروجين وزيت ثابت. وخصائص اليانسون الطبية أنه مهدئ للأعصاب، ومسكن للمغص والسعال، ومنشط للهضم ومدر للبول، ومفيد للولادة ولعملية إدرار اللبن. ويعتبر اليانسون من الأعشاب الجيدة في اخراج البلغم حيث يؤخذ ملء ملعقة صغيرة إلى ملعقتين وتجرش وتضاف إلى ملء كوب ماء سبق غليه ويترك لمدة ربع ساعة أو نحوها ثم يصفى ويشرب ويؤخذ كوب في الصباح وكوب آخر عند النوم. ومغلي الينسون مشروباً ساخناً يسكن المغص المعوي عند الرضع والأطفال والكبار كما ينفع في طرد الغازات، ويفيد في نوبات الربو، وبعض أنواع الصداع وضيق التنفس، ومنبه قوي للجهاز الهضمي وفاتح للشهية

اليانسون يحميك من أنفلونزا الخنازير أكد أطباء صينيون أن احتساء كوب واحد من الينسون الدافئ وليس...

um susu :

السلام عليكم ورحمة الله وبركاته كنزي: اهلا يا نوران يا قمر ، جزاك الله خيرا على المقالات الرائعة ، اخبار كوكي واحمد إن شاء الله تمام. إيجبتي ، محتاجة للدعاء، تسلم إيدكم، هبة / ام نادين: يمكن ما تعرفوني انا ام سوسو من العراق عمري 29 سنة وعندي ثلاث بنات سارة وسما ومينا ، نورتوا بيت الحب والإيمان ويشرفنا وجودكم بس لو سمحتوا استمروا معنا . هبة ام يوسف: انت فيييييييييييييييييييين ، بالي عندك كتير ياريت تدخلي وتطمنينا عليك يا روحي. انجي: احنا قولنالك اطلعي من جو الإكتئاب وفرفشي بس مش تسيبنا وتمشي كدة ، لا ابدا احنا مش راضين ، فينك يا قمر والله وحشتينا. مرمر: حمدا لله على سلامتك يا قمر وإن شاء الله تقضي وقت حلو مع اهلك. ام مريم : انت فين ، تعالي بقى. ام البنات : انت وعروس وعطر وزوجة مصرية وام يوسف مش موجودين ، لا ده كتير علينا ، الوزارة حتنهار . منى دموع: اخبارك ايه إن شاء الله روان تحسن نومها وبقت احسن ، ربنا يهديها ويحفظها من كل شر , وحشتيني. لميا: لسة انت في بيت اهل زوجك ولا ايه. توتة : احنا ما صدقنا انت رجعت ، اختفيت فين تاني. ماما زوزو: تعالي حني علينا وعوضينا غياب الاحباب يا ست الكل. فيميل: ما شاءالله عليك شطورة ، وست بيت خليكي كدة بس حاولي توازني بين الامور مش كله اكل في اكل ، اكتبلينا يومياتك في الترتيب والتنظيم بديتي في ايه ، علاقتك بربنا طورتيها ولا لسة ، ربنا ينور لك حياتك ويجعلك كالحور العين في عين زوجك. وربنا يسهل عليك الإمتحان. راجية (ام عبد الله): الحمد لله يا عيوني إحنا زينين ، انت شخبارج. حبيبة اوسو: انت كمان مختفية ، تعالي. رشا (ام خالد) : انت كمان انعديتي منهم وصايرة تغيبي كثير ، تعالي. كل القمرات: ام جميلة، كهرمانة، إيناس، ارجو عفو ربي (ام ادهم)، روني، رمال، وردة :ربنا يهدي زوجك، ميرو (انت فين وفين كلامك الحلو، اخبار شيكو)/ محبة الرسول: كأنك حتطلعي بقناة فتافيت (انت فين*) ام شهاب، نيرفانا، روشانا، هايا، كل القمرات الغائبات ربي يسعدكم ويحفظكم من كل شر. يومياتي: اليوم الحمد لله شاركت بمنتدى مجالس العلم (جزاك الله الف خير يا رانيا سبانيش)، وسجلت بحلقة تحفيظ سورة البقرة وفي نفس الحلقة المعلمة بتدي احكام التجويد، بجد يا بنات ما تفاوتوش الفرصة دي ، الفرصة جت لحد بيتنا يعني ما فيش حجة بنقول ما نقردش نروح للجامع ، المهم الدورة كل يوم سبت وثلاثاء الساعة الثامنة صباحا بتوقيت مصر. يعني الدورة لسة باولها واللي عاوز خلي يلحق . والمعلمة اسمها ام قصي. بعديها نظفت البيت كالعادة ، من الجو المترب والحر مضطرة كل يوم امسح البيت ، ربنا يعدي الفترة دي على خير، حميت البنات مرتين في اليوم من الحر وما فيش كهرباء وطنية من الظهر ، طبعا دلوقتي في كهرباء مولدة بس دي ما بتشغلش مكيفات ، ربنا يعينا على الحر.والحمد لله على كل حال. انا اسفة كل ساعة باقول حر ومافيش كهرباء بس بجد علشان تشكروا ربنا اكثر على النعمة دي. عملت اكل برغل بالشعرية والفطر وعملت جنبها شوربة عدس وسلطة وعيش محمص وامبارح عملت فتة باذنجان بالدجاج وكانت لذيذة والحمد لله. دي يومياتي . في امان الله

السلام عليكم ورحمة الله وبركاته كنزي: اهلا يا نوران يا قمر ، جزاك الله خيرا على المقالات...