عطر الشموع :

قولولي يا بنات هو مجالس العلماء ده لو اشتركت فيه لازم اسمع قدام حد؟؟؟ اصلي عندي انهيااااااااااااااار اني اسمع ادام حد ممكن اموت فيها معلش يا قمرات بسلم عليكم كلكم و هاجي بكره اصل جوزي اعلن العصيان المدني ههههههههههه وواقف يبصلي بعين قويه

قولولي يا بنات هو مجالس العلماء ده لو اشتركت فيه لازم اسمع قدام حد؟؟؟ اصلي عندي...

omyosef :

السلام عليكم ورحمة الله وبركاته وحشتوني كتييييييييييييير امبارح كنت عامله حملة تنضيف عميق جداااااااااااااااا بما اني فارشه الشقه موكيت بناء علي رغبة جوزي عشان خاطر الاولاد خايف عليهم من الخبطات والصدمات وطبعا تنضيفه مشكله لأنه النوع الي بيسموه مكرونه انا كنت الاول بجيب طبق كبير واحط فيه مايه وديتول وكمفورت واجيب المقشه من غير العصايه وامشي عليه كله بالديتول بس امبارح حطيت مايه علي ملح لمون كتيييييييير علي فيري شويه صغيرين علي ماء ورد وجبت فرشة البلاط وهاتك يا دعك بس طبعا ماغرقتش ماية اوي عشان ينشف كويس من غير كمكمه المهم بعد ما خلصت حسيت انه رجع جديد والحمد لله وكمان بنفس الخلطه نضفت الانتريه كويس جدا بس وفي الاخر فتحت الشباك والحمد لله الشمس عندي بتدخل كويس جدا وسبته مفتوح ودخلت نمت انا بعد الضهر ولما صحيت كان نشف وكمان غيرت نظام الشقه خالص ترتيب الانتريه والترابيزات وغيرت حاجات في اوضة النوم الحمد لله جوزي لما رجع قالي الشقه اتغيرت خالص وعملت امبارح فراخ مع رز معمر وخضار مشكل في الفرن وتبلت فرخه وشيلتها في التلاجه عشان النهارده وممكن اعمل ملوخيه ورز بشعريه عشان عندي شوربه المهم مش رضيت ادخل النت الصبح عشان مش بقدر امسك نفسي وبقعد كل شويه ادخل اقرا وبعد ما صحيت محمد مش اداني فرصه وكمان مش رضيت اضايقه لأننا فتحنا صفحه جديده وقولت اجرب الطاعه العمياء زي ما بيقولي ام سوسو يا حبيبتي تسلميلي يا عمري بس بجد انا شايله همك اوي في موضوع الكهربا طيب مش ينفع تبقوا تجيبوا مولد اكبر عشان يقعد معاكي ساعات اكتر ؟؟؟بجد الله يكون في عونكم ويصبركم ويجعلكم حل في الموضوع ده ومعلش ياحبيبتي كله بثوابه بصي يا قمر انا مش قولت اكل بايت بس هو الفراخ او اللحمه بس ممكن تكون مسلوقه وزي ما هي في الشوربه وتكون مثلا التسبيكه بتاعة الطبيخ معموله وجاهزه علي الاضافات وطبعا الرز لازم يكون بتاع اليوم نفسه والمكرونه في الفريزر بجد زي الصابحه بالظبط تخيلي احنا يوم الخميس صحيت متأخره وبجد نفعتني اوي فعلا انا حسيت أني اختصرت حاجات كتير ومنهم طبعا غسيل المواعين بتاع كل يوم طبيخ فهمتيني يا عمري رشا اخبارك ايه يا قمر برافو عليكي انك مستمره في موضوع السنن جزاكي الله خير مرمر حمدلله علي السلامه يا حبيبتي وعقبال ماتقومي بالسلامه يارب الرمال ما شاء الله مقالات حلوه اوي ربنا يباركلك اسماء تسلم ايديكم معلش يا حبيبتي نسيت ارحب بيكي معلش كنت مش مركزه الفتره الي فاتت بس ما شاء الله باين عليكي نشيطه وكمان انا بردوا عندي يوسف ومريم انتي ولادك اد ايه اسماء ام اروي ازيك يا حبيبتي واخبار اروي ايه دلوقتي يارب يتم شفاها ويفرحك بيها وبأخواتها وطبعا اهلا بيكي معانا يا جميل ده انتي واروي دايما في القلب ريهام معلش يا حبيبتي هو فعلا الرجاله كلهم كده وعمرنا ما هنغيرهم انتي عارفه انا وجوزي بقالنا فتره كبيره في مشاكل ومشادات محدش مستحمل من التاني كلمه وبعدين تخيلي لما يكون عندك طفلين الفرق بينهم سنه ونص ولسه مش بيتكلموا ومتغربه في بلد بعيد عن اهلك ويادوبك هي خروجه او اتنين كل اسبوع ولازم يتنكد عليكي فيهم ياما انتي مقصره في حاجه يا اما ولادك عملولو حاجه ضايقته تخيلي لما تكون الحياه ماشيه علي كده انك مهما تعملي مافيش تقدير او حتي كلمه حنينه والاستفزاز تقريبا طول ماهو في البيت وعلي فكره احنا متجوزين بعد قصة حب جامجه جدا بس طبعا بعد الجواز كل حاجه بتتغير المهم انا جربت كل الاسليب لتحسين العلاقه وفي الاخر قعدت مع نفسي ادور علي الخلل قلت طيب يمكن يكون ده احتبار من عند ربنا وكنت بدعي ليل ونهار والحمد لله وصلنا للغه جديده للتفاهم وربنا يهدي بس المهم انك ماتتوقعيش اي حاجه كويسه وماتستنيش انه يقدر ظروفك او الي بتعمليه عشانه صدقيني كده هترتاحي اكتر ولو حاجه ضايقتك طنشيييييي وممكن تنقوليله بأسلوب كويس وطبعا مش بطريقة عتاب خالص ربنا يصلحلك الحال يارب ام عبدالله ......... والله بحبك في الله والحمدلله ربنا اكرمني بنعم الاخت ألي دايما تسأل عني واحس حبها وخوفها علية في كل نصيحه او حاجه تقولهالي بجد يا بنتات ام عبدالله انسانه رائعه احسبها علي خير ولا ازكي علي الله احدا ربنا يديم بينا الحب في الله ويفرحها بولادها ويديها كل ماتتمني اللهم امين مني يا قمر بجد انا الي هتجنن واشوفك اصلا ربنا مايحرمني منك ومن حنيتك يارب ام البنات دودو وحشتيني مووووووووت يالا عايزين جرعة نشاط منك ومن ام سوسو تاني جي جي انا فرحانه عشانك اوي انك ابتديتي تخرجي وتخرجي يوسف ايوه كده يا بنتي حد يبقي في مصر ويقفل علي نفسه كده لا واسكندريه كمان انتي عارفه بأه .......... فيميل اخبارك ايه يا جميل واخبارك مع جوزك ايه دلوقتي يالا قوليلنا يومياتك ميوش عامله ايه يا قمر موضوع نمص الحواجب بصراحه انا بظبطهم علي خفيف لأن بردوا اخدت بالفتوي الي بتقول ممكن لو شكلهم وحش نشيل الي بيبقي شكله مكروه والنيه طبعا للزوج ايناس اخبارك ايه يا حبيبتي انتي في الكام دلوقتي واخبار اسماعيل ايه كنزي حمدلله علي السلامه يا قمر بجد النت ده مشكله لما بيفصل كان الدنيا كلها فصلت عروس يارب ترجعيلنا بالسلامه واشوف النهارده اخبار حلوه منك ماما زوزو وايجيبيتي ورشا ام خالد ولميا وهايا وروني وكموري وبوتا وميرو وايمان حبيبه وتوته ونانسي وزوجه مصريه وام سهيله وارجو عفو ربي ومادو رانيا اسبانيش ورحاب وكل الناس المختفيه انتوا فين وحشتوني اللهم إني أسألك نفسا مطمئنة تؤمن بلقائك وترضى بقضائك وتقنع بعطائك

السلام عليكم ورحمة الله وبركاته وحشتوني كتييييييييييييير امبارح كنت عامله حملة تنضيف عميق...

rasha12wa :

صباح الفل على كل البنات يومياتى الحمدلله تمام مستمرة على الرجيم الحمدلله وربنا معانا طبعا المية عندنا مبهدلانا خالص امبارح جيت من بره الساعة حوالى 10 والحمدلله لقيت المية موجودة وكانوا الولاد متعشين حميت خالد ومريم ولبستهم ودخلوا ناموا على طول وبعدين دخلت على المطبخ روقته وغسلت نصف المواعين لانى كنت ماشية لما تعبت فمقدرتش اقف خالص و الحمدلله الشقة عندى كانت متروقة وبعدين دخلت أخذت شور ونمت الساعة واحدة تقريبا صحيت الساعة 6 ولقيت المية لسة موجودة عملت الفطار والساندوتشات لزوجى وخالد وبعدين نزلوا وحطيت غسيل فى الغسالة وشغلتها ودخلت على المطبخ خلصت المواعين كلها وروقت الثلاجة وعملت الغدا اختراع بسيط كده جبت صينية وقطعت فيها بطاطس حلقات وبصل و جزر حلقات ورشة ملح وفلفل وزنجبيل وجبت اللحمة المفرومة تبلتها بملح وفلفل وبهارات وزنجبيل وبقدونس وعملتها زى الهمبرجر صغير ورصيتها على وش الصينية وان شاء الله هدخلها الفرن واعمل جنبها ارز بالشعرية وسلطة هقوم بقى أنشر الغسيل انام ساعة كده ودمتم

صباح الفل على كل البنات يومياتى الحمدلله تمام مستمرة على الرجيم الحمدلله وربنا معانا طبعا المية...

miro :

صباحو نادي لبن زبادي عليكو عليا انا بقى صباح النكد والغتاتة علشان تعرفي يا هدهودة (ام البنات) لما قلتلك انا اعرف انصح كويس اوي لما كنت بتكلم عن فيميل لكن على نفسي باب النجار متشال خالص مش مخلع بس انا زهقانة اوي ومخنوقة جوزي مش طايقني بيقولي وجودي في البيت زي عدمه يعني انا بالنسبه ليه عادي لا بيحبني ولا بيكرهني موجودة زي مش موجودة واتخانقنا ورجعنا تاني لنقطة البداية قبل مواضيع ليلي وسنينها يعني رجع ينام في الليفنج ومفيش بنا كلام غير الضروري وقرف كده وكل ده ليه بيقول انت مهتمه بالماديات وناسيه الحاجات المعنوية بيتك عشرة على عشرة والولاد عشرة على عشرة والاكل عشرة على عشرة واجباتك كلها تمام على قد ما بتقدري لكن انا فين يا نهار اسود هو فين اومال انا بعمل كل ده ليه ولمين بيقولي الرك على المعاملة ان انا بعاملة عادي وبنشفان ومعاملتي كلها معاه مش عاجباه انا بقولكوا كلامه لاني مش فاهمة هو عايز مني ايه بيقولي عايزك تبقى ست اومال انا ايه ست اشهر؟ بجد عايزاكوا تكلموني عن معاملة الزوج بالمواقف لاني مبقتش فاهمة ولا عارفة وخصوصا ماما زوزو وعروس مع حفظ الاعتبارات ليكوا كلكوا لكن رايهم انا عارفة انه هيفدنا كلنا مش انا بس انا مشكلتي غير فيميل مش البيت والنظافة ولا المعاملة مع الناس الحمد لله انا اجتماعية وكل الناس بتحبني الا معاه هو مش عارفة اعاملة ازاي؟؟؟ هتجنن خلاص انا شايفة اني بعاملة كويس هو بيقولي لا دي معاملة باردة وناشفة طب اعمل ايه؟

صباحو نادي لبن زبادي عليكو عليا انا بقى صباح النكد والغتاتة علشان تعرفي يا هدهودة (ام...

ام البنات المصرية :

السلام عليكم ورحمه الله وبركاته وحشتونى موت كل البنات اهلا وسهلا بيكو معنا اسماء ام اروى ربنا يارب يديكى جزاك الصابرين ويتتم شفاء بنت على خير ام يوسف حمد لله على الصلح وربنا يديم المحبه ريهام انا نقلت مقال جميل ليكى مخصوص يوم الخميس ارجعى اقريه وربنا يصلح الحال ام سوسو ازيك ياحلى ام سوشو كنزى واينى حمد على السلامه توته نورتى كنت خمنت انك ولدتى حمد لله على السلامه تسلم ايديكم واارمال وبوتا عاملين روح حلو فيميل الشطورة الحمد لله انك احسن وجربى الزيت والخل لو خلطيه على المياة محتطهوش مباشرة هيشيل القشرو ومش هيضرها ان شاء الله معلش الكمبيوتر فى البيت جوزى افتكس افتكاسه باز تانى الخميس فجرا الى فجر الاحد كان عندى اشغال شاقه قلبت البيت حته حته الحمد لله وكان معايا يوم السبت واحدة تسعادنى والحمد لله خلصت الساعه 2 ص امبارح بس غيرت فى البيت وخرجت المراتب للشمس وشيلت صحارات الاسرة ونظفت الى فيها وفوق الدولايب وجوة الدواليب والادراج والشبابيك الخارجيه والنجف والحوائط وانا كنت براجع نفسى ايه الحاجات الى بتسهل كركبه البيت طبعا جودى كانت بتفتح الى بطوله جبت نجار وقفلت كل الدرف القريبه ليها وغسلت كل الفازات او التحف وقفلت عليها وعملت ترتيب يقلل المجود البذول بس فيه مشكله يوم الخحميس فى الفجر قمت على عياط مكتوم لجودى هى بتنام مع اخويتها ويظهر خوفتها ايه هى متعود تتحرك اى وقت من عندها لعندى او لامكان فى البيت من غير خوف دلوقتى بتحى فى نفس الميعاد صريخ متواصل وبتخاف تروح اى مكان قعدت العب معها واقراء قراءن ولسه الحاله اعمل ايه الحسنه المخفيه من موضوع جودى انا بصلى الفجر 3 ايام وراء بعض الحد راجيه وارجو ومى وبلو روز وانجى وميرو زمادو وزوجه مصريه كل البنات صباح الفل

السلام عليكم ورحمه الله وبركاته وحشتونى موت كل البنات اهلا وسهلا بيكو معنا اسماء ام اروى ربنا...