rasha12wa :

صباح الخير عليكم جميعا ام البنات ....الف الف مبروك لنورهان وربنا يفرحك بيهم دائما تسلم ايديكم .... حمدلله على سلامة مريم وما تشوف شر ان شاء الله لا بئس طهور ان شاء الله وربنا يطمنك عليها دايما اصل انا عارفة الدور ده صعب قوى جيه لخالد ابنى وهو عنده سنة معلش مش بدخل كتير اصلى تعبانة شوية وكان طالع لى حبوب ورمة ومنتفخة فى الوجة وروحت لدكتورة جلدية قالتلى ده مرض اسمه الحزام النارى بيجى بالم جامد جدا وبيبقى مكانه عامل زى لون النار أعطتنى مسكن ومضاد حيوى ونوعيين كريم بخلطهم على بعض ومضاد للحساسية والحمدلله انى روحت للدكتورة على طول قبل ما يتفاقم المرض وربنا يستر ما يتطور لان مضاعفاته صعبة قوى ربنا يا رب ما يكتبة على حد ابدا ويشفينى ويشفى كل مريض الحمدلله الحمدلله الحمدلله

صباح الخير عليكم جميعا ام البنات ....الف الف مبروك لنورهان وربنا يفرحك بيهم دائما تسلم ايديكم...

omyosef :

اسماء حبيبتي الف سلامه علي مريم اللهم اشفيها شفاء لا يغادر سقما كلامك كله حلو اوي وفي جرعه للرجوع الي الله في كل شئ ربنا يكرمك يارب انتي عارفه ان يوسف هو رمز العفه عند الرجال ومريم رمز العفه عند النساء ........ يالا اتبسطي ايجيبتي صباح الفل ياقمر بما انك عايزه يومياتنا اقولك انا قومت النهارده 4 الفجر صليت وبعدين اكلت الكتاكيت الي صحيوا معايا يوسف ومريم وبعدين قعدت شويه علي النت ودخلت روقت المطبخ كان فيه كام طبق من باليل وعملت طريقه كيك تحفه هكتبهالكم وتبلت لحمه مفرومه للكفته وعملت اكل لمريم وبعدين غسلت الحمام غسله محترمه ونشرت غسيل وحميت يوسف لأنه نام من غير ما يستحمي امبارح وصحيت جوزي ولبس وحضرتله فطار خفيف وراح الشغل وطبعا كمية النرفزه عشان مش لقي سجاير مش عايزه اوصفهالكم اد ايه بس انا ولا هنا بااااااااااااااااارده ههههههههه بأت عندي مناعه مؤقته من النكد رشا ........ شوفتي فاكره لما كنت بقولك انا هعمل واسوي و و و تخيلي هو ألي كسب الجوله وقولت الم الدور احسن اعصابي مابقتش مستحمله بس اقولك دور امينه مع سي السيد ليه مميزاته بردوا جربي وانتي تعرفي هههههههه جي جي يا وحشه مالك مش معبراني ولا عشان يعني بقينا نخرج ونروح النادي خلاص مش بأيتي فاضيه لنا كهرمانه اخبارك ايه يا جميل قربتوا تسافروا ولا لسه ام سوسو تؤام روحي اخبارك ايه النهارده يارب تكون الكهربا ظبطت والله طول الوقت بفكر فيكم ربنا يعينكم يارب ايه رأيك بأه في حالة النشاط الي عندي ام نادين انا لو مكانك في حركة الجيلي ماكنتش مسكت نفسي وقبل التنضيف كنت فشيت غلي الاول بجد الاولاد عايزين اعصاب بارده بس مين يقدر بوتا يا قمر اخبارك ايه ربنا يعينك علي مهرجان الامتحانات الي عندك ويارب تنجحوا كلكم يا قمر مني انتي فين وحشتينا اوي عروس وحشتينااااااااااااااا المنتدي وحش جدا من غيرك يارب ترجعيلنا بسرعه يارب يابنات الي كلم عروس يطمنا ضروري رشا ام خالد الف سلامه عليكي يا قمر ابقي طمنينا وان شاء الله تخفي بسرعه ومش يكون فيه مضاعفات لميا كمان مختفيه هي فيييييييييييييييييين ؟؟؟؟؟؟؟؟؟؟؟ توته انتي فين جيتي وغيبتي تاني طمنينا يا هانم يالي غاويه قلق مي وهدي وكنزي وهايا وروني وريهام وميرووام عبدالله وكموري وكل البنات الي نسيتهم بصبح عليكم واحده واحده ان شاء الله دعائنا النهارده سبحانك اللهم وبحمدك اللهم اغفر لي

اسماء حبيبتي الف سلامه علي مريم اللهم اشفيها شفاء لا يغادر سقما كلامك كله حلو اوي وفي جرعه...

miro :

صباحو نادي لبن زبادي عليكو برضه بس عليا انا للاسف كنت نفسي افرحكوا لكن حصلي انتكاسه فظيعه لدرجة اني طول منا جاية في الطريق للشغل بعيط وخايفة اعمل حادثة لاني مكنتش شايفة قدامي من العياط كل النصايح اللي قلتهالك يا فيميل كنت محتجاها لنفسي عملت اكتر منك حالتي النفسية زي الزفت ومش طايقه نفسي وبفكر جديا اروح اقعد عند ماما لغاية ما ربنا يحلها من عنده امبارح رجعت البيت قالي انا هغير وانزل اشوف المتش قمت قلتله انا كمان عايزة اشوفة وفتحت المتش وقعدت اتفرج راح جاي قعد يتفرج معايا شوية قلت كويس عملت بنصايحكوا وجابت نتيجة وحاولت اشاركه في حاجة بيحبها المهم شوية وقالي انا نازل بقى قلتله اوكي وعملت نفسي مشغولة بالمتش ولما الاهلي كسب بعتله ماسج قلتله مبروك وبعدين قضيت يومي عادي ونمت مع شيكو وبعدين صحيت الساعة 12 ونص قلت اعمل المطبخ دخلت اعمله لقيته جه جايب معاه حاجات كنت طالباها وراح يصلحلي حاجة في العربية قلت كويس الموضوع ابتدي يهدى وبقى كويس فدخلت اخد شاور ولبست واتزوقت وقلت اروح اشوفه لقيته نايم في الليفنج برضه استنيت شوية ورحت اصحيه وقلتله انا حلمت حلم وحش وخايفة تمثيليه بصراحة المهم قعدت اتحايل عليه زي الهبلة واحاول معاه وهو رفض تام مش طايقني وفضل يقولي انا عايش معاكي علشان الولاد وبس خلاص بقى انا كرامتي وجعاني اوي انا اللي عملت كده في نفسي هو عنده حق ميطقنيش اذا كنت انا مش طايقه نفسي المهم مشكلته انه عايز يعيش مروق منغير وجع دماغ ويتفرغ لشغله ومذاكرته وبس واني اقدر كده ومطلبش حاجة وكمان ادلعه لكن هو مش هيدلعني لانه ادى كتير ومخدش فمعندوش حاجة تاني يديها بالذمة ده كلام

صباحو نادي لبن زبادي عليكو برضه بس عليا انا للاسف كنت نفسي افرحكوا لكن حصلي انتكاسه فظيعه لدرجة...

كهرمانة12 :

بنات حد عندو طريقة جديدة للفراخ انا عندي فراخ بانية بس مش عاوزة اعملها محمرة كدة وخلاص فيه اي طريقة بصوص مثلا ؟؟

بنات حد عندو طريقة جديدة للفراخ انا عندي فراخ بانية بس مش عاوزة اعملها محمرة كدة وخلاص فيه اي...