زوجة مصرية :

صباحكم حب وود وتفاهم وعمل صالح يقربنا إلى الل وحشتونى جدا وما غبتوش لحظة عن تفكيرى وكنت راجعة لكم بخطة عمل لقيت المود.... باشكر كل اللى سأل عليا وبارحب بكل الجداد ونورتونا آخر الجداد أسماء ما شاء الله المقالة بتاعة الاسلحة رائعة جدا والف سلامة على مريومتك أجر وعافية فيميل ...كنت باعرف اخبارك من سيادة رئيس الوزارء هدهود وكان نفسى اكون موجودة بس البنات كفوا ووفوا ويمكن دى مناسبة انى اقول لما نقرا حاجة معينة لازم نطبق وفقا لظروفنا التطبيق مهممممممممممممم بس مع شئ من التوازن ومع وضع ردود فعل سابقة للطرف التانى معايا كان هدفى الاساسى معاكى يا فيميل انك تفوقى لنفسك اولا مش خاالص ان تتخانقى معاه ولما توصلى لمرحلة الرضا عن نفسك نظرتك نفسها وشكل ردود افعالك هتختلف والكلام للعام مش لفيميل بس طبعا كلام رانيا سبانيش اجمل من الجمال وميرو السكر تحفة وروشانا ربنا يبارك لك يا جوجلنا على اجتهادك مع الملف كله عايزة اسلم على الكل بس والله مشغولة باعمل حاجات فى البيت ولازم انهيها فى فترة معينة لظروف معينة انجى.....مبسوطة اوى عشانك وعشان يويو انا فيه يوم نسيت الموبايل فى مكان غير اللى كنت نازلة فيه بس كنت حابة اطمن عليكم كلكم بجد يا بنات انا معايا نمرة عروسبس باتصل وفعلا بتدينى رسالة غريبة يظهر فعلا فيه رقم غلط كانت كلمتنى مرة من موبايل ابنها تفتكروا اكلمها عليه ولا يتخضوا؟ الملف من غيرك فاااااااارق جدا يا عروس ربنا يكرمها بالخير وتنورنا تانى أم يوسف ..كلامك جميل عن خطوات الدلع دى وبجد ربنا يبارك لك ويصلح لك الحال انتى وكل مسلم ومسلمة ميرو سؤالك يتكتب فيه كتب بس باختصار ومن رأى حد من الجبهة التانية" ما هى بقت حرب الظاهر" يعنى ايه أنوثة كل شئ فى المرأة يقول "أنا أنثى" طريقة كلامك،مشيتك،لبسك،صوتك،هواياتك،تعاملك مع اولادك،طريقة استقبالك لجوزك،صوتك ساعة الغضب،طريقة الغضب،تزويقك لأكلك،نوع البرفيوم بتاعك"لازم يكون حركات كده..حد فاهم حاجة؟"،نظراتك،شكلك وانتى بتاكلى،طلبك المساعدة منه عشان يااااى مش قادرة افتح علبة التونة دى ممكن تفتحهالى عشان ايدى مش جايبة؟ خلافاتك لما بتحكيهاله مثلا مع حد ف الشغل رقيقة كده ولا بتفتكرى انفعال اللحظة وصوتك يعلى...وغالبا هيعمل نفسه سامعك ويقولك ...يلا الشغل كله مشاكل انتى لازم تكونى محبوبة جدا على فكرة ف شغلك....حتى لو مش محبوبة...افسر اكتر؟ قعدتك ..قاعدة زى الرجالة كده ورجل على رجل بطريقتهم ولا قعدة الست الشيك رجل ورا رجل وانتى قاعدة ورجليكى مضمومة الوانك فى لبسك ف البيت "غامقة على طول ولا عندك البينك والاحمر والبيجامات الفراشات والدباديب...مطلوبة احيانا" الاكسسسوريز بتاعتك ..رقيقة كده ولا حاجات تقيلة وكئيبة و10 كيلو على صدرك لو من محبى الدهب"أنا لا بصراحة" عندك لازوردى ولا بتفضلى الدهب السك عشان السعر؟ عندك خلخال؟؟؟!!! الميك اب بتاعك مناسب لكل وقت الليل غير الصبح قاعدة ف البيت ابيض واسود ولا الوان؟ شعرك ..حتى لو سايح وناعم ،عاملة البونى تيل الاليم ولا بتروشى نفسك وعندك كوافيرة بتوزريها بانتظام دخولك ع النت كله اكل وتنظيف ولا برضه ليكى فى منتديات من نوعية ريجيم وازياء و...... ايه تانى الجزء الخاص جدا فى حياتكم ومن بعيد كده وعلى خفيف عشان الرقابة انتى أنثى ولا حجر؟ بتتفاعلى يعنى ولا نظام عايزة اقوم ارجع "كووووووووولنا بندفع تمن اننا اتربينا تربية محترمة" بتقولى بعدها انك حاسة انك متجوزة شهريار وشمشون ولا لا بتتصرفى بغباء وتستغلى الوقت ده ف الشكوى وانت زعلتنى لما حصل كذا ولا كذا الا دى يا بتات ما تقتلوش لحظات من اجمل لحظات الحياة عند زوجك خلينا نعدى من الرقابة شوية دايما بتستنى انه هو يلح عليكى ولا برضه احيانا بتكونى "أنثى جاااااااااااااامحة...وافهموا انتوا" الموضوع كبير ومحتاج الكثيييييييييييير من ضبط النفس والتمثيل مضطرين نمثل بس بعد شوية هنصدق وهيكون طبع مش تطبع مثل لسيدة رائعة شفتها فى بدايات حياتى " كنت ف ثانوى" وقلت ...ان شاء الله هكون زيها المهنة: طبيبة ناجحة جدا وعضو هيئة تدريس ف الجامعة وزوجها زميلها الاولاد:اربع بنات وولد السن:اربعينات" بنتها كانت معايا ف ثانوى" اللى لفت نظرى ...ليست جميلة..بل هى اقرب للقبح..والجملة دى لها سبب بناتها: متفوقات وجداااااااا دراسيا" حاليا الجميع طبيبات والولد مهندس" البنات كل واحدة كان عندها هواية اخدتها من الام وااحدة بتعزف بيانو، التانية تجيد الخياطة، التالتة فظييييييييعة فى الليسيه ..اقل ما تعمله مفارش سرير...وهكذا الزوج سافر للتدريس ف جامعة عربية اكبر البنات كانت ثانوية عامة، وصغراهم تالتة ابتدائى جميع البنات كانو بيتميزوا بالثقة الشديدة فى النفس والاعتماد على النفس ، فى زمن ما قبل الفضائيات والنت"عجووووزة انا " وكلهم على اقل قدر تتخيلوه من الجمال الام اخدت اجازة اسبوع فى منتصف العام الدراسى لاولادها..وسافرت للزوج بالصدفة قابلتها انا ووالدتى فى احد المحال قبل سفرها وكانت معنا اختى اللى على وشك الجواز وبنجهز لها كانت فين؟...ف ركن اللانجريهات ..ما قدرتش ما اتابعهاش ..اشترت حاجات ..اختى العروسة وقتها ما اقتنعتش تشتريها عشان دى حاجات " قلة أدب!!!!" لفت نظرى وقتها حفاظها الشديد جدا على قوامها...ريحة البرفيوم اللى كانت سبقاها...ومش قادرة انسى شكل السابوه اللى كانت لابساه حاجة كده آخررررررررر دلع بنتها زميلتى ف الدراسة..باستمرار ف البريك الكبيرة بتاعتنا ف ايديها علبة كريم وشغالة تدهن ايديها ...وخلينا نقف عند الكريم ومش هقول الروجات والحاجات التانية والكريم ده " بتعمله ماما" ولازم تتأكد اننا حطينا منه قبل ما ننام ماما عندها النهاردة الكوافيرة ف البيت بتعملها باديكير الست اللى بتنضف لنا بتعمل بتشتغل لماما القمصان بتاعتها باللولى والخرز . . . فهمتوا حاجة؟ عاااااااالم واسع جدا من الأنوثة ف كل تفاصيله سابت شغلها وعيادتها وبناتها اللى فى مرحلة حاسمة وسافرت لجوزها...بس عشان وحشها بس عشان ف التليفون قالها مخنوق بناتها نفسهم كانوا بيهزروا معاها بكده ويحكوا عن دلعها لزوجها ارجع تانى واقول ما كانتش جميلة...وكانت ناجحة جدا ف حياتها وشغلها...بس ما نسيتش انها انثى دكتورة ولا استاذة جامعة ولا ولا.... لما بيتجوزوونا بيكونوا عايزين "أنثى ف حياتهم مش واحد صاحبهم فاضل يدخل الصبح وراه يحلق دقنه!!!!!!!!!!!!!1 واوعى يا اى حد تقولى ما اعرفش اعمل كده يمكن اتكسرنا وشلنا فوق طاقتنا كإناث بس ببساطة ارجعى ست اوىىىىىىىىىىىىىىى يرجعلك عشرين راجل ف بعض كفاية غلاسة كده يمكن ارجع تانى والله بحبكم كلكم جدا جدا

صباحكم حب وود وتفاهم وعمل صالح يقربنا إلى الل وحشتونى جدا وما غبتوش لحظة عن تفكيرى وكنت راجعة...

miro :

ادعولي يا جماعة في حاجة خايفة منها اوي ادعولي يطلع خير ويعدي على خير انا خايفة

ادعولي يا جماعة في حاجة خايفة منها اوي ادعولي يطلع خير ويعدي على خير انا خايفة