انجى

الله يعينك على يويو

بس هقولك لنل صحيح لسة جديدة فى عالم الامومة بس مرمر موريانى الويل شقية موت وشكلها لما تكبر هتبقى خليفة يوسف فى الملاعب

بصى لما يعمل حاجة غلط عاقبية عقاب نهائى يعنى متخليهوش يضحك عليكى وخاصمية ومتصالحيهوش الا لما تحسي انه حس بغلطة وبيعتذر وندمان
بس خدى بالك هيكرر الغلط تانى لانهم لسة صغيريييييين وموش فاهمين بس اوعى تضربية ابدا

احرمية من الفسحة لانه غلط حتى لو غلط اول الاسبوع والفسحة اخر الاسبوع وحسيتى انه نص الاسبةوع بقى كويس بس برضة مفيش خروج عشان ميفتكرش انها زى مبيقولوعلقة تفوت ولا حديموت وخليكى حازمة يعنى انتى قلتى مفيش خروج يبقى مفيش خروج حتى لو اتعدل انت بتتعاقب على غلطة سابقة ولما احس انك بقيت مؤدب هبقى اشوف

وربنا يعينك


رشا

الف سلامة على خالوووووووووود والحمدلله ان الدكتورة طمنتك

نرمو

اهلا بيكى معانا

انا زينة من مصر كنت مقيمة بالرياض ونزلت اجازة للولادة وعندى مريم سنة ونص وانا حامل بنص السادس

ام يوسف الحمد لله اننا اطمنا عليكي وربنا يهدي الحال دايما ومبروك يا قمر عالموبايل الجديد وان شاء الله اول لما اشحن اكلمك عشان اسمع صوتك في الموبايل الجدي

ريهام ربنا يهدي الحال انت كوني طبيعيه معاه واتعملي معاه كويس عشان اول لما يراجع نفسه يقدر يتكلم متقفليش عليه كل الطرق عشان ميحسش انه لو اتكلم واغير رايه كانه اتنازل عن كرامته

nermo منوره وبعد كده التجمع هنسميه امهات يوسف ماشاء الله بقينا كتير عندنا يوسف ربنا يخليهوملنا ويباركلنا فيهم وبخصوص الحمام معلش هي فتره وتعدي ان شاء الله بس استحملي ومش تلبسيه تاني لانه خلاص من سنتين لازم يتمرن

اسكتوا ياجماعة عاوزة اضحكوا انا بحب الابتكارات والاطباق الجديدة في المطبخ وجربت حاجات كتييييير من النت والحمد لله كله طلع جميل جدا حلو وحادق اتعلمت من النت كتير يعني يوم الخميس مكنتش عارفة اعمل اكل ايه بقلب كدة لقيت اكلة صينية بالفراخ البانية وبتاع قلت خليني اجرب بس كان فيه حاجة من بعيييييييييييييد بتقولي بلاش وانا اقول هعملها يعمي هعملها
انا عملتها من هنا وكان هيغما علي من هنا بسبب الريحة سبحان الله نفس المكونات اللي بنعملها في اكلنا بالظبط بصل وثوم وفلفل رومي وجزر وشوية خل وبتاع بس هل التكنيك هو اللي خلااها صيني؟؟تفتكروا!!!!!!!
انا كنت شامة نفس الريحة اللي بتدخلي من شباك المطبخ واقوم قافلااه بسرعة ونفس الريحة اللي بشمها في المطاعم بتاعنهم وفي الاكشاك الي بتبقي في المولات وبجريييييي اوي مابشمها واقول ياستار بياكلوا الحاجات دي ازاي
بس الغريبة ومن ستر ربنا انها عجبت جوزي واكل منها بالهنا والشفا وحبيبة ياعيني متقدرش تعترض والا هتلاقي وش تاني انا بقي سبت نفسي لما جعت خاااااااااااااالص واضطريت اكل والجعان بياكل اي حاجة وخلاص غصبت علي نفسي والله ومقدرتش اكمل
ودي كانت اسؤا تطبيق عملته في حياتي من النت اول واخر مرة الحمد لله

ريهام....بقولك ايه ابعتلك طبق فراخ صيني توديه لحماتك في طرد؟؟؟اول ماتفتحه وتشم الريحة مقولكيش علي الي هيحصل هاهاها

ام مريم حمد الله عالسلامه وان شاء الله تقوميلنا بالسلامه ايه معادك علي امتي

انجي يا حبيبتي معلش حاولي مخديش الموضوع كده علي اعصابك حاولي تغيري فعلا في العقاب وبس لكن مفيش حاجه في ايدك هي فتره بيكونوا فيها حسين ان هما كبوا ولسه تفكيرهم مش اوي امال هنعمل ايه في المراهقه اجمدي كده ومعلش يا حميل

عروس يا قمر مستنياكي وحشاني نانو هتخلص بكره وهتقعدلي يالا ربنا يهون واخبار عمر ايه

ام سوسو ازيك وازي البنات قوليلي البنات خدوا ايه النهارده وبكره برضه قوليلي عشان نانو تداوم من الثلاثاء ان شاء الله

ريهام....معلش يا بنتى اعملى زى ما البنات قالولك...واهم حاجة الصدقة وسورة البقرةواكثرى من الدعاء
ومعلش حاضيف اضافة صغيرة على الموضوع......زى ما قاقلولك دا جوزك ولازم تحافظى عليه باى طريقة ...وبعدين يا حبى "ان كيدهن عظيم"....شغلى دماغك...اعرفى ازاى تلاعبى الاتنين وتكسبيهم"جوزك وحماتك" فى نفس الوقت......معلش تعالى على نفسك حتى لو كنت عايزة تولعى فيها ....اتزليلها بكام هدية تكون حاجة هى بتحبها او نفسها فيها....هى الاول قبل جوزك....."لان واضح ان تاثيرها عليه كبير ...فمهما عمات معاه هى حتبوظ الدنيا"
ادخلى عليها هى الاول وفهميهم يا ستى ان انت قابلة الاتفاق ..وانك نادمانة اشد الندم ومش حتتنمردى تانى...انا عارفة ان الكلام اللى بقوله عمليا صعب ....ولكن كل ما كرامتك تنقح عليك ....افتكرى انك بتضحكى عليهم هم الاتنين وانك انت الكسبانة فى الاخر...اعتبرى نفسك يا ستى رافت الهجان قاعد فى وسط اليهود"
المهم افضلى كده لحد ما حماتك تهدى من ناحيتك وتبطل تقوم جوزك عليكى
اما بقى بالنسبة لجوزك....لاعبيه زى القط والفار....هو اول واحد مش حيقدر ينفذ الاتفاق اللى هو بيقول عليه "حطى فى دماغك ان الرجالة اضعف من الستات فى مسائل معينة...وانت ادرى بجوزك حسسيه ان انت موافقة على الاتفاق برضه"بس فى المدة اللى هو مقاطعك فيها اعملى نيو لوك ...انا عارفة من كلامك ويومياتك ما شاء الله ان انت مش مقصرة.....
اللىانا اقصده...لو شعرك اسود...غيرى لونه للون افتح لايق عليكى بس المهم انه يبان انك غيرتى فى لون شعرك ...غيرى القصة....وفرصة وهو مقاطعك كده ...ان شعرك على طول يبقى على سنجة عشرة....لبس جديد يختلف فى الاستايل عن اللى عندك
اه...الاوضة اللى بينام فيها ...غرقيله الاوضة بيرفيوم هو كان بيحبو عليكى...وباذات المخدة....
وبعديها بشوية.... سيبيله وردة حمرا على المخدة وجنبها حتة شوكولاتة صغيرة هو يكون بيحبها....واستمرى فى موضوع البيرفيوم
بعد كده ...اكلة يكون بيحبها اوى..حطيها فى طبق واعملى سيرفيس زى الفنادق...على تربيزة صغيرة على جنب...وشمعتين حلوين...ورشى ورد على التربيزة ...وكرسى واحد ومش تقعدى معاه ...لو نده عليكى خير وبركة ...لو قاللك شيللى الاكل ....قوليله مش قدرت اكلها من غيرك ...وانا مش حاقعد معاك لو حتضايق منى.....وطبعا تكونى مدلعة على الاخر
حاولى تكونى صاحية لما يرجع بليل ونيمى محمد....حطى فى البانيو شاور وورد مجففورايح عطرية اهمها اللافندر علشان مهدىء للاعصاب ...واعملى نفسك داخلة تاخدى شاور...ولما تشوفيه....اعرضى عليه ان يدخل هو بداللك علشان هو جى تعبان....واعمليله مساج وشوفى الامور حتوصل بيكى لفين...
وانت وشطارتك بقى وكترى من الحركات دى الاغراء اللى من بعيد لبعيد فى الاول علشان تحطمى مقاومته....لان زى ما قولتلك الرجالة ضعاف من الناحية دى ربنا خلقهم كده....وانت كمان ادرى بجوزك...يارب يهديهوللك