ورده مفتحه :

ام يوسف و عين شكرا علي سؤالكم بعد مهاترات و افتراءات كتيررررررررررررر اوي وصلنا اننا هنعيش علشان نربي محمد هو هيصرف و يشتري الطلبات بس مش هياكل معانا و لا هيعيش معانا و هييجي علي النوم علي الفجر كده و هينام في غرفه منفصله ( ده اللي هو عاوزه و طبعا بزن علي ودانه من ست الحسن و الجمال علشان يضغطوا عليا لاقصي درجه علشان احمد ربنا علي عيشه الذل اللي انا اتنمردت و اشتكيت منها )

ام يوسف و عين شكرا علي سؤالكم بعد مهاترات و افتراءات كتيررررررررررررر اوي وصلنا اننا هنعيش...

omyosef :

لا للنكد ايه رأيكم في الشعر ده يا ستات ايوه ستات مش احنا بردوا ستات انا بأه رفعت الشعار ده بقالي 10 ايام لا للنكد ثم لا للنكد ثم لا للنكد حتي لو جه لحد عندنا وغلس ومارضيش يمشي وضايقنا بكل الطرق بردوا هنقول لا للنكد انتو عارفين كتاب صديقي لا تأكل نفسك اول فقره اثرت فيه اوي منه هو لما الحزن جه لعبدالوهاب مطاوع وهو رفض تنه يستسلمله رغم انه كان مئهل نفسيا ليه نتيجة مشاكل وضغوط الحياه انا بعد ما قريت قلت انا كمان هطبق الفكره دي اني ارفض استقبال الحزن والنكد تصدقو أني والحمدلله نجحت رغم ان كل يوم كان فيه اكتر من6 7 8 10 اسباب يجيبو احباط وزعل ونكد بس انا كنت مركزه اوي اني مزعلش انا وجوزي كنا وصلنا لمرحله وحشه اوي مش هاممنا زعل بعض ولغة الحوار بينا منعدمه وحاجات كتير وحشه اول حاجه اتحديت نفسي اني اصلح العلاقه واقضي علي الاسباب الي بتجيب مشاكل وقبل ده كله كنت متأكده ان فيه خلل معين في حياتي وفعلا البعد عن الله يعني مثلا بقالي كتير جدا مش كنت قريت قرءان حتي الام بي ثري الوصله بتاعتها اتقطعت وكسلت اجيب وصله تانيه وحاجات تانيه صغيره بس انا واثقه ان كل دي اسباب للحاله ألي كنا فيها وطبعا الصدقه كنا مقصرين اوي طيب ابتديت اني اتكلم معاه وافضفض عشان لما ابتدي صفحه جديده اكون فعلا ناسيه الي فات وتخيلو في الاول ماكانش متقبل فكرة اننا نتعاتب في اي حاجه بالعكس كان ولا فارق معاه بس الحمدلله عرفت ادخله من مدخل مناسب وبطريقة ان دي اخر مره نتكلم فيها عن مشاكل واتفقنا كالعاده علي خطوط عريضه للحياه وقواعد نمشي عليها بس هو طبعا استغل فرصة اني انا ألي بدأت بالصلح وفرض شروطه اولها ((((( الطاعه العمياء )))))) المهم بعدها انا اتغيرت تماما مهما عمل ماكنتش بزعل وانسي نفسي واقول مش مهم يعرف غلطه وعديها عشان الحياه ترجع زي الاول كمان لما كنا زعلانين كنت مش بقوم معاه الصبح رغم اني ساعات كنت ببقي صاحيه بس كنت بعتبر ده عقاب وطبعا كنت غلطانه لأني كده كنت بعوده تدريجيا علي بعدي وانه مش فارق معايا وانه مش مهم غيرت كل ده بأه يصحي يلاقي لبسه كله جاهز حتي الشوز متلمع واحضرله فطار سريع وافضل معاه وهو بيلبس والبيرفيوم لازم انا الي احطهوله وكمان لما اجي اصحيه هو مش بيصحي بسهوله كنت الاول بزهأ بسرعه واقعد اقوله يالا مش هاجي تاني وكده دلوقتي الاسلوب اختلف تماما وطولت بالي علي الاخر وكفايه انه بيصح مبسوط اني بصحيه حاولت الفتره الي فاتت اني مش اتكلم عن مشاكل او قلق الولاد وكده معاه بالعكس كل كلامي كان مثلا موقف يضحك عملوه او حركه جديده اتعلموها وكمان كنت بنيمهم كتير وهو في البيت قلت مش مهم مؤقتا لحد ما الوضع يهدي وطبعا كانو بيصحولي بدري واتدبس انا معاهم بس طبعا ارحم من النكد كان مره راجع تعبان من الشغل وبيقول رجلي مش قادر اقف عليها رحت جبت طبق كبير وحطيت فيه مايه دافيه وملح ومارست دور نفيسه مع سي حنفي والله العظيم كان مبسوط بشكل لأن كمان الولاد كانوا صاحيين بس قعدت روما في المشايه ويوسف كان ماسك رجل وانا رجل هههههههههههه يعني حسسته ان الولاد مش عبأ علينا ولا حاجه ممكن الحياه تمشي عادي اوي طول الاسبوع بأه دلع وحركات وهزار في موقف مش متوقع أني مازعلش منه والحمد لله عدي الاسبوع من غير ولا مشكله وكمان خرجنا يوم الخميس راح جابلي موبايل وبعدين طلعنا البر مع الجروب الي في الرياض وشوينا وكان يوم حلو اوي بس طبعا جوزي ما يقدرش يسيبني في حالي امبارح روحنا نجيب طلبات البيت ودخلنا الهايبر ومريم ابتدت عياط وحلفت ما تسكت عشان بتطلع السنان الي فوق المهم انا كنت بشيلها شويه وهو طبعا كان ماشي بعيد عني كأني انا الي بعيط مش بنته المهم نيمتها في عربيتها بالعافيه طبعا من غير مااتكلم معاه واحسسه أني مخنوقه وفي الاخر وهو بيحاسب قلتله هخرج استناك بره لحد ما تخلص يعني في نفس المول وبعد ما خلص فضل يتصل بيه وانا مش سمعت مع اني كنت قريبه منه جدا وبعدين لما شافني راح مزعق قدام الناس كلها وقالي ايه مش سامعه الموبايل تخيلوا شكلي بأه والله الناس كلها سمعته وفضلو يبصو علينا انا مش كلمته خالص وفضلت ساكته واحنا راجعين يتكلم مااردش الا لو حاجه مهمه عايزينها او كده بس الصبح تقريبا فكيت شويه وهو طبعا عارف هو عمل ايه بس مكسوف يفتح الموضوع ان شاء الله ناويه لما ييجي انهي الموضوع واعاتبه باسلوب هادي من غير مااكون حتي مكشره عشان الموقف ده ما يتكررش تاني بس انا حبيت اقولكم ان الحياه في ايدينا نقدر نتعامل معاها زي مااحنا عوزين ونحب لكن لو مافكرناش في كل كلمه وتصرف يبقي الشيطان هيلقي مداخل كتير لينا وكمان مهم اوي نتحكم في رد فعلنا مع كل حاجه تضايق لازم الصبر ثم الصبر ثم الصبر وبلاش نفكر نفسنا دايما اننا ضحيه وشايلين مشئوليه كبيره والاولاد تاعبينا اوكي احنا كده بس هو ده الجواز وهي دي البمسئوليه ولازم نتحملها وطبعا نبص للي اقل مننا ونقول الحمد لله من قلبنا ونترجم الحمد بأفعالنا وتصرفاتنا ريهام حبيبتي حاولي تصلحي علاقتك بحماتك عشان دي هتفرق اوي مع جوزك وحاولي تكسبيها في صفك بس مش ضد ابنها يعني خليها تحبك من غير ما تحكيليها اي مشاكل ودايما اشكري في جوزك وتقولي مميزاته وكده واحده واحده هتلاقي العلاقه اتحسنت معلش حتي لو انتي زعلانه منها حاولي تنسي كل المشاكل وقولي انا هحتسب كل حاجه لربنا واتعاملي علي الاساس ده وورينا بأه هتتعاملي مع ربنا ازاي الفتره الي جايه

لا للنكد ايه رأيكم في الشعر ده يا ستات ايوه ستات مش احنا بردوا ستات انا بأه رفعت الشعار ده...

حبيبه اوسو :

السلام عليكم عاملين ايه بسرعه كده امبارح عملت بيتزا بس بصراحه العجينه كانت جاهزه وطلعت جميله اوى وفى نفس الوقت جبت عيش بلدى وفتحته دائرتين وحطتيتهم فى صنيه وعليهم كل محتويات البيتزا الصلصه والبسطرمه والجبنه الرومى وشيدر وفلفل اخضر وطماطم مقطعه صغيره وبيضه مضروبه وزوت البيض شويه عشان مينشفش فى الفرن ولمده 10 دقايق فى الفرن كان رائع بجد وجديد وبيتزا فى السريع المريع على راى ميرو بس انا بقا نسيت احط زيت فى الصنيه من تحت فطبعا لزق شويه انتو ابقو خدو بالكم ورده مفتحه ربنا يصلح لكم الحال ومعنتيش تحكى لحماتك اى حاجه اختارى حد قريب ليكى فضفضى معاه ويكون قريب ليكى وبس خلاص بصدق يا بنات لما اتكلم وافضفض حتى يمكن المشكله مش بتتحل اوى بس بشعر انى احسن النهر لما منسوبه بيعلى محتاج مكان يصب فيه لو ملقاش ---- بيفيض والمنيو بتاعك رائع بس بتجيبو سبانخ منين ولا مجمده وبعدين مش هتقولى بقا انتى منين يا بلدياتى؟ ام البنات بعتلك على الخاص ام سوسو يارب تكون قريبتك بخير وبصحه جيده رشا ربنا يشفى خالد شفاءا لا يغادر سقما يابنات فين المنهج الى هنمشى عليه كلنا؟ ولا يمكن تكونو كتبتو وانا مش واخده بالى على العموم انا هكتب شويه وانتو كملو عليه الاستيقاظ على الفجر+الاذكار ننام+الاستيقاظ ( اقول الشهاده واحمد الله على نعمه واسميها وادعى شويه )لصلاه الضحى+صلاه الظهر+صفحتين قرءان تشغيل سوره البقره شغل البيت وانا بسمع القرءان+اى ماسك للشعر او البشره او سكرب اصلى العصر+حفظ او مراجعه الى احنا حافظينه لمده ربع ساعه وانا لسه على السجاده ومقمتش ولانه منهج متكامل فحبيت ان كلنا قبل مانفطر نشرب المشروب الى ام سوسو قالت عليه لتخسيس البطن(نعناع+شاى اخضر+جنزبيل+كمون+معلقه عسل)وممكن قبل الفطار بلع فص توم يكون مقطوع طرفه بالسكين شويه وعلى فكره مش بيعمل اى ريحه وبيدى مناعه على فكره المحفظه قالت اننا لو توقفنا عن الحفظ لاى سبب يبقى منوقفش المراجعه عشان مننساش ونعتبرها فتره كويسه لمراجعه الحفظ لاننا عاهدنا الله على حفظ القرءان فلازم نحافظ على العهد بينا وبين الله ياريت تتفاعلو عشان انا كمان عاوزه امشى على النظام دا معاكم ولسه مفكرتش فى باقى اليوم باقى البنات المختفين تعالو طمنونا عليكم انجى باينك زهقتى منى امبارح فيميل بتشوفى فين ابراهيم الفقى انا عاوزه برامجه ضرورى؟ الثقه بالنفس انك تقنعى نفسك ببالمميزات الى فيكى وتردديها وتصدقيهاومتقوليش بعد كلمه انا حاجه سلبيه يعنى انا اشطر ست بيت فى العالم واجمل واحده واحسن زوجه وكمان لما تعدى مع اى حد لاتزكرى عيوبك لاى حد حتى جوزك دارى عيوبك عن الناس وانتى بتتكلمى اظهرى المميزات الى عندك واهتمامك ببيتك واولادك وجوزك وانك مسيطره على البيت والولاد هتلاقى نفسك بعد شويه صدقتى وبقيتى كدا فعلا ان شاء الله واى حد يبغت لك رساله سلبيه فورا تردى عليها برساله ايجابيه جوزك الولد شقى جدا ---- تردى بالعكس دا ماشاء الله عليه شاطر وذكى وهيبقى حاجه كويسه لما يكبر شكل لبسك وحش-------ايه انتى اول واحده تقول كدا بالعكس دا جميل جدا ولايق عليا قوى وبعدين دا عاجبنى وشيك طبعا دى امثله وهبقى ارجع اكملك حكايه الدايرتين احنا اخدناها فى علم النفس بس شويه كدا عشان عاوزه تركيز اللهم فك كرب المكروبين واغفرلموتى المسلمين متنسوش كل يوم ندعى لحد من الى بنحبهم دعاء مخصوص +ندعى لحد ميت عزيز علينا سبحانك اللهم وبحمدك اشهد ان لا اله الا انت استغفرك واتوب اليك

السلام عليكم عاملين ايه بسرعه كده امبارح عملت بيتزا بس بصراحه العجينه كانت جاهزه وطلعت جميله اوى...