السلام عليكم جميعا

فى كذا حاجة نفسي اتكلم فيها من اللى قولتوه بس مش عندى وقت ولا مزاج اليومين دول ربنا ييسر الحال


ام سوسو
جزاكى الله خيرا على الدعاء ولكى المثل ان شاء الله

شايفاكوا بتتكلموا على الرز بالبن على السريع كده هاقولكم سر رز بلبن المالكى انا بعمله بيطلع شبه لحد كبيييير

كوب صغير رز قولى 3 معالق اكل رز انقعية فى مية من باليل

الصبح تحطية على نار هادية مع كوب صغير ماء على النار وفى الاثناء دى تغلى كيلو لبن ومعاهم فص او اتنين مستكة وسكر على كيفك يغلى تضيفية على الرز وتقلبى كويس وتحطية على شياطتين ولا حاجة وتوطى وتسيبية لما يتقل مش بحتاج اضيف نشا هو اللبن بيتكثف ويقل ويتقل لوحدة

جربوة وادعولى وماتنسوش المستكة السر كله فيه بإذن الله وكمان اساسى يكون اللبن طبيعى كامل الدسم مش بتاع العلب ده

السلام عليكم

ازيكم يابنات عاملين اية وحشتوني كتير

حاسة اني فاتني كتير ومش ملاحقة اقراء الي فات يوم الخميس والجمعه خرجنا وروحنا يوم الجمعه حديقة الحيوان والولاد

اتبسطو قوي وانا كمان سبحان الله بحب اتفرج عليهم ومابزهقش الجو هنا من يوم الخميس حر جداجدا

درجة الحرارة يوم الجمعه كانت 47 ربنا يستر من يوم السبت انا وجوزي تعابينين جدا وعندنا صداع مش بيروح واحمد كمان

عندة برد كوكي كان اخر امتحان عندها امبارح والحمد لله كدة خلصت وبدائت الاجازة من النهاردة

السلام عليكم ورحمه الله وبركاته
عروس ازيك ياجميل انتى الى وحشتنى ربنا يخليكى ماتعرفيش مكالمتك ليه اسعتدنى قد ايه

وفى مصر الموضوع من زمان مش من دلوقتى بس كان قليل انا لسه ضربه اثنين قبل كدة اخرها كنت راجعه من عند بابا قريب وراكبه ميكروباص وراجعة البيت ومفحومه من العياط وبفكر فى حال بابا وفجاء لقيت حرف جاكت على رجلى وقلت منين الجاكت ولقيت الى جانبى سن 20 تقريا حط الجاكت علشان يحط ايده على رجلى من تحت الجاكت ادته قلمين على وشه وكان نفسى اقطعه حتت بس الناس الى بقت غريبه خلاص يامداميعنى انا الى رد فعلى اوفر يعنى الوقت مش متاخر ومش لابسه ملفت ومش حاطه ميكب وبعيط ومناخيرى بقت 3فى 1 من العياط وعنيه ورمه العيب فى ايه العيب فى البرود الى فى الناس ولا البعد عن الدين ولا الاعلام الفاحش
والحديث بتاع القابض على دينه كالقابض على الجمر بابا الله يعافيه علمهونى من وانا عندى 9 سنين او 8 وكنت اقوله ازاى يعنى دلوقتى بعد 30 سنه فهمته جدا
مرمر ربنا يرزقك بولادة سهله انا ربنا انعم عليا فى نورهان وكان اول حمل بولادة ميسرة وفى جودى قيصرى بس والحمد لله يومين وكنت زى الحصان وبمارس حياتى ربنا ييسر ليكى الخير انتى وتوته المختفيه .
انجى طبعا متسلميش ولا تسالى على عامه الشعب الى زى مى ميرسى ياهانم
قرة عين زوجها انا معاكى فى التحدى
ام يوسف انا هنقلك وزارة العلاقات العامه ما شاء الله عليكى تعارفوا تحابوا وديه احلىحاجه فى الدنيا
راجيه عفو ربى اخبارك ايه
رشا روشانا الف شكر ليكى على الاهتمام وانا نفسى اعمل زيك فى موضوع الكمامه وقريب هبتدى بس مستنيه اشترى انا حاليا بستعمل المناديل المبلله وبحطها على الانف فى الزحام
الرمال الى كانت بتكلم على لبس البنات او حد تانى بما انا بناتى 17/15 انا بلبس بدى كارينا على شميس او تونك فوق الركبه يعنى بحاول البسهم الى هما عاوزينه من غير ابتزال
ام سوسو انا جبت الصور هحملها وابعثها
هايا اخبارك ايه بالاش تحطى اللحمه فى الثلاجه وبعدين تخريجها للتقطيع وترجع تانى تعالى على نفسك وجهزى وشيلى على طول لاننها بعد ماتجمد وتفك بيجلها بكتريا
منى وايناس اخباركم ايه ومى وحشتنى افتكارتك امبارح كنت عامله الشابه الروشه ولبست كعب 7 سم ورجعت مش قادرة ادوس على رجلى صعب عليا نفسى بعد ماخذت شوز من اختى الى فى الجامعه ارجع به من عند بابا وقلت مش هلبش كد تانى وعلشان محسش بالياس والسن كان عندى جيب بليسه من 8 سنين رحت لبستها على بدى كنت بخرج بيه روش وشلته لانه كان حلو وبيلفت النظر فى البيت المهم اضطرت اشفط بطنى علشان الجيبه كانت ماسكه وبعد ما اكلت كنت هفطس رحت قلعتها وهنضم لشفط البطن علشان الجيبه
مادو وميرو ورانيا سبنش ورانيا 2 و3 وناننسى وكنزى وام شهاب وكل الباقين صباح الفل نسيت يومياتى
رجعت امبارح عملت مكرونه وكبدة مقليه وبطاطس محمرة وسلطه حطيت فيها روز مارى وكرفس علشان العظم
والصبح السادسه والنصف غيرت ملايه سريرى ولمعت الزجاج ومسحت الغرفه حوالين السجاد وحطيت فى المياة برفان ولقيت وقت دخلت على غرفه البنات والرسبيشن مسح وتلميع مريات بخلطتنا السحريه صابون وخل ومياة وعطر( برفان ) مش (انجى) ونشرت غسيل وغسلت بناطيل وبنتيهات جودى على ايدى وغلست الحوض والارضومسحت بلكونه الحمام وبعدين نزلت فاصل ولنا عوده باذن الله

فعلا عارفة يا رشا انا كنت بفكر من كام يوم انى انزل العزبى و نشترى كمامات بس مش عارفة هتبقى موجدوة و لا لأ و كمان بفكر اشترى معلبات كتير اخزنها زى التونةو الحجات ديه ربنا يستر بقى و يعديها على خير


بصى يا عروستى النماذج يه موجدوة فكل حتة مش هنقول فى البلاد العربية بس
يعنى مثلا فى امريكا تلاقى ناس لابسين حاجات غريبة و ناس تانية عادية و لابسة طبيعى ( طبعا من منطلق الثقافة بتعتهم ) و بيبصوا على الناس التانية بشكل مش كويس و باستغراب
بس لو اكلمنا عن مصر طبعا الأحوال مش بقت امان زى زمان بس فى الوقت نفسه الناس مش ذئاب ماشية فى الشارع
يعنى مثلا لو واحدة ماشية فى حالها فى الشارع و لابسة محترم و كويس و ليكن مثلا جيب و بلوزة عليها طويلة و مش ضيقة و لا شفافة و لابسة حجاب او طرحة و مش عاملاها اسبانش و لا ربطاها لورا و لا حاطة مكياج و لا بسة شراب محجبات و عليها شوز مقفول مش صندل مبين الرجلين يبقى واحد لما يجى يعاكسها هيبقى حاجة من التنين يا اما مبيشوفوش لأن اصلا مفيش حاجة منها يشفوها
يا اما من اصحاب النفوس المريضة اللى مش بتميز
لكن لو بنتكلم فى العادى عمر ما واحد بيعاكس هيكلمها و لا حتى هيبصلها و يعلق عليها لن مفيش اى حاجة فيها تلفت نظره فهمانى
فطول ما انتى عاملة اللى عليكى ربنا دايما هيحفظك " احفظ الله يحفظك "
و لكن الناس التانية اللى مسترجلين و الرجالة اللى عاملة بنات فدول مش هنقول ربنا يهديهم و يرزقهم الصراط المستقيم للأسف طلعوا لقوا الأم و الأب و المدرسة بتجرى ورا النموذج الغربى فى كل شىء فهما طبعى كرد فعل طبيعى انساقوا ورا الموضوع مع وجود ميل للانحراف فالموضوع باظ و خرج عن المعتاد
و فى الأول و الأخر الله خير حافظا و هو ارحم الراحمين و ربنا يحفظنا و اولادنا و ازواجنا و جميع المسلمين من كل سوء من شر الفتن ما ظهر منها و ما بطن آمين آمين آمين

بجد مسخررررررررررررررررررررررررةةةةةةةةةةةةةةةةةةةةةةةةةة
ربنا يخليكى ضحكتينا يا انوج فعلا و ربنا يسعد ابن خالك و يجعلهالوا زوجة صالحة يارب و يبارك فيهم
و يخليلك يوسف و تشويه عريس و يهديلك نفسك و متبقيش حما :hahaha:


يا سلام حلوة من اجل سعادتهم ديه :D

الف سلامة عليكى و على الولاد طهور ان شاء الله و ان شاء الله معاكى فى التحدى بس يارب ما يكون صعب عشان فى مننا نساء عاملات



انا حاضر هبقى ادخل يا قمر من عيونى و انتى اخبارك ايه و اخبار الولاد تمام



الله يجمعك و جميع احبابك فى الجنة يا قمر آمين
و احنا من فضل الله تعالى بخير و انتى اخبار القمرات بتوعك ان شاء الله فى احسن حال



تسلمى يا روشى زى ماما بتعملة كده و بيطلع تحفة و بيمط زى الأيس كريم


ام يوسف ............. عاملة ايه يا جميل و اخبار الولاد و و ان شاء الله ربنا يسهلكم موضوع الشقة آمين

ام سوسو .......... ربنا يعينك و يبارك فى وقتك يارب و يصلح احولكم دايما يارب

مرمر.........ززتروحى و ترجعى بالسلامة يا قمر و بعدين دايما اذكرى الله و متخافيش و اوعى تصوتى او تعيطى الحاجات ديه بتتعب و مش بتجيب نتيجة خليكى فى الأستغفار و التسبيح و كمان الدعاء يا مرمر اوعى تنسى تدعى بكل ما تحبى فعلا الدعاء ان شاء الله فى الولادة مستجاب و افتكريينا بفى معاكى بالدعاء بالخير فى الدنيا و الأخرة

رشا و مروة .............. فينكم ؟؟؟

توتة ............ يا بنات لو سمحتو طمنونا عليها لو حد معاه نمرتها يبعتهالى ؟؟؟

هايا .............. متزعليش نفسك بس خففى الأكل شوية و هتبقى زى الفل

كل البنوتات الحاضرات و الغائبات من غير اسماء صباحكم سكر زيادة


بنوتاتى بالمناسبة بقى و بحلول الصيف و الأشكال الفظيعة اللى بشوفها فى الشوارع ربنا يعافينا و يهديم عايزين نبدء ندرب نفسنا
يعنى مثلا اللى بتلبس طرحة و تعملها اسبانش بلاش الأفضل انك تربيطيها عادى لقدام طبعا عشان الألتزام و كمان عشان ندرب نفسنا اننا نكون للأفضل

و حاجة كمان بلاش لبس الصنادل المفتوحة و الشباشب اللى بصباع اللى بتبقى مبينة كل الرجل ديه :35: الأفضل طبعا لبس الحاجات المقفولة فى الأول دربى نفسك و بعدين تقدرى تلبس على الحاجة المقفولة شراب و الله يا جماعة الموضوع مش صعب و لا حاجة بس عايز تدريب و عزيمة و استعاذة بالله من الشيطان الرجيم

يلا كلنا نشارك نقول من اللى بتلبس كده و تيجى بقى تفرحنا و تقولنا عملت ايه و دربت نفسها و لا لأ ؟؟؟


و انا بجد بقولكم كده عشان بحبكم فى الله و عايزاكم كلكم ان شاء الله و انا معاكم مثال للألتزام و المسلمة اللى الملتزمة اللى متسمحش لأى حد يقول ما المسلمين بيعملوا...................... و الستات المسلمة اللى بيقعدوا يقولوا قال الله و قال الرسول لابسين .............................. و ما اكثر الناس المتربصة لينا فعلا

اللهم اعنا على ذكرك و شكرك و حسن عبادك
اللهم يا مقلب القلوب و الأبصار ثبت قولبنا على طاعتك