السلام عليكم
ازيكم يااحلى بنات
ادعولي بقه النت يتصلح في شفتي لاني نفسي اتابعكم وادخل معاكم علطول...حد يقدر يفيدني يابنات المشكلة ان خط التليفون بتاعنا في شقتي مش نافع يدخل عليه دي اس ال وبيقولوا مش عارفه اطرافه نحاس او حاجه كده يعني وقالولنا اعملوا طلب في المصرية للاتصالات وفعلا رحنا وقدمنا طلب وبعد فترة ردوا علينا وقالوا مفيش امكانيه لتغير الخط!!!! طب ازاي بقه هندخل الدي اس ال ومفيش امكانيه يعني...زوجي قالي تقريبا كده شكلهم مش هيعملهولنا الا بفلوس...بصراحه بقت حاجه وحشه اوي كل حاجه بفلوس ورشاوي...الله المستعان
انا عايزة اشكركم جدااااااااااا يابنات لانكم خلتوني نشيطه رغم ان البنات شغلني جدا بس بقت احب اعمل كل حاجه في البيت بنفسي من غير مااستنى الست اللي بتجيلي تعملي...وفعلا بحس براحه اوي لما اعمل كل حاجه بنفسي الحمدلله...ربنا يجعله في ميزان حسناتكم يارب
اه معلش يابنات هتعبكم معايا بس بتفائل اوي بدعواتكم بكره اروى هتدخل العمليات ياريت تدعولها تخرج بالسلامه
السلام عليكم
ازيكم يااحلى بنات
ادعولي بقه النت يتصلح في شفتي لاني نفسي اتابعكم وادخل معاكم...
حبيبه انا بناتى فى ازهر والحمد لله ان دايما القراءن بيتلى فى البيت بحكم الدراسه كذلك الفقه والحديث والتجويد وكافه علوم الدين وربنا يديمها نعمه هو صعب بس انا بقول لبناتى احتسبوا ان ربنا يحفظكم دايما بالقراءن حتى فى القبر يفضل معاكم