مرت سنة كاملة على بيت الحب والإيمان

كهرمانة12 • 16 سنة

شكرا لكل البنات اللي ردوا علي انا قريت كل ردودكم بس مش عاوزة اذكر حد عشان منساش حد
انا تقريبا بعمل كدة مش بجيب غير للمقربين جدا وحاجات رمزية قمصان وبجامات للبيت بس لو اقولكوا بتجمل قد ايه في الاخر كتيييييييييير والله العظيم ربنا يسهلها من عنده

كنزي لو تعرفي الدراجون مارت فيها قمصان نوم جميييلة جدا جدا اشكال والوان والقميص يابلاش ب 20 درهم بس مقاساتهم فري سايز ومش كبيرة اوي عندهم حاجات روووووعة لكل حاجة في الدنيا

روانيو.....تسلمي ياحبيبتي انا عارفة انك لو كنتي شفتي سؤالي كنتي رديتي من ساعتها بس بصراحة انا حرمت اكرر التجربة اولا لانه تقييييييييييييل جدا وتعبني جدا بالليل بسبب الزبدة ثانيا لاني خايفة يبوظ مني تاني انا ساعتها كان نفسي الارض تنشق وتبلعني قدام جوزي بس عملتها هزار وقلتله الحق علي اني بغير لكم وبتاع يالا الحمد لله شكرا ياحبيبتي الف شكر

حبيبه اوسو • 16 سنة

femal :

السلام عليكم ورحمة **** وبركاتة انا ماكنش قصدى ابعتها تانى الرسالة النكد دى بس انا كنت عايزة اصحح الاية زى ما روشانا نبهتنى شكرا يا روشانا واسفة على الازعاج

السلام عليكم ورحمة **** وبركاتة انا ماكنش قصدى ابعتها تانى الرسالة النكد دى بس انا كنت عايزة...

فيميل
يابنتى هونى على نفسك وبلاش احساسك بالياس دا
كلنا هذا الرجل
مش انا قلتلك قبل كده بصى انا بحاول اتغير باستمرار واحيانا كتيير جدا جدا بياس
موضوع البيت وتنظيمه انا اخيب واحده لكنى مصره على النجاح باءذن الله
من لزم الباب يوشك ان يفتح له
وعندى قناعه انى هكون اشطر واحسن واجمل ام وزوجه وانضف ست بيت محصلتش لانى عاوزه ابقى كده
كل يوم بتعلم جديد فى ترتيب البيت والاكل والتبعل ورحت قبل كده لدكتور فى السلوك عشان ابنى شقى وفرط الحركه يعنى باختصار
انا مبياسش
على الرغم من انى سقطت فى الامتحان ولكن فخوره انه بسبب ولادى مين كان هيرعاهم وتخيلى هكمل فى الموضوع حتى لو انا اسواء واحده وحتى لو قالو خلاص كده انتى مش هينفع خلاص تكملى فى الكليه اوك عادى هسيب موضوع الدراسه وابدا ادور على حاجه تانيه اشبع فيها طاقاتىوترضينى نفسيا
وعلى فكره انا برده بمر بمشاكل ومشاكل جامده وربنا شاهد وعارف لكنى ببص للظلمنى وافضل ادعيله اه ادعيله تخيلى امال يعنى هعمل ايه العياط معتش بيجيب نتيجه
والى بتكلمك دى بتعمل حجره واحده فى اليوم وبتعب وانام ومقدرش اكمل
بس هقولك استيعنى بالله ولاتياسى واحنا معاكى يا ستى اعملى خطه واكتبى كل حاجه عاوزه تعمليها وازاى تنفذيها
وعاوزه اسمع منك كل يوم التغيير الى بداتى فيه وربنا يوفقك:39:

كنزي1 • 16 سنة

عطر

عاملة اية ياجميلواخبار يويو اية دلوقتي يارب يكون اتحسن وشدي حيلك في الرجيم وربنا معاكي ويطمنك علي اخوكي

ام سوسو

ازيك اخبارك اية وحشتيني والبنات عاملين اية ومستنين يومياتك

حبيبية اوسو

مشاء الله عجبني جدا ردك علي فيميل واصرارك علي النجاح ربنا يوفقك لما يحب ويرضي

ام مريم العسل

حمدا لله علي السلامة ياجميل ونورتي بيتك وعايزينك معانا تاني علي طول

كهرمانة

انا رحتة قبل كدة بس علي شان كنت بجيب سيراميك وببص علي ورق الحائط من هناك لكن مبصتش علي الملابس هناك

طيب اخبار الخامات اية

اللهم اعني علي ذكرك وشكرك وحسن عبادتك

3aroos elneel • 16 سنة

السلام عليكم ورحمة الله وبركاته
اللهم أعنى على ذكرك وشكر ك وحسن عبادتك
كل البنات وحشتونى رشا ومى وام مريم اهلا بعودة الحبايب منورين
ام يوسف سبقتنى كنت حا ابعت لها رساله عايزه رقم تليفونها ورقم رشا
عشان اطمن عليهم وبهدد زوجى عندى صحبات كتير
يعنى ممكن امشى على الرياض لام عبد الله ولا جده لرشا
ولا لام سوسو يعنى يحترس منى
رشا موضوع ان عندى علاقات كتير مش عارفه هى ميزه ولا عيب
ويمكن ده سبب تعبى فى الاجازه نفسيتى بتتعب ولازم زياره للطبيب
اكثر من مره ويقولى حاله نفسيه الكل بينتظرنى عشان يفضفض معايا
الاهل والاصدقاء وحتى الناس ال مش بعرفها يعنى لو منتظره موعد لطبيب
واتعرفت على وحده ترتاح وتفضفض الحمد لله هى نعمه احساس
الآخرين ان الحل عندى وعيب ان الحمل بيكون كبير عليا فى الاجازه
لان زوجى بيقولى مشكلتك انك مش بتحلى المشكله بس انتى بتعيشيها
لحظه بلحظه مع اصحابها لحد ما توصلى لحل وتحمل نفسك فوق طاقتها انك لازم تحلى
يعنى بعيش المشكله عن قرب وقلبى ضعيف
أم البنات ربنا يوفق نورهان فى الامتحانات ويجعل لها الصعب سهل
وجهدك واضح مقالات كلها مفيده وجميله
ام عبد الله تقريبا نظام يومك نفس يومى يعنى فى توافق بينا
وربنا يثبتنى بحاول انتظم على ركعتين قبل الشفع والوتر
بما ان الفجر قرب بصليها على الساعه 1 او 12 حسب الظروف
بنية قيام الليل اللهم ارزقنى الاخلاص فى القول والعمل
ليس غرضى التباهى لكن للحس على الخير
وكلمة دكتور سلمان جميله احب كل كتاباته اكثر الله من امثاله
ام جميله انا متابعه كل ما تكتبى جزاك الله خيراولو لم تجدى تشجيع
من البنات يكفيكى اجر كل من تقرأ من المشاهدات وتستفيد مما كتبتى
ام سوسو جميله معلومة اليانسون من كرم ربنا ان للداء دواء سهل
حتى للفقير وكمان اليانسون مهم جدا للنساء لانه منشلأ لهرمون الاستروجين
حبيبه حا اكتب لك اصابع النسافيه ان شاء الله
عطر تعالى نتعصب سوا الجوع كافر يا بنتى ربنا يفك كرب اخوكى
واخويا ويرزقه من حيث لا يحتسب
رشا ام خالد جزاك الله خيرا كل كتاباتك قيمه
راجعه لكو بقصه جديده انتظرونى فاصل ونعود

كنزي1 • 16 سنة

ام البنات المصرية :

رشا رونى حمد الله على السلامه وحستنى بجد راجيه شكرا على النصيحه ودعواتك ليه بوتا اخبارك وشكرا على الموضوع اول مرة اقراء عنه ايه وام جميله انا متباعكىعلى طول ربناا ييسر ولدتك انتى ومرمر ام يوسف انا كتبت الميل على العام ايه رايك لوكتبت نمرت اليلفون انجى هانم انتى فين يالا كلنا نقول اللهم اعني علي ذكرك وشكرك وحسن عبادتك

رشا رونى حمد الله على السلامه وحستنى بجد راجيه شكرا على النصيحه ودعواتك ليه بوتا اخبارك وشكرا...

الحمد لله انك اطمنتي علي نورهان بصي الي بتعملو جودي دة عادي وسنها بس اهم حاجة اننا منستسلمش عادي انا احمد كان بيعمل معايا كدة في العب ووحدة وحدة اخدناها لعبة وبداء يلمها لوحدة وبعدين بالنسبة للبوتي هي بتبقي فترة التعويد دي صعبة انا لسة مبداءتش مع احمد وخايفة

بس هو بداء معايا اول مرحلة ان هو مجرد مايعمل يقولي انة عايز يغير

الحمد لله ياجميل انت وعمورة عاملين اية

:06:هما 10 كيلو عمالة اخسهم واتخنهم لما زهقت بجد مليت انا كمان بعمل تخفيف بس وبشرب شاي اخضر

ونفسي انتظم في العب علي الاوربيتراك اصلي من ساعه مقلت هالعب لعبت مرة وحدة :Dوبالهنا والشفا

لوجربتها ان شاء الله تعجبك
€تسلم ايدك ياوردة شكل المكرونة حلو بس طعم التونة مع المكرونة عادي ولا اية

بقي كدة ياام يوسف دنا ضحكت ضحك انت عايزة الراجل يبعتني علي بيت بابا

وماشي ياجميل هبعتلك ان شاء الله