راجية عفو ربي
ماشاء الله شكل التارت حلو ان شاء الله اجربة قريب

مني

ازيك انت وروان اية اخر مغامرتها معاكي

الحمد لله كوكي خدت الاجازة من امبارح وزهقت عايزة تروح المدرسة ههههههههههه

ام جميلة

لاء متقوليش كدة احنا كلنا اخوات واحيانا بس مبنخدش بالنا انت اخبارك اية في الحمل وابنك عامل اية معاكي هو عندة قد اية

سلامي لكل البنات

اما يومياتي النهاردة فصحيت الصبح فتحت النت شوية ولعبت مع الولاد ودخلت روقت المطبخ وكان يومي في طويل شوية

لئني بغسل الخضار كلة واجففة بالالمصفاية بتاعت الخضار الي بتطرد المية وبعد كدة بجففة بالمناديل والف في الكيلنج فيلم

علي شان يفضل طازة جدا لاطول فترة ممكنة وكمان غسلت النعناع وسبتة علي شان انشفة وبعد كدة طبقت الغسيل وشلتة

وروقت دولاب الولاد وكنست البالمكنسة ووحدة جارتي جت قعدت معايا شوية وبعدين جهزت الغدا ومستنية زوجي يجي ونتغدا

حبيبه اصابع النسكافيه
واحد ونصف كوب زبده نصف كوب زيت ثلاث تربع كوب سكر ناعم
2ملعقة نسكافيه 2بيضه- م ب ب - ام كاكاو 5كوب دقيق
ربع كوب نشا
تضربى سمن وسكر والبيض ثم باقى المكونات وتشكل اصابع وبعد ما تبرد تغطى بشيكولاته سايحه ثم مكسرات
وجربى طريقة البسيمه سهله وسريعه
كوب دقيق كوب جوز هند ثلاث تربع كوب سكر 2 بيضه نصف كوب حليب 3 ملعقة اكل سمنه
تضربسمنه وسكر وحليب وبيض ثم تضاف للدقيق ونصف م ب ب وتخبز وترش بالشيره بعد خروجها من الفرن
أم البنات افعال جودى عاديه مع سنها وكمان فرق السن مع اخواتها الكل مشغول عنها فلازم تلفت الانظار ليها
والطفل ذكى بيعرف ايه ال بيستفز الكبير ويعمله للفت النظر
اهم حاجه احتويها بدون عصبيه بلاش اوامر تعالى شيلى العابك
فى الاول مين حا يساعد ماما ويشيل معاها ومره تانيه قولى انا اغمض عينى
وانتىلمى الالعاب بسرعه ونعملها مفاجأه لبابا
الطريقه دى بتكون افضل من الاوامر لان لازم حا تعند
بالنسبه للبوتى كانت مى قالت طريقه حلوه من دكتوره اشترى لها عروسه جديده
وقولى لها علميها تعمل على البوتى وكلكو تشجعو العروسه انها عملت وتخاصموها
لو ما عملتش يعنى كل التوجيه للعروسه مشليها واى توجيه خليه للعروسه امدحى جودى
وقولى شوفى بتلم العابها وتساعد ماما وانتى لا لان التوجيه الغير مباشر بيجيب نتجه اسرع
جربى وطمنينا
يومياتى عملت حنا ووضعت اللحمه تتلسق وبسرعه وضع البطاطين فى الشمس
وطبق فيه خلطتنا السحريه وماء وتنظيف السجاده ووضعها فى الشمس ومسح كل مافى الغرفه
بالخلطه ومسح الارضيه وتغيير مفارش السراير وفرش السجاده ثم الغرفه الاخرى نفس الطريقه
وعملت الغدا لوبيا ورز بالشعيريه وبسرعه رتبت الصاله وعملت ماسك البشره وتم ظبطى متلبسه
زوجى وصل واترعب بسرعه غسلت شعرى والماسك الغدا خلص وكنست الصاله وعملت سلطه
ورتبت المطبخ بعد الغدا وباقى نشر الغسيل وعمر جاب درجه مش حلوه فى الانجليش
عشان مش بيحب المدرس غلس ومناخيره كبيره قد كده يابنى مالك بمناخيره خلاص مش بحبه
ومش عايز يذاكر وطول الوقت واقف فى البلكونه مع بنت جيرانا وعامل علاقات عامه

النت حا يفصل عندى يوم 22 من الشهر ويوم 24 عندنا قرار حا يحدد اذا كنا حا نترك
السكن ولا لا وطبعا الرؤيه غير واضحه حا نجدد الاشتراك ولا ننقل من السكن ونعمل اشتراك على العنوان الجديد
فدعواتكم ان ربنا ييسر لنا الحال وما ننقلش من سكنا ودعواتكم بفك الكرب وتيسير الحال
فسامحونى طولت عليكو لكن عايزه اشبع منكو
لما عرضت قصة جارتى وعندى قصه جديده مش غرضى اننا نشك فى ازواجنا ونقلبها خناق ومشاكل
لان كل بيت له ظروفه وما ينفعش يكون زوجى زى زوج صحبتى ولا مشكلة صحبتى مع زوجها اسقطها على زوجى
غرضى اننا نشوف اخطاء غيرنا يمكن تلمس وتر عند كل واحده فينا تغير من نفسها وتتعلم وتتعظ من اخطاء الاخرين
النومذج ده هى ما شاء الله قمه فى التحمل والصبر مش بعرفها معرفه شخصيه
لكن سمعت قصتها من ناس قريبين لها جدا وعاشوا معاها الاحداث
هى جامعيه معاها طفلين رضيع وخمس سنوات نموذج غير عادى فى النظافه والترتيب واهتمامها بيبتها
قبل رجوع زوجها من العمل بساعه تعشى اطفالها وينامو وتستعد لزوجها تلبس وتجهز العشا على السفره
مع شموع وجو رومانسى وحتى لو عندها ضيوف تستأذن منهم وتقوم تستعد لقدوم زوجها
حياتهم مستقره زوجها قال لها مسافر لمدة اسبوع عندى عمل وجهزى بدلة الفرح عايزها
تعجت لطلبه ما عندك بدل كتير احدث قال لا محتاجها وبعد اسبوع رجع بدون دبلة الزواج
سالته عليها قال هى فى جيبى نسيتها ولبسها اللقاء بدونحراره تعلل بتعب السفر
بمعتاده البدله قبل ما تدخلها الدولاب تفتش فى الجيوب لان زوجها دائم النسيان
وكانت المفاجأه قسيمة زواج زوجها مع عروس جديده بسرعه طبقت الورقه
ورجعتها مكانها وبعد خروج زوجها اتصلت على اخوه الكبير وحكت له ما حدث
وطلبت منه التدخل واقسمت عليه انه ما يقول لزوجها انها عرفت انه تزوج
لانه لو عرف انها تعرف خلاص اصبح امر واقع وهى عايزه انه يكون دايما
خايف انها تعرف فحا يكون مراعى مشاعرها
الاخ تدخل والزوج طبعا رفض انه يطلق الجديده وطبعا مدح لعيشته الجديده
وازاى هى بتتفنن فى دلعه
الزوجه فقدت الامل ان اخوه يحل
وطبعا الزوج بيبات بره البيت باستمرار بحجة السفر تبع العمل
بدأ الزوج يجتهد انها تعرف يسيب فى الحمام دبلته الجديده
وهى بدون اى تعليق تعمل انها ما شافت شىء
ترك القسيمه فى غرفة النوم عشان شوفها
نفس الشىء
أخد الولد لزوجته الجديده ورجع الولد يقول لها
ماما طنط بتحبنى وعايزنى اعيش معاها على طول
وهى نفس الشىء بدون تعليق مع زوجها مين طنط ال الولد بيحكى عنها
وطول الوقت الصلاه والدعاء هى منهاره لكن متماسكه جدا
الزوج يشتغل فى عمل خاص مع مليونير معروف راتبه كويس جدا
صاحب العمل اكتشف نقص مبلغ كبير فى الميزانيه الزوج اخده من العمل
لشراء شقه وفرشها وشبكه وفرح فى قاعه وكان مرتب انه يسدد المبلغ على دفعات
طبعا رقم ضخم صاحب العمل طلع كريم قاله احتراما للعشره ال بينا
انا مسامح فى المبلغ لكن خلاص ما لكش عمل عندى
الماديات بدات تتدهور جدا مش قادر على صرف بيتين
اقترح على الجديده بيع الشقه واستبدالها باصغر ويستفيد
بفرق السعر لعمل مشروع رفضت طبعا لان الشقه باسمها
وبدأت الجديده تظهر على حقيقتها والدلع والغرام خلاص
لان الحاله الماديه تدهورت طلقها ومطالب بالمؤخر
وديون بسبب عدم شغله
تخيلو القديمه تعمل ايه
تعرفه انها عارفه القصه من بدايتها وانها صمدت وصبرت
حفاظا على العشره والحب ال بينهم وحفاظاعلى مستقبل الاطفال
باعو شقتهم وسددوا الديون وظهر لهم عمل هما الاثنين فى مدينه نائيه
فى آخر حدود مصر عشان يبدأوا حياتهم من أول وجديد
نموذج عجيب وغريب للصبر وقوة التحمل وقمه فى التضحيه
لان شقتها كانت مؤسسه من افخم الفرش وحياه مستقره لمدينه نائيه براتب
ضعيف وبدايه جديده من تحت الصفر

ام يوسف

انا فعلا ماشوفتش المايل غير لما قريت مشاركتك دلوقتى

انا عندى مشكلة ساعات مش بيظهرلى تنبية ان جالى رسالة جديدة


وعلى فكرة انا شوفت مشاركتك بالصدفة كنت برجع بالصفحات لورا بدور على حاجة شوفتها مش عارفة حظ مشاركتك معايا كده علية

اللهم اكتب لاختي عروس ماكان لهم فيه صالح وخير في امر دينهم ودنياهم وسهل لهم امورهم وارشدهم الى الصواب

احيانا يكون الاستغفال افضل شئ والانسان يسوي نفسه ولاداري عن حاجه لان الرجل اذا عرف ان زوجته كشفت المستخبي يتمادى فيه

الله المستعان