السلام عليكم ورحمة الله و بركاته
انا صراحه هذي اول مره اشترك في الرد و ان شالله يكون ردي مناسب
الاخت العزيزه حنين
انا بصراحه لي راي مختلف عن الاخوات شوي
اولا لاحظت انك قلتي في اول كلامك انك تمدحين عمك و تحسين ان مرة عمك محظوظه و انا احب اقول
اولا : و اسفه اذا كلامي يجرح بس عمك هو السبب :44: في كل الي انت قلتي و استغرب ان الهجوم كله على مرة عمك بينما ما تكلمتي عن عمك الا بالخير
يا اخت حنين علشان نعيش من دون ما تشيل قلوبنا على احد لازم نلتمس الاعذار لناس يعني فكري وش الي خلى مرة عمك تسوي كذا يعني حاولي تكونين في مكانها شوي
انا طبعا ما ادافع عنها فيه اشياء سوتها غلط اكيد خلينا نبداء من الاول
اولا مرة عمك تعاني من الوحده عايشه لحالها هي و عيالها لان حسب كلامك عمك دايم يسافر و حتى ما جابلها سواق يخلص اشغالها ؟؟؟ وش تبينها تسوي !!! فراغ و الموؤل عن هذا الفرغ هو عمك :29: اعذريني
ثانيا تذكري لو زوجها عندها كان ما دريتي هي تطلع كل يوم ولا لا و يكمن هي ما تطلع كل يوم يمكن كل يومين ولا كل ثلاث ايام بس لانكم انتم الي مسؤولين عن روحتها و جيتها نحسون انه كل يوم لانه ثقيله عليكم
ثالثا لا تتكلمين عن الاطفال الله لا يبلاك ترى بعضهم ما يقدرين تسيطريين عليه و ما تدرين يمكن هي من الناس الي تعاقبه ولا تطقه اذا ارجعو للبيت بس الي احب اقوله ان ايضا عمك مسؤول لان الاب له هيبه في البيت و لو هو موجود يمكن كان عدل من طبع ولده بس الام مهما كانت ما يتقدر تسد مكان الابو
رابعا ترى يا اخت حنين ما تدري عن تعامل عمك مهعا والله لو هو وش حليله معكم ما يعني انه حليل معها لا تغرك الواجه ما تدرين وش يصير في البيوت يمكن هي حاسه بالفراغ الله اعلم
الي احب اقوله فكري في مرة عمك على انها مرة مسكينه زوجها موب عندها و قدرها خلاها تتطلب الناس يودونها و يجيبونها و الله لا يحطك مكانها
و بعدين ليش عمك ما يحط لها سواق مادام على كلامك ما زالت تطلع كل يوم مع سواقكم ايش الفرق و بعدين يمكن اذا صار السواق لها تبدى تحاسب على البنزين و تبي تفرح فيه شهر و بعدين تمل و تبدؤ تجلس في بيتها اكثر تذكري كل ممنوع مرغوب
صدقيني اذا حاولت تطلعين للناس اعذار انت تبي ترتاحين لانك ما راح يصير في نفسك شي على احد
اسفه طولت عليكم بس عندي حلول بسيطه لالي يصير
اولا بخصوص الملابس لا تقولون لها شي اذا هي عندها ملابس هي توديهم للمسجد ولا لجمعية البر
ثانيا ترا موضوع الفستان موب شي كبير فكري في الي صار على انها تمون عليك و يمكن هي قبل لا تتزوج كانو بعض اقالابها يعطونها و هي تفرح و حست انها تفرحك !! فكري بشكل ايجابي :19:
اما المشواير اذا اتصلت قولو لها من عيوننا تستاهلين يا ام فلان بس السواق موب فيه ليتك مبكره قبل لا يطلع و اخوان يقولون حنا كاشتين و لا نقدر ولا ما نتاخر عنك يا ام فلان بالكلمه الطيبه تكسبونها و لا تسوون شي يضايقكم و هي اكيد تبي تفهم و اذا ما فهمت استمرو منتو حسرانين شي ما يمتع انكم تودونها كل فتره و الثانيه
هذا راي شخصي و اسفه اذا زعلتي مني

الهندية:
وعليكم السلام ورحمة الله وبركاته
ياهلا ومرحبا بك في اول مشاركة لك في عالمنا المميز
وتمنياتي لك بالمتعة والفائدة والعظة والعبرة من مشاكل الغير بما اننا في هذا القسم
نجي للموضوع:
عزيزتي قد لا اكون وضحت امور كثير
ه ساهمت في غموض الموضوع وبالتالي عدم وضوح الصوره بالشكل المطلوب
*بالنسبة لعمي فهو طيب جدا جدا جدا لحد ان طيبته اصبحت تستغلها كنقطة ضعف
لدرجة انها تمشي كلامها عليه ولاتحترمه حتى امام الاخرين
وطبعا هذا عيب كبير في عمي ولايعتبر مدح له فالرجل لابد ان يكون له كلمته وقوامته
في البيت لكن ..ماذا عساي ان اقول!!

*قولك انها تعاني من الوحده فاقول لك انها تسكن مع حمولتها (اهل زوجها)يعني جدتي
واعمامي الاخرين ونسائهم ولها جناحها الخاص
واريد ان اذكر لك شئ : ان زوجة عمي الاخر لديها ابن شاب يقود السياره لكن لايعطيها وجه
ابد ولا يطلعها ولايوديها أي مكان
اما احنا فساكنين في بيت مستقل عنهم لكن حولهم

*سفرات عمي ليست مبرر لما تفعله لانها حتى ومع وجوده لاتستقر في البيت
وتطلع متى ماارادت ضاربة بعرض الحائط أي شئ اخر يمنعها
وان لم يحصل لها سائقنا دبرت غيره وزوجها ضاق ذرعا بكثره خروجها
فلم يرتبط بتلبية رغباتها التي لاحدود لها في الذهاب لكل مكان الله يكون بعونه
حتى انه ينفر من مجرد جلوسه في بيته من سوء معاملتها له فياتي الينا
ويمكث احيانا الى ساعة متاخره حتى لو كان لوحده (في غرفة خارجية مستقله مخصصة للشباب)
قد يظن البعض اني ابالغ لكن فعلا هذا الواقع واتوقع ماخفي كان اعظم الله يصبره ويكون في عونه ولايبلانا

*بالنسبة للاطفال صدقتي غاليتي فعلا الله لايبلاني بمثلهم لكن احيانا لا استغرب ذلك
اذا رايت تصرفات والدتهم معهم فمعاملتها في العقاب قاسية جدا
كان تلسع طفلها بالنار او ان تحبسه في غرفه وتقفل عليه غير مباليه بتوسلاته وبكائه
واسلوب كلماتها في التأديب بذئ لذلك اكتسب منها ابنئها بذاءة اللسان مع الاخرين
اللهم ابنتها الكبرى البالغة من العمر 14سنه بصراحة ما كأن هذي امها خلق وفرق

*بالنسبة لقولك اني لااعلم كيفية معاملة عمي معها قد اكون كذلك لكن لا اشك ابدا لمعرفتي الشديده بزوجها
وشخصيته التي تتعدى حدود الطيبة ليفسرها البعض بالضعف مع سلاطة لسانها
والله تعالي هو علام الغيوب اولن واخيرن

*اما قولك ان يضع سائق خاص فذكرت انه سبق وان فعل ذلك لكن تدارك الموقف !!

الوضع يختلف اذا كان سائق خاص(تذهب متى ارادت وفي أي وقت حتى بدون شور)
وبين ان يكون سائق الغير (حيث انه يحد من كثرة خروجها ,,,,)

*بالنسبة للفستان ايضا اكتشفت اني ماوصلت تصرفها بالضبط يعني لا اريد ان تفهمي اني حساسه بزيادة
لكن الشغلة واضحة انها احتقار واهانه

*صدقيني اذا صرفناها مرة ومرتين واعتذرنا لن نجد للمره الثالثة عذرا(اذا اكرت الكريم ملكته
واذا اكرمت اللئيم تمرد)

وبالنسبة لاخواني فهم ملازمين لزوجها بشكل كبير حيث يعرف اين يذهبون ومن اين ياتون
وهذه حسنة كبيرة في زوجها نشكره عليها فهو يتميز برجاحة عقل وفيه من التدين والحرص على اخواني
من رفاق السوء والقنوات السيئة وغيرها وكثير من المواقف وقف معنا وقفة لاننساها له لكن سبحان الله
ابتلي بزوجة هداها الله مقصرة في حقه كثيرا وغير مقدرة لنعمة اعطيت لها


شاكره لك اختي الهنديةعلى ردك وليس هناك مايدعو للزعل
واتمنى لك سعادة الدارين
سلمتي

مه أحترامي لك شكلها محدثة نعمة توها تشوف خير وسامحيني على هالحكي بس الله يكون بعون عمك مع أنه هو السبب هو الي عطاها مجال ووجه

الله يكون بعونكم ياحنين

وتأكدي ان الكل يعاني من هالنوعيه

بس لو بحط روووحي بمكانك

صراحه ماراح اجامل

أنسان مايستحي مني ولايقدر جميلي ولايبين في

عينه شي ....ماني ملزومة أقدره ماااراح ارد له

الغلط بغلط......لاء بطنشه وان تمادى وقفته عند حده

يعني شنو بعييييش عمري كله مقهورة وساكته:06: :06:

وتتعب نفسيتي وامرض وبدل ماتفكيري ينشغل

بالشي المفيد والسنع ينشغل بالغثا والسفاهه

إلا والله بطنشه وبوقفه عند حده

وسالفة انه انتم ساكتين عليهامستحيين من عمك

ثقي تماما..........انه عمك يعرفها عدل ويعرف شين اطباعها

يعني ماهو زعلان عليكم.......بالعكس بيعذركم.....ولو ماقالها بلسانه

صدقيني بيقولها بينه وبين نفسه.............

موفقه عيوني
:24:

انا عن نفسي اشوف هذي اشياء ممكن تتحمليها .........ولا تقطعي رحمك وتزعليها عشان امور ممكن تتغاضي عنها
وسلامتك