من راي ياحنين
انكي تمسكيها على جنب وتفهمينها وبصراحه هالنوعيه ما يجون بالمجاملات ابدا ويا كثر اللي اعرفهم من هالنوع والحمد لله لا اجامل ولا يحزنون وفي نفس الوقت ما اجرح في احد فخذيها باسلوب وكلميها بنفس الطريقه اللي تفكر فيها يعني على قد عقلها, وعمك ما له دخل باللي راح يصير بينك وبينها لانها سوالف حريم
يعني جيبيها من الاخر عطيها في وجهها وكفايه قهر

عفوا


بالنسبه لرأي الحق على عمج المفروض اهو اللي يعرف كيف يتصرف معها والمفروض ما يهد عليها الحبل ولا يشده والمفروض عليه انه يجلس معها ويكلمه بالطيب مو بالطيب وما نفع معها بالغصب بعدين اهي زوجته واكيد يعرف مواطن الضعف عندها ... وطلعات الوااايده للحرمه مب اوكيه الواحد يطلع لضرورة .... يعني انا اشوف ان الحق على عمج المفروض اهو اللي يدير السفينه ويمسك بزمام الامور ترى الطيبه بها الايام ما تنفع .. ممكن يكون عمج طيب واهي تستغل طيبته بس مو لحد انها تفرض اهي كل شي عليه وما يقدر يتحكم بتصرفات زوجته ....

يعني الحل بيد عمج مو بيد حد ثاني



هذا رأي واسفه لو ازعجك رأي ....:26: :26:

هلا اخت حنين 00الله يعينك والله وانا اقرا موضوعك مت من القهر 00شوفي بصراحه مرت عمك هذي ماحست فيكم ولا جابت خبركم 00وعمرها ماردها الحياء عنكم صح ولا لا000فيه مثل يقول (اللي مايحس فيك لاتحس فيه)
المفروض ماتحسون فيها ولا تدارونها على حساب راحتكم 000والمفروض تصرفكم معها يكون وسط بين بين 00
يعني من ناحية السواق 00تسمحون انه يوديها مثلا مره بالاسبوع مويوميا وتحتسبون الاجر وتوصونه يا ويلك ان وديتها اكثر من مره بالاسبوع 00يعني 3مرات تصرفونها ومره لا 00علشان الاجر والقرابه 00
اما بالنسبه لعيالها وخرابهم للبيت والاثاث لاتسكتين هذولا اطفال ولازم يعلمون الخطأ من الصح 00اردعيهم بهوش او تهديد لهم وتخويف اونظرات بعيونك مرعبه:30: :30: ولا تحسين فيها ولو زعلت قولي لها( شوفي وش سوو كسرو 00خربوا 00والله لو واحد من اخواني ضربته)0وخليك شخصيه مع هالنوعيه من الاطفال علشان يخافون منك 00لاتسولفين معهم ولا تضحكين خليك معهم كذا:mad: :mad:
اما سالفة الفستان انا احس ان قصدها اهانه ولا ودي اظلمها بس انا اقو لك احساسي00لانكم طلبتو ملابس للمسلكين الضعفه تجي هي بنفس الموقف وتقول هذا لك وش قصدها 000لو قصدها خدمه كان جابته بوقت ثاني وبطريقه ثانيه ولحاله معزز مكرم مو مع ملابس المساكين !!!!ولا تسكتين لها على هالحركه السخيفه شوري عليك المفروض انك كلمتيها مباشره وقلتي لها كلام بدون اي مراعاة لها 00
والله يعينك
باااااااااااااااااااااااي
شهير نت:27:

السلام عليكم ورحمة الله وبركاته

مرت عمك تنكرنعمه الله رزقها بزوج تتمنه الف وحده

مراح تعرفها الا بعد مايطيح الفاس براس من مشاكل ومصايب والاعتب عليكم الدين نصيحه فهميها ان مولازم السوق اي شي ينزل بسوق جديد تروح تشوفه وحضور العراس مولازم كل عرس تكون موجوده

خروج المره للضروره واذا تطلع تكون متحشمه ماهو متبرجه وريحة العطر تسبقها

واذا زوجها شغله يتطلب السفر من اجل يامن لهاو لعياله الراحه والمستقبل المشرق

فمن واجبها انها تصون عرضه وتحترمه وتقدره وتحفظ بيته في وجوده وغيابه وتقوم بتربيه الصالحه لابنائها

وصدقوني الحرمه الى ادور من بيت لابيت يجون عيالها ماهم متربين لان مافيه وقت تربي

عمرقعدة البيت ماطفش لاصار بتذاكرين لهم وتقصين عليهم وتشرفين علي بيتك يروح الوقت ونتي ماتحسين فيه

الله يعينج

شوفي انا راح احاول اتكلم عن النقاط اللي ذكرتيها

اولا:السواق
بما انها مرت عمج ومثل ما قلتي زوجها كلة مشغول وولد عمج اللي ساكن معاها في البيت مطنشها
سوي مثل اللي تقولة شهير نت


واخوانك لا يردون عليها واذا اتصلت فيهم يطنشونها
الا اذا اتصل فيهم عمج يطيعونة

وصدقيني من كثر التصريف راح تمل وتدور غيركم يوصلونها وبهالطريقة تفتكون منها


ثانيا:اولادها

لا تساهلين معاهم بس مو جدامها يعني اذا شفتيهم يشخبطون اخذي الاقلام منهم وهاوشيهم

(((((((((بس ابيج تفكرين في هالنقطة يعني ابوهم ما يشوفونة يا يكون في الشغل او برا البيت منحاش من امهم
وامهم طول الوقت برا البيت واذا كانت عندهم مثل ما تقولين تعذبهم وتخرعهم
شلون تكون نفسياتهم الله يعينهم)))))))))))

في طريقة حلوة : انهم اذا زاروكم قوليلهم انك راح تعطين الشاطر الهادي منهم هدية
وتكونين شارية لعبة حلوة تورينها لهم
طبعا لا تتوقعين يصيرون ملائكة
لا بس انتي لا تحبطينهم يعني طول الوقت خلي عينج عليهم وفي الاخير عطي الهدية لاعقل واحد (حتى لو كان شيطان بس يكون الاهدي فيهم) صدقيني في المرة الجاية راح يحاولون يكونون هاديين (ولا تنسين تمدحين اللي كان هادي المرة اللي فاتت)
((((الطريقة هذي انا مجربتها)))))


ثالثا :حركة الفستان

لا تاخذينها بهالحساسية يعني يمكن اهي لما كانت تاخذ الملابس من بيتها شافت هالفستان وحبت تعطيك اياة (يعني يمكن ما كانت تبي تودية للصدقات)

يمكن كنتي انتي مادحة هالفستان من زمان وحبت تعطيج اياة او يمكن بما انها تعرف اذواقكم (لانكم تسألونها كثير ) اعتقدت انك راح يعجبك الفستان

اخذي المسألة على حسن النية

انا صارلأمي هذا الموقف :42:
=================

شوفي شنو صار
امي كانت عند وحدة من قريباتها وهي صديقة امي الروح بالروح
ولما جت بنتها الصغيرة كانت لابسة صندل يهبل عجب امي كثير
وقالت لها ان الصندل يهبل من وين شاريتة؟
وقالتلها المحل
في اليوم الثاني جاب لنا سواق قريبت امي كيس وقال هذا من ماما لما قتحناة لقينا فية صنادل كثيرة لبنات صغار مستعملة :29:
واتصلت قريبة امي عليها وقالت ان هذي احذية بنتها صغروا عليها ويمكن يكونون مقاس اختي الصغيرة !!!!!!!!!!!!!!!
:confused: :confused: :confused:

شنو تتوقعين ردت فعل امي ((مع العلم ان حالتنا المادية احسن منها بكثير وما عمرنا اخذنا منها شي))


ضحكت وقالت لها تسلمين ياعمري والصنادل تهبل بس ما جوا مقاس بنتي
تبينهم او اخلي السايق يوديهم للصدقات مع شوية اغراض زايدة عندي
طبعا وافقت انى نوديهم للصدقات (وامي كانت راح تموت من القهر بس كانت تقول انا ادري ان نيتها صافية وماتقصد تهينني)

ومر الموقف بهدوء

طبعا كان ممكن ان امي تتهاوش معاها وتصير خلافات في العائلة
==================



واخيرا

تراها في النهاية زوجة عمج واذا صارت مشاكل بينكم ما راح يتضرر الا عمج

واصبري وسوي النصايح اللي قلتها في البداية
والله يعينكم على هالبلوة

وسلامتكم