مرجع النفاس <<<<< كلكم لازم تدخلون وتشاركون فيه

جتني الفكره من موضوع لوحده من الاخوات تطلب فيه المساعده

ودي نسوي مرجع لتجهيز المواليد والنفاس

نكتب فيه وش الاشياء اللي تحتاجهن الوحده بالنفاس لها وللبيبي والاشياء اللي تاخذهن معها بالمستشفى وكل شي يتعلق بهالفترة

هذا كان ردي على الاخت اللي سالت نقلت هنا كبداية للموضوع

اشري بجامات الكامله اشري مقاسين مقاس صفر ومقاس من شهر لـ3 شهور لانه ماتدرين ممكن البيبي يكون حجمه صغير وتتوهقين

اشري لبس للتقديم يكون حلو وفخم اشري اكثر من لبس احتياط للمواقف الحرجه

وبرضو الملابس الداخليه لاتنسين

واشري مفارش

طقم مفرش تقديم

واشري كم مفرش اللي يسمونهن مهاد مع السباق حقه تلقينهن بالهرم ومحلات الاطفال العاديه مثل الشماس

فيه محل اسمه كيدز توب بشارع العليا قدام الاندلس عنده اطقم اطفال حلوه

وان كان ولادتك بالشتاء لاتنسن القبعات اكثر من وحده

وسدارات وفوط

طبعا كل شي اكثر من واحد لان اغراض الطفل تستهلك تعرفين استفراغ وانت بكرامه

ولاتنسين الرضاعات والحفايظ واللهايه كلها جهزيها من قبل علشان ماتنشغلين بعد الولاده

هذا بالنسبه للطفل

اما انت

اشري بجامات او قمصان للبيت تكون فتحة الصدر واسعه او ازره من قدام علشان الرضاعه

وفيه سنتيانات خاصه بالرضاعه تلقينه بمحلات قمصان النوم

وطبعا جلابيه او ثنتين للاستقبال مع قميص رضاعه

للمستشفى اشري اللي يريح بجامه او قميص يكون حلو وناعم

ولاتنسين القطن اللي ينحط على الصدر اذا خلصتي مرضعه تلقينه بالصيدليه

اما الاكل بالنفاس احرصي على الاشياء المفيده (البر والتمر والحليب والعصيرات الطازجه واللهومات مثل الحلبه والرشاد )

اما البطن ياخذ وقت الى سته شهور مايروح بس احرصي على الرضاعه الطبيعيه هي اللي تساعد انه يروح

باانتظار ردودكم ونصايحكم