تمالك حبيبتي لا تحاتي فهمت قصدج طلع لي ولا بأواخر الأشهر راح يزيد وينتشر على يدك من ورى كفك يعني لو كان الحين بمنطقة بسيطة بعدين يزيد بس ولا تحااااااتي هي شكل اليد بتحسين اخترب وين النعومة راحت بس والله والله بيروح بس ماتقطعي الروكوتان والحين على طول حطيه عليه فوسيدين احيانا بتخف واحيانا بترجع وعارفه تحرق لما تغسلي يدج هذا حصلي بس اخر الايام بس لا تشيلي هم راح يروح ويدج بتبقى صافية ولاكن شيء حصل لج


موفين احبتي

بالنسبة بعد الروكوتان استخدم دواء اكلن للبقع وماشيه عليه ووجهي الحمد لله كان كله يحمر ويتحسس من الدواء لكن مع مرور الوقت يخف الاحمرارا والحساسية وخالته براحته الدكتورة قالت لي بعد 6 شهور البقع تختفي من الوجه والحمد لله راضية ويارب زيدنا نقاااااء وصفااء

آمين يارب العالمين

والحمد لله فيه نشاط اليوووم ومبررووك دغدغه خلوصك من العلاج وان شاء الله

بشررره صافيه يارب وراضيه عنه

من ناحية الحبوب الصغيره الحمراء باليد استعملت امس الفازلين على اليد

والحمد لله خفت واتقشرت وكل وقت اطالعها تخف زياده وانصحكم فيه

بس من ناحية الوجه حيل يتقشر ومو عارفه اسوي فيه شي لان الكريم والواقي

اللي صرفته لي الدكتوره مو قادر يسيطر على الجفاف واسمه LOuis Widmer

والحين صرت احط فازلين على وجهي علشان الجفاف القوووووي بس ماطلع للشمس نهائيا

لانه يسمرر حيل

وهذي تجاربي هاليومين وانصحك تمالك بالفازلين على اليد ولاتحكينه وابتعدي عن الصابون

المعطررر وبــس

ياريت الكل يقول لنا طريقة استخدامه
يعني بالاصح جدوله اليومي
انا طريقتي هي كالتالي :
لما اصحى من النوم اغسل وجهي بصابونة دوف ربع كريم مرطب
بعدين اذا جيت اطلع النهار احط قناع الواقي بس قبل ماا حطه برضوا اغسل وجهي بصابونة دوف
بعدين اذا قرب المغرب وجات الصلاة غسلت القناع بصابونة دوف
وبعدين اذا جاء الليل وبنام اغسل وجهي بصابونة دوف وبعده احطه الدهان اللي في الليل وانا ومن بكره اكمل جدولي
ياريت الكل يقول لنا جدوله واسلوبه سواءاً خلص فترة الحبوب او مابعدها
وشكراً لكم جيمعاً

ومشكووووور يادغدغة ومتفائلة على النصائح الغالية