على ورق.. @aal_ork

محررة برونزية

... مزحة قلبت صالتنا فوق تحت ....

جالسين انا وجدتي وخالتي وامي واختي >> مابقى أحد..

قهوة وشاهي:f226: وسوالف ترد الروووح ...

وسط حمى وطيس الهرج والقرقر الوازد ...

قالت " جدتي " : يالله دخيلك قبل اسبوع اعدمت الشرقية ماادري كم طير؟

يقولون فيها " فانولزا الطيور "

حرفيا كما قالته ...

واندهشت امي وقالت : اعوذ بالله الشرقية مو من بعدها عننا ...

اللله يستر على عويلي ...

قاطعتهم خالتي " تموت ع السياسة "

وقالت : اقول شفتوا """" بكيمون """" وش يقول ؟

تنحت انا مااعرف هاالاسم رغم متابعتي للجزيرة

ابوي>>:arb: الله يجزاه خير يحطها غصب عني .. وكني معه أحب الاخبار ..

قمت اقلللب هالاسم براسي:rolleyes: بكيمون ياربي يالله منهو ذا ؟؟

الا تذكرت قلت خالة : حق ايش ومن اي قبيلة لافي >> عفوا من اي دولة ؟

قالت لي : حق الموخوذ " بوش " انا يوم عرفت انها تقصد " بانكي مون "

متت ضحك:laugh2: ابسكت ابسكت ابربط لساني ماقدرت

قمت اشاهق من الضحك والله اللي يشوفني يقول 5 سنين ماضحكت هالضعيفة

خالتي كانت تسوي لي فيها معصبة ..

بس ماامسكت نفسها من ضحكي وانطلقت معي ...

عارفه زلتها ..
امي تنحت :unsure: وجدتي مي عارفه شي سمعها شوي الله يحفظها لنا مالقطت إرسال السالفة زين ...

فجأة >> هنا الأصل:

دخل اخوي كنايته " الدحمي " توه جاينا ..

كفخ يده على طرف الكنب المتين وحط " طير " بسم الله علينا ونظر لنا بفخر

وقال وهو يستهبل :S_45: : جبت لكم طير شلواااا....

قامت امي واقلبت الدنيا فوق تحت ..

انت ماتسمع ماتشووووف اللي قاعد يصير الحين ..

الناس موتت والدنيا كلها امراض وجايب لنا طير طير ...

وكلام من خالتي وكلام من جدتي واخذ ورد وشد وجذب

ليما تدخل اخوي الكبير جاينا منطلق ...

على باله فيه هوشه ولا شي لا سمح الله ..

وانبهر اخوي " الدحمي " وجلس جنب جدتي

مو مستوعب وقال : بسم الله علي ... :blink: بغوا ياكلوني

السالفة وما فيها وانا اسوق السيارة خبط الطير على قزازة سيارتي من قدام وطاح وانا رحمته لأني انا المتسبب ..

رد اخوي عليه وقال ساخر:طبعا انت دفعت له الغرامة وصلحت له الكفر !

انتفض الطير فجأة بسم الله علينا مو صاحي ...

ويحاول يطير يحاول ويحاول الرجال مجتهد

.. ضحك " الدحمي " وقال : احلى حركات شكله شارب>>:22: بايسون ...

صرخت امي هنا الصرخة المدوية وقالت :
ياويييييل حظي ..

امسكوه لا يدخل خدا الغرف امسكوه وحنا من هنا

واخوي الكبير من هنا والدحمي وخالتي واختي ...

الا جدتي كانت جالسة تآكل حبوب السكر ...

وتدقق بعلبة العلاج .... مي يممممنا ...

وقالت امي : آآآه منك ... اكيد انه مريض ولا ماطاح كذاعبث لوما هو مريض ياولدي ماطااااااح ...

وقامت تنادي : جميله جميله تعالي بسرعة تعالي كنسي هذا وهذا وهذا

كله كان عبارة عن ريش الطير اللي جابه لنا الذكي الكريم ..

وقالت لأبو المزحة الحلوة :
اقول اطلع بالله رفعت ضغطي .. اطلع الله يهديك ويصلحك ...

من هنا خذو فايدة مهمة :
انتبهوا من المزح اللي مثل كذا ..
والله جد ...
رحمة من ربي ان الطير مافيه شي
وبلدنا امان بس بربكم مين يضمن طير ثاني من هالطيور اللي تسبح فالفضا الخالي ؟ وبهالوقت هذا وبهبّت الامراض القوية المستعصية اللي الى الآن مالها علاج ... !!

مااحد بايع عمره ....

وهاذي هي المزحة اللي قلبت صالتنا فوق تحت ..

.

يلزم عليك تسجيل الدخول أولًا لكتابة تعليق.

تسجيل دخول

قمر على هيئة بشر • 17 سنة

هههههههههههههههههههههههه

والله عايلتك زاحفة..........................

قلبٌ أدمته الجراح • 17 سنة

صار هالمرض كابوووووووووووس الله يرحمنا برحمته

ماالومهم الله والحرص وااااجب..

ذكرتيني قبل يويمن طلعت لصديقتي.. وسوالف ومااخذين راحتنا عالاخر.. الا بنتها داشه ومعاها حمااامه

لاجئة في بيتهم من اسبوع<<< شكلها هاجه من الشرقيه خوفا من الاعدام خخخخخخخخخخخخخخخخخخخ

واسيل فرحاااانه بهالطير وتبي تشيله وانا وهي بهوشاااات ياما مريض وهي ماشاءالله كل رد سؤال...

وش فيه ماما

قلت ياماما اخااف فيه فلونزا الطيور قالت وشو ففونزا خخخخخخخخخخخخخخخخخخ

لان شكل الحمامه مايريح اطلاقا

وراح وقتي هوااش واقناااع لها البنت الين طفشت منني الحرمه وقالت تكفين ضفي وجهتس انت وبنتي لاعاد تدشين هينا خخخخخخخخخخخخخخخخخخخخخخخخخخخخخخخخخخ

عصفورة السحاب • 17 سنة

ههههههههههههه

على ورق.. • 17 سنة

قمر على هيئة بشر:
زاحفة هاه ؟ والله لأحطك عندهم اخليك تعرفين وش هو الاستهبال توك ماشفتي شي يالغالية...
اشكر مرورك ياحبي لك ...

على ورق.. • 17 سنة