طبعا خبر وفاة اختي كان فاجعه كان خبر ماكنت حابه اسمعه

ماكان فيه احد في البيت كلهم راحو اقصد هلي لان مثل ماتعرفون متزاعله مع زوجي

نمت وانا ماادري عن نفسي

كنت طول الليل ادعي لها تقوم بالسلامه

وانا نايمه اسمع الجرس يدق يدق يدق عرفت ان شيء صار

رديت مين؟ قال يا.... افتحي انا.... اللي هو زوجي

قمت صارخت قلت ماني فاتحه

مافتحت لاني مابيه يقولي ان اختي توفت وثانيا زعلانه منه

دخلت غرفتي ماسكه صيحتي

ماوعيت الا زوجي يرقى الدرج

الرجال طمر بيتنا

يوم شفته قعدت اصيح عرفت ان اختي توفت قعدت اصارخ وهو ضامني ويهديني

احسه ماصدق انه ضامني ويقولي الحمدالله انك بخير وو وانا اصيح وانادي اختي ماني في لمه والل


وداني مع خواني وخواتي للمغسله

وخواني دعوله لانه جابني ماقدرو خواني يجيبوني

اليوم الثاني من العزا او الثالث قابلت زوجي

وقالي لاتتركيني انا بيجيني شيء اذا تركتيني

لك مني اذا ضربتك مره ثانيه اطلبي اللي تبين بس لاتخليني

والله يابنات يحكي وانا ماني في حاله حزنانه على اختي

قالي من رحتي معاد اكل زي الناس حتى اني نحفت وفعلا اشوفه ناحف

قالي اذا تبين اخذ شقه ونطلع خذيت اهم شيء ترجعين معي

بعدين يبنات قام يبي يبوس رجلي قمت اصارخ لاتبوس شيء مابي شيء انا مابي شيء

قال ابيك تسامحيني وتطالعين فيني لاني كنت مغمضه مو راضيه اطالعه

قمت انا علمته بكل شيء علمته ليه انا معاد ابيه

قالي منقال اني مااصلي قلت انا اشوفك

قال لا هذاك اول صرت اصلي

قلت طيب طيب

انا اعرف ان اللي يصلي ينور وجهه

زوجي لا مدري لانه اسمر مدري

بس مااحس ان فيه نور معليش يمكن تفكيري مدري كيف بس هذا اللي اشوفه


حاليا يبنات هو يدق علي وانا ماارد لاني مابي ارجع كان ماصار شيء


الله يلحقنا خير على رمضان ان شاء الله

بس مابي ارجع لبيتهم

العام في رمضان كنت حامل في بنتي الثانيه

وكنت اطبخ للبيت كامل ماعذرني وقال حامل تعبت وطقني في رمضان

فما بالكم في بنتين الحين معي وكلهم يصيحون وحاله وامه ماتمسك معي البنات لا والله عز الله بتذابح اناوياه




اول مابي ارجع بلوشي

كل حريم خوانه طلعو الا انا ماكلتها ليه


صراحه فرق لما تطبخين لزوجك وعيالك وعلىراحتك

مو اتطبخين لحموله كامله والمطبخ تحت ولابسه جلالك واخوانه لسى ماتزوجو وش الله حادن




بس انا الان حدي نفسي وبناتي

الله يرحم اختك ويغفرلها ويجعل قبرها روضه من رياض الجنه
ويدخلها الفردوس الاعلى من الجنه بدون حساب ولا سابق عذاب
وبخصوص موضوعك اتمنى انك تسامحينه لكن بشروطك

اولا : الصلاه يحافظ عليها لان صدقيني لو حافظ على صلاته ربي يوفقكم وييسر لكم اموركم

ثانيا : يستاجر لك شقه حتى لو غرفتين وصاله
المهم بيتك لوحدك تاخذين راحتك وبناتك يحسون
بالاستقرار امهم وابوهم مع بعض

ثالثا : مايمد يده عليك ابد مهما كان السبب واذا عصب ولازعلتيه بشي يطلع برا البيت ياخذ لفه يهدي نفسه ويرجع يتفاهم معك

والله يوفقك ويسخر لك زوجك ويخلي لك بناتك ..

اللهم امين 

حركه انه اذا عصب يطلع وياخذ لفه مو وارده عنده سبحان الله


كليون مره اقوله اطلع عني اذا عصبت 

لا اخونا في الله يترزز قدامي كنه يبي مشكله 


ماني عارفه 

الله يسهل امورك
ارجعي لكن بشروط واهم شي يصلي وبيت منفصل عن اهله
والله يوفقك

الي فهمته ان مشكلتك لحدالحين ماانحلت
اوﻼﷲ يرحم اختك ويجعلهامن اهل الفردوس ياااااااارب
شوفي يااختي لك استشاريه وشوفي حل لمشكلتك اذا عندك تويترراسلي ناعمه الهاشمي
اوخذي استشاره عندهابس اتوقع انهاغاليه
اوشوفي هﻼخلفان تقدم لك استشاره لمدة شهروتتابع معك المشكله بس150ريال تروح في اغراض بقاله ﻻتستخسريهافي نفسك
عندي وحده) ادري ممكن تساعدك راسليني عالخاص اذا تبغيهاوارسلك رقمها