الله المستعان انتي ماخفتي من الله قاعده مع انسان مايصلي عشان كذا هو ماخاف الله فيك كل شي بهون عند تارك الصلاة يعتبرمه كافر وانتي مسلمه يعني مالك جلسه معه وصدقيني مادام هذا حاله ما راح تحسين معه بالراحه ولا الامانفمن اعرض عن ذكر الله فمعيشته ضنك ومعاناه ولا فرج لك الا باستقامته ولو بالمحافظه على الصلاة

الله يرحم اختك ويغفرلها

اول حل تبدئي تغيري من نفسك تداومي عالصلاة سواء كنتي ببيت اهلك او معاه
تحافظي على الاذكلر وقراءة القرآن حتى ربنا ينور لك دربك
وعفكرة ماله ضرورة الي يداوم عالصلاة تلقي وجهه منور
معلش ضحكت لما قلتي يمكن لانه اسمر وجهه كذا
هالمرة شكله صادق والله أعلم
اطلبي منه ما ترجعين الا لما يستاجر بيت جديد
من اول ما يأذن قولي قوم يا بوفلان نصلي سوا..شجعو بعض
العود قولي مالي دخل ان تبغى تعزف او لا المهم ماتدخله بيتي ولا تعزف قداامي
يمكن كل هالمشاكل الي تصير معكم بسبب هروب الملائكة من صوت المعازف

خليك صارمة بشروطك
وان شالله تبدئين حياة جديدة معه عشان اطفالكم بس لا غير

صلي انتي وياه وشوفي كيف يتغير حالكم
الله يهديكم.

اهلين بنات


طبعا فيه شيء جديد بالنسبه لموضوعي


انا من يوم عزا اختي الله يرحمها امين

ويوم اجلس مع زوجي معد شفته ولاشافني لاني لايمكن ارجع لبيت هله لو انذبح وقايلتله الشيء هذا رغم محاولاته اني ارجع

يمكن طلعت عليه مره لانه كان يجي يشوف بناته ويطلب يشوفني بس كنت ارفض

والمره الثانيه اللي طلعت فيها عليه انهرت وقعدت اصارخ واقوله مابيك طلقني ماابغاااك لانه برضو كان يقول مااقدر اطلعها والله مو اخوه احسن منه

حتى اخوي طلعني وانا اصيح

من بعد هذيك الجلسه معاد ندري عن بعض وانا حضرته في الواتس لاني مااستفدت غير الهواش انا وياه ورفع الضغط

يمكن لنا اسبوع ونص من بعد الحظر الى الان

مليت من الاسطوانه نفسها ودي ارجع وانا مستفيده


جا وسط الاسبوع علشان بناته وجلس معه اخوي وطلب يشوفني واكيد رفضت

قالي اخوي بعد ماجلسنا انه يقول اني ادور شقه الحين ومتى مالقيت قلت لكم وكذا

يوم سمعت الكلام هذا ابتسمت من جواقلت اوكي بس هذا اللي قاله

قال ايه
يوم كان يراسلني في الواتس كان يقول اذا مارجعتي ترى بتزوج ماراح اقعد بدون حرمه لانه يعرف جنيتي الكلام هذا

قلتله ههههه والله حبيبي الشرع محللك ارررربع اذا تبي ومن قال اصلا اذا تزوجت علي برجع لك والله نجوم السما اقرب لك هذا اللي ناقص تجيب علي انا ضره

ههههههه وقمط مارد يحسبني بخاف

صار اذا شافني يقولي انتي تحبيني والا صرتي تكرهيني

قلت والله انا حبيتك بس انت ماراح تحافظ على الحب هذا دايم تزعلني معاد اتحمل

انا ماعمري عاملته بالقسوه هذي كنت اذا تزاعلنا اسبوع وارضى وارجع

بس المرههذي خليته يفقدالامل اني ارجع

لان طقت كبدي والله


امس العصر جا وهو داري ان اخوي منتدب طيب من بيطلعلك ويجلس معاك

خليت الخدامه تنزله البنات بس بنتي الكبيره عيت تنزل تبيني انزل معها
قالت لي امي انزلي لزوجك قاعد لحاله وشلون تبينه يعطيك مصروف على قولتك وانتي ماتجلسين معه ولاتحاكينه ولاشيء




طبعا المصروف قطعه مني يقول مافيه لين ترجعين وابشري

وطبعا تهاوشت معه على هالشيء ومافي فايده


وبيني وبينكم في اليومين هذي اشتقت له اشتقت لحضنه وريحته ومزحنا

بس اني ماسكه عمري علشان مايروح تعبي سدى

قمت لبست وجهزت وخذيت بنتي ونزلت دخلت عليه طااااالع فيني مثل اللي متفاجئ وجلسنا مع بعض وطول الوقت يطالع فيني ويحب يدي

اذن المغرب قال بروح اصلي بتنتظريني

قلت بنتظر بس رح صل

راح ورجع وتقهوينا مع بعض

وكل هذا وكاننا اول مره نشوف بعض

كنا نناظر بعض ونضحك

قالي لو اقولك خذيت شقه بتجين معي

قلت ايه واالله بجي اكيد بجي

قال طيب متى تجين تشيلين الاغراض وكذا علشان ننقل!!!!!


بنات انا قلتله كيف تبيني اشيل الاغراض وين الشقه طيب

قال الشقق في كل مكان انتي تعالي ساعديني فيالاغراض علشان يجون العمال يفكون الغرفه وكذا وننقل

انا فرحت قلت له متى ماصارت فرصه قلتلك علشان اجي ونشيل الاغراض

مع اني مو مقتنعه بكلامه

قلت لامي الحكي هذا قالت وين الشقه طيب

وشلون تشيلين اغراضك وماشفتي الشقه بعيونك

واذا رحتي هناك وتحايل عليك بالكلام وفي الاخير قعدتي لاسقه ولاغيره

ابي اخوي يفاتحه في الموضوع اذا هو جاد فعلا والا يلعب علي!!! علشان ماتصير مصيبه

اختي ارجعي لله وتوبي على تقصيرك وادعي ان الله يفرج همك ويصلح حالك

لا تتساهلي في الصلاة
هذا مو شي سهل الموضوع فيه جنة ونار