%مسابقة أفضل موضوع: سفرتي أنا وبنات المنتدى للندن خطيييره هاهاهاها ادخلو لايفوتكم%

مرحبا بنات وش أخباركم؟
أحم
أحم
أقدم لكم قصتي المتواضعه<حشى إعلان فيلم
ياالله نبدأ بسم الله

أعذروني طويلة مرره بس عادي انتم وراكم حاجة هاهاها
إن شاء الله تعجبكم

في يوم من الأيام قررت أنا وبعض بنات المنتدى نروح لرحله بس مانبي نقلد بنات المنتدى اللي قرينا بقصصهم اللي راحو كشته واللي راحو يصيدون< هعهعهع
قررنا نسافر برا وسوينا قرعه وطلعت سفره للندن_
الله لندن وماأدرانا مالندن
فتجمعنا حنا البنات وتشاورنا فاتفقنا أنا وأصيلة وفحوطه وحروبه ومارشميللو على كل شئ
أصيلة: خلاص أنا أباخذ قدور أمي اللي مجدوعات بالمستودع< مجدوعات معناها مرميات لغير الناطقين باللهجة القصيمية ههههه<أخلصي علينا
فحوطه: أما أنا أبروح لجيان وأشتري العزبة<العزبة: مقاضي السفرة من رز وسكر وقهوة..الخ
أما حروبة بكل براءة: أنا علي الذبيحة
مارشميللو: أغمى عليها من الصدمه
أما أنا صرخت فيهم هييييييه الله يرجكم وين رايحيين!؟
اللي يسمعكم يقول رايحين الصمان أقول كل وحده تجيب شنطة ملابسها وإلا والله ماتشوف السفر بعيوونها<<خرشتهم
البنات: خلاص خلاص بس متى بنسافر؟
أنا: بعد يومين أنا حجزت لنا تذاكر وطيارتنا الساعه 7.a.m
الموهييم<على فكره أصيلة تحب هذي الكلمه هعهع<اخلصي علينا
جاء اليوم الموعود وكنا طايرين من الفرحة لدرجة إنا مانمنا قعدنا نودع البنات بالمنتدى الترفيهي ههه
أول وحده وصلت المطار أنا بعدين جت مارشميللو دايخه ونصها نوم: صباح الخير شوشو
أنا: صباح النور
وبعدين جت فحوطة تشر لنا من بعيد: صباح الخير بنات
وأخذت عربة الشنط وقعدت تقحص بالمطار ومرت علينا قالت: بنات من ودها تأخذ لفة_ وكلنا نزلنا روسنا<<ماحنا بايعين أعمارنا
فحوطه: حنن حننن أنتم الخسرانين
وأخذت تجوب في أرجاء المطار<<أموت على العربي الفصحى هاهاها
أماحروبه أبطت وهي ماجت قلقنا عليها ويوم أخذنا 5 دقايق إلا ونشوفها من بعيد توها داخله البوابة وكاشخة البنت وكانت حاشره نفسها ببنطلون ضيق مدري وشلون لقت مقاسها وهي سمينة كذا<< حروبة لاتزعلين أمزح والله أحبك بس كذا جتني الأفكار هاهاهاها
ولابسه بنطلون أزرق وتي شرت صفراء<<نصراوية البنت هههه
أما فحوطة بعد ماصدمت خلق الله بالمطار وطاااااخ داست على رجل مارشميللو: آآآآخ وكل الناس قعدو يطالعون فينا <<فشله
وصلت حروبه وكلنا بصوت واااحد: أحلىىى يالكشخه بغى يغمى عليها من الحياء
فحوطه: إلا يابنات وين أصيله؟
أنا: أوووه صح لايكون أهلها رفضوا<يقال إن أهلنا فري هاهاها
ونتطلع أصيله
مارشميللو: ياربي وين راحت هذي؟
وشفنا وحده من بعيد تشبهها معها شنطتين كبار وتسحب وراها تنكتين بس مدري وش فيهن؟
أنا: بنات هذي مو كأنها أصيلة؟
فحوطة: إيه صح بس وش جايبه معها أجل ماقلنا شناط وبس
ووصلت أصيله: مرحبا بنات تأخرت عليكم؟!
كلنا: لا لا لا أبدآ بصراحه بدري كان أبطيتي بعد
أصيلة: بصراحة بنات وأنا جاية لقيت واحد يبيع كليجا ومعمول وقلت معقوله نروح ولانأخذ شي من أكلنا وأنا بيني وبينكم ماأقدر أصبر عن المعمول والكليجا<هعهع
حروبة: لا لا لا لا معذوره بعدين أنتي وش لابسة الله يفشلك؟ جلابية؟!!
أصيلة: لا لا لا الله يهديكم لايروح بالكم لبعيد أنا لابسه لبس زين تحت الجلابية بس الجلابية تمويه لأهلي عشان أنا قايلة لهم أبخيم مع صديقاتي_
حروبه: أشوى بغيتي تجلطيني..
مارشميللو: يالله يابنات ينادون علينا خلونا نركب الطيارة..
وفحوطة أول وحدة أنطلقت كما البرق هي وعربيتها عشان تفحط قبل لانوصل_هاهاها
أهم شي ركبنا الطيارة كلنا درجة أولى حركاات <<أحلفي
أما أصيله عيت يخلون التنكات مع الشنط أصرت أنها تكون معنا
وجات المضيفة : أهلا وسهلا فيكن على متن طيارتنا شو بتطلبو على الفطور؟
مارشميللو: أنا فطيرة جبن وعصير فريش
حروبه: أنا عامله دايت ياليت خبز أسمر وبيبسي دايت<<ياااي
فحوطة: شاورما وبيبسي< شكلها مضيعه هو فطور وإلا عشاء
أنا: أبغي عصير ومعلبات<مصدقة
أصيلة: أمممم أبي ياحبيبتي حليب بالزنجبيل وخبز حار وكراث<<هعهعهع بس
...و بعدين خنقتها بالشيله وقلت جيبي لها أي شي
المهم قالو لنا أربطو الأحزمة وكلنا ربطناها إلا حروبه قالت لها المضيفة: إذا ربطتي الحزام راح نرميك برا الطيارة <<هع هع تحطيم على أصوله ينرحم الحزام
المهم طارت الطيارة وأنا جالسه أتفرج على الشاشه وأصيله شبكت مع وحده بجنبنا ومعطيتنا أشكل أما فحوطه بعد المجهود اللي بذلته في سبيل دفع شناطنا ولامانع من تصديم الناس نامت
مارشميللو أشوفها تأخذ شي من شنطتها وتآكل فسرقت شنطتها أبشوف وش فيها لقيتها مليانه علوك<< لا يا النذلة مافكرت تعطي خوياتها
عاد أنا طلعت أنذل منها وأخذت العلوك ووزعتها على الموجودين بالطيارة
أما حروبه كل ماجاء مطب طاحت في حضن وحده منا <<الله لايوفقك من مضيفة
آخر مره طاحت علي بغت تكسر عظامي بس أصيله أنقذتني ماشاء الله عليها جايبة معها(فكس_مكافح أرياح_ مرة_ حلتيته....الخ)<محل عطاره لاإله إلآ الله
حروبه:شوشو شوفي هذا اللي بجنبنا يخوف شكله شكل مجرم؟
أنا: وين.... إيييه جتكم عاد هالموسوسه <وقمت أتفلسف< لاتحكمين على الناس من أشكالهم وووو....
والله ويقوم هالمجرم على ماقالت حروبه ويرفع علينا المسدس.
Don't move every one put his hand behind his head!
الترجمه: لاأحد يتحرك كل واحد يحط إيديه ورا راسه
هو: heee you! هيه أنتي! ‏
يقصد فحوطه كانت تحلم ماتدري عن نفسها كأنها تلاكم وتضارب بعدين مسكناها وقومناها
فحوطه<يمه وش صاير <وعطتني كم لكمه قبل تصحي
ففعلا خطف الطياره بمساعدة واحد من أخوياه_
فغير الطيار مسار الطياره ورجع
حروبه: بنات لازم نسوي شي ماهو معقول هالدلخ هذا هو وخوية يخربون سفرتنا_
مارشميللو: أقول اسكتي لا يذبحونا بس
بس الحمدلله جاء الفرج الطياره ضربت مطاب وطارت حروبه و طاحت على واحد منهم حتى ماأمداه يرميها بمسدسه<<حمدالله ع السلامه حروبة>> وكسرت عظامه وأصابه شلل نصفي من قو الضربه<<هاهاهاهاي
ومسكناه وربطناه ورحنا لغرفة القيادة نبي نمسك الثاني فكشف خطتنا ورفع المسدس علينا ومشى معنا لين أماكنا وصار مطب ثاني بس هالمرة ماطارت حرووبة وطاحت عليه_
وشو اللي طاح عليه؟




طارت التنكات حقات أصيله وجنه داعسات يمشن 2000 وطااااخ ضربنه مع راسه بعدها فارق الحياة
وسيطر أمن الطيارة عليهم بس ياخسارة رجعونا للسعودية وكشفونا أهلنا وسوو لنا حضر تجول مانشوف بعضنا بس نسولف بمنتدى عالم حواء
وتوته ياتوته خلصت الحتوتة


أتمنى من البنات اللي راحو معي>مصدقه<مايزعلون من أدوارهم بالقصه يعلم الله وش كثر أحبكم وعذرا على الإطالة_
أحبكم:27::39: