امس الحمدلله خربتها
مرررررررررررة

وان شالله اليوم كل شيء يتعدل

ام احمد العسل:
حبيبة قلبي أنتي والله ومشكورة على سؤالك المستمر عني وهذا يدل على طيبة قلبك وكبر قلبك وأوعدك اني بإذن الله ماراح أخبص ليما أوصل للوزن المطلوب والحمدلله انه أمس بديت البداية الفعلية لي والحمدلله كان خضوري وانشالله راح اواصل معاكم وتكون آخر مسابقة نوصل فيها للوزن المطلوب

:SHY G!RL
مشكورة بعد عمري والله على سؤالك عني فيج الخير والله وانشالله اتروحيين واتردين بالسلامة يارب ويحفظك ويجعل لج في كل خطوة سلامة وطمنينا عنج وعن أخبارج وانشالله اتواصليين على الرجيم في السفر لا حرام اتضيعيين تعبج وناطريين اخبارج

لملومه:
حبيبتي ما في شي مستحيل واحييج على ارادتك بس لا تخليينها تضعف انه كنت مثلك احلم متى اوصل إلى الستينات ولما وصلت ما كنت مصدقة نفسي من الفرحة وبعدها بديت أحلم بالخمسينات ولله الحمد شفتها ووصلت ل59 بس خبصت اسبوعين وزدت كيلويين والحين انه ناويه على الخمسينات بإذن الله وأهم شي قسمي هدفك يعني قولي هالاسبوع راح اخسر كيلويين وابذلي جهدك انك تحققين هالهدف وهكذا لكن لاتقوليين راح اخسر 30 كيلو في 3شهور لانك اذا ما قدرتي راح اتحسين بإحباط وتاكلين أكثر فأحسن شي هو تقسيم او تجزيء الهدف اللي تبين اتحققينه والله يقدرنا وياج ونوصل للوزن المطلوب

SoSoEl7eLwA:
الف مبروك على فقدان الوزن والله انك صاجة اتحسين بفرحة لما احد ايقول لج انج ضعفانة وجسمك صاير حلو وانشالله انشوفك بالجسم المانيكان والله يفرح قلبك دنيا وآخره واذا حاسه بتعب حبيبتي ممكن تفكين الرجيم يوم عشان تستعيدين حيويتك وبعدها تكملين براحة بال وبإرادة قوية اعتبريها مكافاة لنفسك على التزامك بالرجيم لانه مهم ان الانسان ما يحس انه محروم ومهم انه يكافأ نفسه بأكله اهو ايحبها اذا التزم بالرجيم او انه تشترين لنفسك ملابس بحجمك الجديد كنوع من التشجيع لنفسك وديري بالج على صحتج وانصحك ابتعدي عن الميزان ابتعاد كلي وبالذات وقت الدورة لانه يسبب احباط كبير وزني مرة بالاسبوع فقط مو أكثر عشان النتيجة اتشجعك أكثر

رحوبة:
حبيبتي الله يفرح قلبك بالوزن المطلوب واستمري على الايام الخضرا بس حبيبتي ما انصحك بالرجيم القاسي لان راح ايكون له نتايج عكسية وجسمك ومحتاج للطاقة فديري بالج على أكلج وأكلي اشياء تفيدك وبنفس الوقت سعراتعل قليلة وحاولي ما تحذفيين أي وجبة لانك راح اتلاقين نفسك اتعوضيين بالوجبة اللي بعدها

ساروونة:
الله يوفقك حبيبتي بس ديري بالج لان الكبدة فيها سعرات حرارية كثيرة وحاولي اتقلليين من التوست وخذي 1 او 2 مع قطعة سكم او دجاج صدر مشوي افضل وحاولي حبيبتي انج ما تحذفين وجبة من الوجبات لانج راح اتعوضيين بالوجبة اللي بعدها وترا مو معنى انك اذا حذفتي وجبة راح ايسرع عملية فقدان الوزن ممكن ايكون العكس يثبت الوزن او يسبب زيادة لانج لما تحذفين وجبة الوجبة اللي بعدها راح اتكونين في قمة الجوع ولما اتشوفين الاكل ما راح تقدريين اتقاوميين وراح تاكلين اكثر من المفروض فديري بالج على هالنقطة لاني لاحظت الكثير من البنات ايسوونها بس ما يدروون مدى خطورتها وبالنسبة للحمص اذا بدون زيت وطحينه ما يمتن يعني نخي مع توست اما اذا كنت تقصدين الحمص اللي بالطحينه والزيت اللي من المطاعم فهو يمتن لان فيه سعرات كثيرة وبالنسبة لامس كان شوي ازرق باليل وهذا كله لانك حذفتي الفطور والغدا ديري بالج

فاتنة الحي:
حبيبتي رجيمك حلو بس يفتقد إلى عناصر مهمة يحتاج لها الجسم مثلا وين السلطة والكالسيوم ولا تبيين شعرك يطيح وبشرتك تبهت واظافرك تتكسر حبيبتي الفطور ظيفي عليه بيضة او جبن قليل الدسم او لبنه قليله الدسم والتفاحة خليها بين الوجبات والغدا ضروري اتضيفيين عليه سلطة عشان تتجنبين الامساك والعشا ممكن لحم مشوي او توست مع جبن او لبنه قليله الدسم او زبادي مع خيار يعني شي يسد الجوع مو يخليكي تقوميين الصبح اتدوررين الكل كانك طالعه من مجاعه ادخلي كل العناصر اللي يحتاجها الجسم في رجيمك عشان ما تعالجين شي واتخربين شي ثاني وانشالله مع الرياضة راح اتلاقيين نفسك خسرتي الوزن وبكل سهولة

كهرمانه منمشه:
مبروك على النزول وإنشالله انشوفك على طول مبسوطة بس لاتنسين الرياضة عشان ينشد الجسم لان بدون الرياضة راح يسبب لك ترهدل فحاولي انك تمارسين الرياضة لمد نص ساعة على الاقل يومياً وبما ان وزني ووزنك متقارب وانه ودي اوصل لل57 كيلو شورايك نتنافس منو يوصل للوزن المطلوب قبل الثاني عشان انشجع بعض أكثر ؟؟

al_s7r:
حبيبتي الليمون مع الكمون مفيد في علاج الكرش بس وصراحة انه ما جربته بس سمعت انه مفيد للكرش اما انه ينحف فما اعتقد واذا انتي عندج كرش جربيه لان كثير يمدحونه للكرش اما التحيف ما في احسن من الرجيم والرياضة وشاي الاعشاب (مرمرية + بابونج + أكليل الجبل)

حبيبة البحر:
حبيبتي رجيمك روعة واسمحي لي اني اخذته لانه عجبني وانشالله راح اطبق منه والله يوفقك انشالله و4 او 5 كيلو بأسبوعيين روعه الله ينولنا اياهم وياج

همبرغر:
حبيبتي مو تيني من الضحك اتخيلك وانتي بعباتك اتنطنطين وواحد من الجيران داخل عليكم يا حلات الموقف هههههههه امزح معك وانه كنت اسوي مثل طريقتك لما اتاكد انه ما كو احد من الجيران البس عباتي وهات نط على الدرج بس ما انصحك اتكثريين لانه فعلا متعب وعليج برياضة المشي واكتفي بخمس دقايق على الدرج وانصحك ابتعدي عن الفلافل والزيت اما الفول بدون زيت فكويس وما يمتن بس اهم شي يكون بدون زيت اما الفلافل فابتعدي عنها احسن ليش التخبيص ابي افهم ؟ وشنو الشي اللي ما قدرتي اتقاومينه؟

zuzu189:
حبيبتي لاتحسن بأحباط ولا تكدريين خاطرك اولا النزول السريع خطر جدا ثانياً اللي ينزل بسرعة يرجع أسرع وبوزن أكثر خذيها نصيحة مني المنتدى مليان رجيمات اختاري انتي الرجيم اللي اتحسين انج تقدريين اتواصلين عليه وفيه الاكل اللي انتي اتحبينه ومو مهم كم راح تنزلين إلى تاريخ 20/8 المهم انك اتنزليين من وزن حتى لو كيلويين او 3 وانه متأكدة انك راح اتنزليين أكثر قسمي وزنك على اسابيع يعني مثلا ابتدي من بكرة الاثنين وقولي من بكرة الى الاثنين الجاي راح انزل 2 كيلو ومن الاثنين الجاي الى اللي بعدة راح انزل 2 او3 كيلو وهكذا على الاقل لما ايوصل تاريخ 20/8 راح اتكونين نازلة بين 5-8 كيلو ويمكن أكثر فشنو احسن انك اتنزليين 5 او 8 كيلو او انك ما تنزليين شي فكري بالموضوع؟؟

عود معتق:
والله شهيتيني صحن لقيمات يم يم لذيذ بس ابيج اتفكريين منو اتحبين اكثر صحن اللقيمات او اتحبين نفسك اذا كنت اتحبين الحلا اكثر عرفي ان شكلج راح ايكون مثل الفيل اما اذا حبيتي نفسك أكثر صحيح راح اتضحيين بالحلا بس راح تكسيبن جسم روعه وتكسبين حبج لنفسج قشنو تختارين الحلا والفيل او اتضحين بالحلا لوقت ما وتتمتعين بالجسم الروعه وهذا مو معناه الحرمان يعني ممكن تاخذين قطعه او قطعتين بس مو صحن كامل

شرمين:
الله ينولج اللي في بالج حبيبتي واستمري اسبوع او اسبوعيين على الاخضر وراح اتلاحظيين ان ال4 كيلو اختفوا بلمح البصر والله يوفقنا وياج

طبرجل:
أنشالله يومك أخضر وما فيه تخبيص أما بالنسبة للبيتزا بالجبن فسعراتها 236 سعرة حرارية ل100غرام وبما انك سويتي رياضة انشالله حرقتيهم ومرة وحدة مو مشكلة انك تكدريين خاطرك عليها وديري بالج مرة ثانية

Human :
مبرووك على الاخضر الله يجعل كل ايامك خضرا وانشالله تبشريين بالوزن الاخضر

** المُحبّة للخير **:
هلا بأم الخير كله حبيبة قلبي فعلا انتي اسم على مسمى وانشالله اتكون بدايتك بداية الخير عليج وانشالله توصليين لكل اللي انتي تتمنينه لانج بنت أصل وخيرج واصل للجميع الله يجعلها في ميزان حسناتك

راجية رحمة ربي:
مبروك على الوزن الجديد وعقبالي اوصل لعندك والله يثبت فيج ويجعل عزيمتك فوق ليما توصليين للوزن المطلوب

زمردة 100:
حبيبتي الناس يوم السبت تبتدي الرجيم وانتي ما شاء الله عليج بديتي التخبيص ياعيني على المجبوس وكل هذا رجيم آخر مرة لج وان عدتيها راح اوريج العين الحمرا خخخخخخخ انشالله اليوم يكون يومج خضوري

موكي:
حبيبتي اذا امس خربتها معناها اليوم لازم اتعوظين ولازم انشوف الاخضر ولا تخبصيين مرة ثانية واذا واصلتب إلى السبت الجاي بدون تخبيص راح اتكون لج مكافأ من عندي شرايج؟

Narima:
بعد عمري وينج والله لج وحشه وانه دايما اتابع اخبارك وفعلا فرحتي لاتوصف لما قلتي اني شجعتك على الاستمرار في الرجيم ما تتصوريين فرحتي وانه يا حبيبتي ما نسيتك بس والله الظروف شوي صعبة بس الحمدلله على كل حال واهم شي انج مواصلة الرجيم وهذا كله عشانا عشان نفسنا قبل أي شي لان واحنا بالشكل المتين اولا راح نتحسر كل مل نشوف جسم حلو وراح نكره نفسنا لانا مو قادريين نلبس شي ونكشخ مثل الناس وثاني شي الامراض الكثيرة اللي تجي من ورا السمنة الرشاقة قبل ما تكون جسم حلو هي صحة لجسم الانسان والحين الازواج بعد وجود الفضائيات والتحرر الموجود في العالم العربي ووسائل الاعلام اللي تنقل هالبنات اللي اجسامهم واشكالهم تجنن العاقل والمجنون وازواجنا ايشوفون اللي عندهم بالبيت فيل مو قادر يتحرك حطوا روحكم مكانهم برا يشوفون الجمال وبالبيت الزوجة مهملة بشكلها وبجسمها كل همها الطبخ والعيال لازم الزوج يدور برا فما نبي نوصل لهالمرحلة لازم نلحق نفسنا قبل ما يجي وقت ما ينفع الندم وطبعا اذا ما كنتي متزوجة اول شي يجذب الريال في الحرمة هو شكلها فلازم انحسن من شكلنا والله يوفقنا جميعاً

بنت الكويت :
هلا بكل الغلا ونور العين وأختي بالدنيا والآخرة بإذن الله مبروك على وزنك الجديد والله يفرح قلبج وقلب زوجك فيج وانشالله للاحسن دايما بس لاتطوليين علينا ترا انتي واختي عطر البوادي شمعة ونور هالمسابقة والله يردكم لنا بالسلامة وسامحيني اني ارد على البنات في فترة غياب أختى عطر البوادي لاحياء التشجيع ورفع معنويات خواتي

عطر البوادي:
افتقدك وافتقد طلتج علينا الله لايحرمنا منها لانج فعلا مثل الشجرة اللي تظلل علينا وفعلا تشجيعك لنا ودعمج الدائم لي وللخوات هو أكبر دافع لنا ان نوصل للوزن المطلوب وانشالله الله يقدرنا ونرفع راسج بعد وصولنا للوزن المطلوب واتحسين ان تعبك ما راح بدون فايدة وتجنين ثمار اللي حصديته من الدعاء لج بالتوفيق في الدنيا والآخرة والله يجعل كل كلمة تفيدين فيها الخوات حسنة في ميزان حسناتج يوم القيامة بإذن الله

انه ولله الحمد امس كان اول ايامي الخضرا والحمدلله أخضر على أخضر

السلام عليكم ورحمة الله وبركاته
ممكن اشارك :29: أسفه ما كنت ادررررررررررررررررررررررررررررررررررررررررري
اعرف اني متأخره عنكم :o بس مب مشكلة بنتوكل على الله وياكم
طولي 158سم
وزني 71 كيلو :(
مب اتبع ريجيم معين بس بقلل وطبعا مع مشي عشان أحب مشي وايد بحاول كل يوم أن شاء الله
:09: أن شاء الله اقدر أكمل وياكم

ثلاثة حلول لثبوت نزول الوزن


الحل الاول:

بمجرد ثبوت نزول الوزن يعطى إجازة من الرجيم لمدة 48 ساعة. ويأكل الشخص مالذ وطاب .. وذلك لكسر التكيف مع الرجيم القاسي .. وبعد مدة يوميين يتم العودة من جديد إلى الالتزام بالرجيم ومن الممكن تكرار عملية كسر الرجيم أكثر من مرة.

الحل الثاني:

زيادة جرعة المشي والرياضة إلى أكبر قدر ممكن.

الحل الثالث :

هو استخدام نظام الرجيم الدوري المتغير وهو نظام يتميز بتغيير النظام الروتيني للسعرات الحرارية، بمعنى ان يتم تغيير قيمة السعرات الحرارية التي يتناولها الشخص في حدود مرتين اسبوعياً كما يلي:
- الاسبوع الاول: يعطي 600 سعر حراري يوميا لمدة 3 ايام متتالية
- في باقي الاسبوع الاول : يعطي 900 سعر حراري يومياً
- في الاسبوع الثاني : يعطى 1200 سعر حراري يومياً
- في باقي الاسبوع الثاني : يعطى 900 سعر حراري يومياً لمدة 3 ايام متتالية
- في الاسبوع الثالث : يعطى 600 سعر حراري لمدة 3 ايام متتالية
- في باقي الاسبوع الثالث : يعطى 900 سعر حراري يومياً

اتمنى الاستفادة للجميع